Iza 46
46
Baabilonii a dìn nə́ mɛnaa
1Dì Bɛɛli musi mɛ,
dì Neboo nə́ n pusu,
ǹ nə́ ǹ nyínin kaa diin la,
ǹ nə́ ǹ kaa tɔɔn la.
Ka bɛ́ mànan mɛnɛn guĩ,
bɛn man guĩ lɛa tɔɔ nɔmaa
wolen kɛn ganaa.
2Dìn nə́ n pusu,
ǹ tumaa musi mɛ kun.
Ǹ boo la ǹ nə́ ǹ dinin nyínin
kɛn kirisibaa wa.
Ǹ dininmaan man woe bɛ̀rɛbaa
ǹ bǎã nɛ.
3Zakɔba a minin lɛn,
ka n too kɔ ma lon,
kasɛn Izirayeli tɔrɔ gialakun ke,
a kũ kaa yɛ waáraa ganaa,
má ka gɔ̀nɔn kũ.
Ka yɛ lɔn gɔrɔ,
má ka gũ ma kolo-n!
4Man miɛ̃ yǎa kaa zizi kɔ waáraa.
Man ka guĩ miɛ̃ yǎa ka
mìi ka fúli.
Má din nə má zɛnaa lɛlɛ,
ma din nə die ka guĩ doo.
Ma á re ka gɔ̀nɔn kuĩ,
ma ka kirisibaa.
5Ka ǹ boe la ka ma zɔ́ɔ̃ kɔn
ka die ne?
Ka ǹ ma biɛ goon ka die ne?
Ka ǹ ma zoɛ̃ kɔn ka die ne mà wɔ goã goon?
6Min tɛnɛn man sana gigiã
wɛɛ ǹ lon,
maǹ wɔrɔ zoɛ̃ kilo la.
Maǹ pii sana-yoli ni,
mà a dì zɛnaa a kɔ ǹsɛn la.
Bɛ kio, maǹ kiɛ tán dì lɛ yɔrɔ-a,
ǹ na a guguru kɔ.
7Bɛ kio, maǹ siɛ ǹ da ǹ kɔrɔn,
ǹ wo koa bǎã kɔn nɛ.
Maǹ koɛ tán,
a ná a bìn diɛ doo wa.
Ta min nə n lɛ dɛ a ganaa,
a ba n dɛnaa lɛ sii wa.
Koe biikoo li,
a min kɔn kirisibiɛ wa.
8Ka n yiri kɔ bɛ li,
ka n foo taã.
Ka n bɔyaa ka daa,
bɔlɔpaa-pɛlin lɛn.
Kirisibaa diri
9Ka n yiri kɔ ka sii bibinaan
kɛn nɛ,
ǹ mɛnɛn nə n zɛnaa lɛlɛ.
Ma din ni Lawa lɛa,
kɔsɔ banban.
Ma din ni Dɛnaa Lawa lɛa,
min kɔn ba ká masɛ bɛ́ lɔn wa.
10A kũ kanaa giala kɔ
waáraa ganaa,
sii mɛn bɛ́ re n zɛnɛɛ, man bɛ pii.
Sii mɛn bɛ́ a tɔ nə n zɛnaa wa,
man siɛ lɛlɛ ma bɛ pɛ.
Man pii:
Ma siin mɛnɛn koa ma yɔrɔ-a,
bɛn man yɔrɔ yii.
Sii mɛn tumaa bɛ́ kɔɔ̃n ma ganaa,
man bɛ zɛnɛɛ.
11Man giĩ goon bíi we tiãlɛa,
sɔsɔɔ, lɛ̀giala-n.
Pàã ná a lon ka giogialatã-a bɛ́ lɔn.
Ma siin mɛnɛn koa ma yɔrɔ-a,
a din nə die bɛn zɛnɛɛ.
Ma boo mɛn da,
man bɛ zɛnɛɛ.
Ma sii mɛn koa ma yɔrɔ-a,
man bɛ zɛnɛɛ.
12Mìi laa wolen lɛn,
kasɛn mɛnɛn wɔlɔ bɛ́
sɔsɔɔ peperebaa ganaa,
ka n too kɔ ma lon!
13Man die ka maa peperebaa nɛ,
a wɔlɔ a sɔsɔɔ doo wa.
Kirisibaa diri foɛɛ̃ nɛ.
Ma dinmaa n die ne *Siɔn.
Man die maa siĩnbaa
kɛ koe Izirayeli la.
Currently Selected:
Iza 46: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
