Zer 45
45
Lawa a boo Baruku wɔ lɛa
1 #
Kiin2 24.1; KZS2 36.5-7; Dan 1.1-2 Zoziasi a nɛgiĩ Zoakimu a kiibaa lɛ̀ siibaa ǹ wɔ li Zudaa gána mìi la, Lawa a boo gii-dali Zeremii boon da Neriya a nɛgiĩ Baruku ni, Baruku nə ǹ kiɛ̃. 2Baruku, Dɛnaa Lawa, Izirayeli a Lawa n kɛ pii n wɔ paǹ li: 3– Ń goã ń pɛ kɛnɛn: «Masɛ wɔ n ka koe ne. Hiĩ, man nɔmaa-n lɛlɛ ǹ dùũ, Dɛnaa Lawa wusoo á daa màn da maa foo ziziɛ̃ li. Má nɔmaa ka ginii ni. Susui ba ma la wa.»
4Dɛnaa Lawa boo mɛn da n wɔ paǹ li, bɛ á ke kəni:
Ma màn mɛn dɔ, man bɛ wurii,
ma màn mɛn zumu, man bɛ wɛ̃,
man zɛnɛɛ miɛ̃ gána lɛ tumaa nɛ.
5Sɛnɛ nsɛ n nɔ̀n diɛ sii dadaran li
n din wɔ lɛa!
N nyan màn kɔn nyankɔ wa.
Á ke, man koe boe màn
yiikoonaa tumaa ganaa,
Dɛnaa Lawa a da ǹ boo ne.
Sɛnɛ nsɛ, n bɛ́ re màn mɛn yii,
bɛ á ke:
N bɛ́ re woe bǎã woo bǎã nɛ,
n yii á re goɛ̃ koo.
Currently Selected:
Zer 45: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
