Iza 32
32
Peperebaa á re yii kanna kəni
1Á ke kii á re yii,
a kiibaa zɛnaa ka peperebaa nɛ,
kiãn tá re nyɛɛnaan boe
ka sonborebaa nɛ.
2Didie n die goɛ̃,
ka duru ǹ bǎã bɛ́ lɔn piɛ̃ giulun,
ka kion bɛ́ lɔn la giulun,
ka mu bɛ́ lɔn diə ne,
ka gɛ̀fu gole wúlu bɛ́ lɔn,
sɛ̀fuu gána nɛ.
3Min mɛnɛn yii bɛ́ á kɔnbɔ
ka wɔlɔ yɛ nɛ,
bɛn yii á tiɛ̃ doo wa.
Min mɛnɛn too bɛ́ á kɔnbɔ ka
boo ma nɛ,
bɛn tá re n too koe sɔnbɔraa nɛ.
4Foo fuunaan tá re sii giala miɛ.
Bobo-pɛlen tá re boo
diɛ fufuu, foaã nɛ.
5Ǹ ba re pii baãnaan man doo
mà ǹ yii á guguru wa.
Ǹ ba re pii wurumunun man
doo mà ǹ tá min sonboren lɛa wa.
6A giala,
baãnaa n baãnaabaa ǹ boo diɛ.
A nə n taasɛ sii baraa zɛnaa
dinsɔɔ̃ ganaa.
A n sii bɔbɔnɛɛn zɛnɛɛ.
A n sɔ koe Dɛnaa Lawa ganaa.
A ba màn-bii koe bòonaa la wa,
A ba mu koe mu borodɛnaa
la wa.
7Min mɛnɛn bɛ́ ǹ miãn yiri siɛ̃,
ǹ sii baraa zɛnaa la yii ni.
Maǹ tán dù bose
ǹ nə́ doobaan laadoo ziziɛ̃
ka soɛn nɛ,
ta sonbore nə ǹ lon.
8Sɛnɛ min mɛnɛn gɔ́ɔ̃ bɛ́ fu,
bɛn man taasiɛ sonboren woe,
ǹ nə́ sii bǐɛ̃ zɛnɛɛ.
Zeruzalɛmu a lɔn gɔn-waa manɛ
9Lɔ din narɛɛ wolen lɛn,
ka yoo ka n too kɔ ma lɛn li!
Nɛlɔ din koa wolen lɛn,
ka n too kɔ maa boo li!
10Kànaa ka lɛ̀ goon ka boɛɛn nɛ,
kasɛn din koa wolen kɛn,
ka yɔrɔ á re kɔsɛ.
Nɛ a re yii *rezɛ̃ da la min na wa,
kaa-piɛ a re yii wa.
11Lɔ din narɛɛ wolen lɛn,
ka gɔ̀nɔn tá re bìn diɛ,
kasɛn mɛnɛn bɛ́ n dinin koɛ
ka yɔrɔ á re kɔsɛ!
Ka n sɔlɔ, ka n gɔ̀nɔn kooro da,
ka gɛ̀ koa ǹ mɔnaan wɔ.
12Ka wuu pɛ ka gini kaa
wuru sonboren kɛn la,
ka kaa rezɛ̃ da nɛ-kɔlen kɛn nɛ.
13Ka wuu pɛ maa zaman a tán la,
ǹ mɛn bɛ́ nyan da si á n kɔ lɛ.
Ka wuu pɛ kiwi zɔ́n-zɛnaali
kɛa kionən la,
foo kɔɔ̃n bɛ́ ǹ mɛnɛn nɛ.
14A giala kii a kion gɔ́ɔ̃
kooromaa nɛ.
Min kɔn ba kiwi bìn dale kɛ-n
doo wa.
Ofɛli dala laanka wɔlɔ lɛduə̃
ǹ sanabolo ke,
ǹ nə́ n la bɔ bɛn ganaa duduu.
Ǹ nə́ don dundunun susu ǹ
bǎã baa,
tɔɔn buu sɔ̃ ǹ bǎã lɛa.
Lawa yiri á re gisĩ wɔ la
15Sɛnɛ ǹ kɔn pinaa,
Dɛnaa Lawa á re a yiri gisĩ wɔ la.
Bɛa biikoo li kəni,
diə gole á re n bɔyɛɛ
a da nɛ-kɔle wuru baa,
da nɛ-kɔle wuru á re n bɔyɛɛ
a daã baa.
16Bɛa biikoo li,
sonborebaa á re yii diə gole ne,
peperebaa á re giɛ̃ da
nɛ-kɔle wuru-n.
17Peperebaa a dí n die goɛ̃ ka
là nyantoro ne.
A din nə die ka yiri-giã nɛ
ka yii nyɛɛ nɛ.
18Dɛnaa Lawa a zaman tá re giɛ̃
là nyantoro bǎã nɛ, kionən ne,
foo n doa nɛ ǹ ganaa,
ka susu ǹ bǎã nɛ.
19La gii n die kiɛ daã lɛ la,
kiwi lɛ á re wurii.
20Sɛnɛ, ka foo á re kɔɔ̃n koe:
Mu bɛ́ bǎã mɛn tumaa nɛ,
ka á re màn diɛ walan.
Ka á re kaa diin laanka
kaa dundunun kiɛ
ǹ nə n bibiə̃ ǹ dinin gɔn wii á lɛa.
Currently Selected:
Iza 32: SBPE2011
Highlight
Copy
Compare
Share
Want to have your highlights saved across all your devices? Sign up or sign in
San Bible Protestant Edition © Bible Society of Burkina Faso, 2011.
