Loe 138
138
Barka da Lawa nɛ ǹ loe
1Davida a loe.
Dɛnaa Lawa, man barka diɛ n nɛ, ka ma foo tumaa nɛ.
Man die loe loe ma n tɔ bɔ nɛ, lon màn pàãdɛnan kɛn yɔrɔ-a.
2Man die n musin koɛ tán, ma yɔrɔ nə́ n kion sonbore kɛ la,
ma barka da n nɛ,
n kɔn-narɛɛ gole kɛ laanka n bǐɛ̃ duduu kɛ a lɛa.
A giala, n kɔ n da ǹ boo lɛ,
wɔ yiri din bɛ́ a ba màn mɛn-a wa, ń bɛ zɛnaa wɔ nɛ.
3Ma bɛ́ má lɛ dia n la ǹ mɛn pinaa,
ń nə́ n nyəə ma la.
Ń ma foo taã, ń màn da ma pàã li.
4Bɛ̀ kanaa a kiin nə́ n lɛ gɔ́ɔ̃ ǹ boo ma,
ǹ tumaa á re barka diɛ n nɛ, Dɛnaa Lawa.
5Ǹ tá re n nya ǹ dín lɛn kalɛɛ ka loe ne:
Dɛnaa Lawa a gugurubaa la yii ni.
6Ta Dɛnaa Lawa din nə lon sɔsɔɔ lɔn,
a yii tá minbuiin tumaa a kiɛɛrɛdɛnaa ganaa,
a nə n toɛ sɔsɔɔ, a din gole-kɔlen dɔ̃.
7Ta man nɔmaa bii,
n din nə ma kanbiɛ,
n tá maa zɔ́ɔn kɛn foo-busii toɛ ǹ gɔ́ɔ̃ nɛ.
N din tá re ma kirisibiɛ, ka n din pàã nɛ.
8Dɛnaa Lawa á re sii tumaa bǐɛ̃ koe, a kɔ ma la.
Dɛnaa Lawa, n kɔn-narɛɛ gole kɛ a nyɛɛ duduu wa.
N din gɔn na á wɔ zɛnaa,
n nyan wɔ daa bii-a wa.
Currently Selected:
Loe 138: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
