Vẽnegre 4
4
Wẽnnaam paamda waoogr arzãn pʋga
1Dẽ poore, mam gesame, la haya! Mam yãnda kʋɩleng sẽn pak arzãn pʋga. La pipi koɛɛg ning sẽn wẽnd baorg mam sẽn da wʋm t'a gomd ne maamã yeela maam yaa: Rʋ yĩngr ka, la mam na n kɩtame tɩ fo yã bũmb nins sẽn yaa tɩlɛ tɩ wa zĩndã. 2#Eze 1.26-28, 10.1Tao-tao bala, Sɩɩg-sõng pida maam. La ade, geer n da be arzãn pʋga, la ned n dag n zao geerã zugu. 3Ned ning sẽn zao-a geerã zugã dag n wẽnda wa kug sẽn be yõod n boond tɩ zaspe la sardoan. La saag-gomtɩʋʋg sẽn wẽnd wa kugr sẽn boond tɩ emerood n dag n gũbg geerã. 4La gɛy pisi la a naas n dag n gilg ge-kãsengã, la kãsem-dãmb pisi la a naas n zao b zutu, n yer fu-peelse, la b fõg sãnem maanf-rãmba. 5#Yik 19.16, Vẽn 8.5, 11.19, 16.18, Eze 1.13, Vẽn 1.4, Zaka 4.2Sa-yãgbo, la kelemse, la sa-kelems n yit geerẽ wã. Fɩtl-dãmb a yopoe n be geerã taoor n wit ne pãnga. Bãmb yaa Wẽnnaam sɩɩs a yopoe wã. 6#Eze 1.22#Eze 1.5-10, 10.14Geerã taoor dag n gãnega bũmb sẽn pɩnd wa vɛɛre#4.6 Vɛɛre: Yaa bũmb sẽn yaa kãenkãe n pɩnda, la bũmb sã n be a pʋgẽ b ne-a lame., n tud n yaa wa kiristalle#4.6 Kiristalle: Yaa bũmb ning b sẽn tar n maand vɛɛrã.. La geerã sʋk ne sẽn gũbg geerã fãa, bõn-vɩɩs a naas n be beenẽ n pid ne nin taoor la poorẽ. 7Pipi bõn-vɩɩgã wẽnda wa gɩgemde, la yiib soabã wẽnda wa nag-bila, la tãab soabã neng wẽnda wa ninsaal nenga, la naas soabã wẽnda wa panantugr sẽn yɩgda. 8#Eze 1.18, 10.12, Eza 6.2,3Bõn-vɩɩs a naasã ned kam fãa tara pɩgs a yoob sẽn pid ne nin b zĩigã fãa, la b pʋgẽ wã me. Wĩndg la yʋngo b yetame tɩ:
Sõngo, sõngo, Zu-soab a Wẽnnaam
sẽn Tõeyã fãa wã yaa sõngo.
Bãmb da beeme la b bee moasã la b watame,
n ka basdẽ ye. 9La wakat ning bõn-vɩɩs a naasã sẽn pẽgd la b waoog sẽn zao-a geerã zug n vɩ zamaan woo zamaana, la b pʋʋsd-b barkã, 10kãsem-dãmb pisi la a naasã wõgemdeda sẽn zao-a geerã zug la sẽn vɩ zamaan woo zamaana taoore, n waoogd-ba, la b lobd-b maanf-rãmbã geerã taoor la b yetẽ:
11Tõnd Zu-soab la d Wẽnnaam, yãmb n zems tɩ reeg ziiri, la waoogre, la pãnga. Bala, yãmb n naan bũmb fãa, la yaa yãmb daab yĩng la y naan-b tɩ b beẽ.
Currently Selected:
Vẽnegre 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
