Iza 60
60
Zeruzalɛmu n die kanaa a tɛ fúlu biɛ
1Yoo lon Zeruzalɛmu, n tɛ pɛ!
A giala, tɛ fúlu n boe n wɔ lɛa.
Dɛnaa Lawa a gugurubaa kɛ
n fúlu boe n nɛ.
2Ga, wɔlɔ tì nə́ n kɔ tán lɛ.
Labara tì biribiri nə n pɛnɛ
tɔrɔn ganaa.
Sɛnɛ, nsɛ a paǹ li,
Dɛnaa Lawa yoo,
a gugurubaa n fúlu koe n la.
3Tɔrɔn tá re die n wɔlɔ fúlu
kɛ ganaa.
N baayɛlɛ a tɛ fúlu kɛ á re
kiin baɛ̃.
4N yii saa lon n ga n paǹ
tumaa li:
Ǹ tumaa nə n lɛ soekɔn,
ǹ nə́ die n li.
N nɛgiĩn man boe sɔsɔɔ die,
maǹ nə n nɛlɔn guĩ ǹ kolo-n.
5Bɛ̀ n nə́ ǹ yɛ,
foo kɔɔ̃nbaa taman yii,
n yɔrɔ á re tɛ pii, n nə n nyɛnyɛɛ,
a giala yìsi mu la ǹ goon
naforon tá re die n li.
Tɔrɔ kɔsɔn gɔn mànan tá re
n wɔ biɛ.
6Nyɔɔmaa kuru gigiã á re
n gána piɛ̃,
Madiã gána laanka Ɛfaa gána
a nyɔɔmaa tenən kɛn
tumaa á re boe Sabaa.
Ǹ tá re die sana laanka da yon
gìĩ kɔɔ̃n nɛ,
ǹ loe lɔ min tumaa yɔrɔ-a,
ǹ Dɛnaa Lawa tɔ bɔ nɛ.
7Kedaara minin tɔɔ kurun kɛn
tá re die n soekɔn-a n li.
Nebayɔti minin sère gɔ̀lɔ̀n kɛn
tá re maa wɔn biɛ,
ǹ tá re wúlu boe ǹ ne
maa *wúlu bɔ ǹ bǎã kɛ nɛ,
Á re *wúlu màn sonbore biɛ
ma yii li.
Man die maa kion lɛ a siĩnbaa
tɔ boe ka bɛ nɛ.
8Die n ka minin kɛn tumaa nɛ,
yui ka labaran bɛ́ lɔn,
piɛ̃ ka zɛrɛkatoan bɛ́ lɔn,
woe n doe a kii ni?
9Gánan mɛnɛn bɛ́ mu bii,
bɛn manə n yii diɛ ma la,
ǹ foo n doa nɛ.
Bǎã sɔsɔɔ mu la ǹ goo
dadaran man nyɛɛnɛ,
boe ka n nɛnyaanan lɛn nɛ
gána sɔsɔɔ nɛ,
kun ka ǹ sana laanka ǹ wɔrɔ nɛ.
Maǹ die gugurubaa diɛ
Dɛnaa Lawa,
n Lawa,
Izirayeli a Lawa sonbore kɛ tɔ la,
asɛ mɛn bɛ́
yii gugurubaa koe n la.
10Tiin man die n kungɔnɔn
kɛn doe,
ǹ kiin nə dí nya n nɛ.
Maa foo yoo gɔ́ɔ̃ nɛ,
má dɔlɔ bɔ n ganaa.
Sɛnɛ, maa makara-doɛ̃ taman yii,
man maa kɔn-narɛɛ nyɛɛ n nɛ.
11 #
SNS 21.25-26
N kiɛnlɛn tá re goɛ̃ koo duduu,
penleen laanka tèlò,
ǹ ba re ǹ tiɛ̃ wa
màn mɛn bɛ́ toɛ,
tɔrɔ kɔsɔn naforo nə da n piɛ,
kɔnlɛ ka ǹ kiin ni, kɔn kio.
12Tɔrɔ hinlaa gána mɛn
bɛ́ re n piɛ̃
ma a dí nyɛɛ n nɛ wa,
bɛ á re papaɛ̃.
Bɛa tɔrɔn lɛn tá re ziziɛ̃ lenlen.
13Liban da siĩn-siĩnin kɛn tá re
die n li,
ka da tɔrɔ sonboren kɛn nɛ,
ma maa kion lɛ gɔ́ɔ̃ nyaǹ kɔ
ka ǹ nɛ.
Bɛa yɔrɔ lɛ la, ma bɛ́ bǎã mɛn nɛ,
ma á re maa gugurubaa
nyɛɛ walan.
14 #
SNS 3.9
Min mɛnɛn nə fuu nyaa n nɛ,
bɛn nɔ̀ɔnɔn tá re n mɔrɛɛ
n ganaa,
ǹ mìi n kuməə ne.
Min mɛnɛn nə n baa màn
kooro lɛa,
bɛn tá re n musin koɛ
tán-a n yɔrɔ-a.
Ǹ tá re n bíi:
«Dɛnaa Lawa a kiwi,
Izirayeli a Lawa sonbore
a *Siɔn.»
15Maǹ nə́ goã ǹ nə́ n la bɔ
n ganaa,
min kɔn ba n narɛ wa,
min kɔn ba n yii koe n ganaa wa.
Sɛnɛ sisia, man die n bǐɛ̃ koe,
màn mɛn bɛ́ toɛ,
ǹ foo kɔɔ̃n kɔ n din taman yii,
yǎa duduu.
16N tá re tɔrɔ kɔsɔn bɔ̀nyaa mii,
n nə ǹ kiin naforo bii.
Ka bɛ-n kəni, n tá re doɛ̃
mà masɛ Dɛnaa Lawa nə
n kirisibaali lɛa,
mà Zakɔba a Lawa Pàãyiidɛnaa
nə n si sii la wole lɛa.
17Zan bǎã nɛ, man die ka sana nɛ.
Fɔlɔ bǎã nɛ, man die ka wɔrɔ nɛ.
Gɔn bǎã nɛ, man die ka zan nɛ.
Kɔlɔ bǎã nɛ, man die ka fɔlɔ nɛ.
Man lɛ diɛ là nyantoro la
a n nyɛɛnaan bɔ,
peperebaa mɛ n nyɛɛnɛ.
18Kakaarɛbaa boo ba re
n miɛ n gána-n doo wa.
Basaã laanka kɛbɔlɔ boo á re
n diɛ n gána gɔ́ɔ̃-n wa.
N kungɔnɔn kɛn tɔ n die
goɛ̃ "Kirisibaa",
n kiɛnlɛn tɔ goã "tɔ bɔ".
19 #
SNS 21.23; 22.5 N laadoo á re goɛ̃ wasa ganaa
mà a fúlu kaa n nɛ penleen wa.
N laadoo á re goɛ̃ mui
ganaa tèlò-n wa.
Masɛ Dɛnaa Lawa n die n tɛ
fúlu biɛ
dan ná a ba la wa,
ma din,
n Lawa n die tɛ fúlu kiɛ n ganaa
ka maa gugurubaa nɛ.
20N wasa á re miɛ wa.
N mui a re n yii siɛ̃ wa.
Taãn nɛ, masɛ Dɛnaa Lawa
n die goɛ̃
n tɛ fúlu lɛa dan ná a ba la wa.
N gɛ̀ koa biikoo á re nyɛɛ.
21N zaman kɛa minin tumaa
n die goɛ̃ pepere,
gána lɛ n die goɛ̃ ǹ wɔ lɛa
yǎa duduu.
Maǹ ka da gùrù bɛ́ lɔn,
ma dinmaa nə́ ǹ zumu.
Ma din gɔn na á ǹ zɛnaa,
maǹ maa gugurubaa nyɛɛ.
22Ǹ bii, ǹ kiɛɛrɛdɛnaa n die
min duu goon (1 000) yii.
Ǹ pàãwɛɛnaa á re tɔrɔ
pàãdɛnaa biɛ.
Masɛ Dɛnaa Lawa n die
bɛ zɛnɛɛ fufuu,
bɛ̀ a biikoo dɔ.
Currently Selected:
Iza 60: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
