Vẽnegre 5
5
Sebre, la pe-bila
1 #
Eze 2.9,10, Eza 29.11 La mam yãnda sebr sẽn be sẽn zao-a geerã zugã nug‑rɩtgẽ. Sebrã pʋg ne a poorã fãa gʋlsame, la b sog-a-la ne sogds a yopoe. 2La mam yãnda malɛɛk sẽn tar pãng sẽn zẽkd a koɛɛg n sokdẽ yaa: Ãnda n zems tɩ sok sogdsã la a lak sebrã? 3La ned baa a yembr da ka be arzãn wall tẽng zugu, wall tẽngã tẽngr sẽn dag n tõe n lak sebrã wall a ges-a ye. 4La b sẽn ka yã ned baa a ye sẽn zems tɩ lak sebrã wall tɩ ges-a wã yĩnga, mam da yãbda wʋsgo. 5#Sɩng 49.9, Eza 11.1,10La kãsem-dãmbã ned a yembr yeela maam yaa: Da yãb ye. Ad Zʋʋda buudã gɩgemd sẽn yaa a Davɩɩd yagengã paama tõogre, n na n sok sogds a yopoe wã la a lak sebrã. 6#Eza 53.7, Zaka 4.10La mam yãnda pe-bil sẽn yas yĩngr geerã sʋka, la bõn-vɩɩs a naasã ne kãsem-dãmbã sʋka, la a yaa wa pesg b sẽn kodge. Pe-bilã dag n tara yɩɩl a yopoe la nin a yopoe sẽn yaa Wẽnnaam sɩɩs a yopoe wã b sẽn tʋm dũniyã tɛk fãa wã. 7Pe-bilã waa n deega sebrã sẽn be sẽn zao-a geerã zugã nug‑rɩtgẽ wã. 8#Yɩɩn 141.2Pe-bilã sẽn deeg sebrã, bõn-vɩɩs a naasã ne kãsem-dãmbã pisi la a naasã wõgemda bãmb taoore, la bãmb ned kam fãa zãada pɛndg la sãnem laag sẽn pid ne tɩdar sẽn tar yũ-noogo, sẽn yaa nin-sõamyã pʋʋsgo. 9#Yɩɩn 33.3, 98.1, Eza 42.10La bãmb da yɩɩnda yɩɩn-paalg n yetẽ:
Yãmb n zems tɩ reeg sebrã la y sogs a sogdsã,
bala b ra kʋʋ yãmba,
la yãmb fãaga neb buud fãa pʋgẽ,
goam buud fãa pʋgẽ, tẽms fãa pʋgẽ,
soolem fãa pʋgẽ ne yãmb zɩɩm
tɩ b lebg Wẽnnaam nebã.
10 #
Yik 19.6, Vẽn 1.6 Yãmb kɩtame tɩ bãmb lebg soolem
la maan-kʋʋdb tõnd Wẽnnaamã yĩnga,
la bãmb na n dɩɩ naam dũni zugu.
11 #
Dãn 7.10
Mam gesame la m wʋma malegs wʋsg sẽn gũbg geerã, ne bõn-vɩɩsã la kãsem-dãmbã koeese, la bãmb sõorã yaa tus piig naoor tus piiga, la tus naoor tusa. 12Bãmb da zẽkda b koees n yetẽ:
Pe-bil ning b sẽn dag n kʋ wã
zemsame tɩ reeg pãn-tõogo,
arzegse, yam, pãnga,
waoogre, ziiri, la pẽgre.
13La mam wʋma bõn-naandsã fãa sẽn be arzãna, la sẽn be tẽng zug la tẽngã tẽngre, la ko-kãsengã zugu, la bũmb nins fãa sẽn be be wã sẽn yet yaa:
Sẽn zao-a geerã zugã la pe-bilã n tog ne pẽgre,
la waoogre, la ziiri, la pãnga, zamaan woo zamaane.
14La bõn-vɩɩs a naasã yeelame yaa: Ãmina! La kãsem-dãmbã yĩgimdame n waoog-ba.
Currently Selected:
Vẽnegre 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
