Vẽnegre 15
15
Malegs a yopoe sẽn zãad tood a yopoe
1Dẽ poore, mam yãnda bãnd a to arzãn sẽn yaa kãseng n sek gesgo. Yaa malegs a yopoe sẽn da zãad tood a yopoe, yaoolem dãmbã. Bala yaa ne to-kãens la Wẽnnaam sũ-puugrã na n pidsi.
2La mam yãnda bũmb sẽn yaa wa ko-kãseng sẽn yaa nen-gɛtga, n kalem ne bugum. La mam yãnda neb nins sẽn tõog rũngã ne a bõn-naandgã la a yʋʋrã geel-bilã sẽn yɛs yĩngri, nen-gɛtgã sẽn wẽnd ko-kãsengã zugu. Bãmb da zãada Wẽnnaam pendse. 3#Yik 15.1Bãmb yɩɩnda Wẽnnaam tʋmtʋmd a Moyiis yɩɩllã, la pe-bilã yɩɩlle:
Zu-soab a Wẽnnaam Sẽn‑Tõe‑Fãa,
yãmb tʋʋmã yaa kãsemse la b bee neere!
Soolem dãmbã rĩmã,
yãmb tʋʋmã zemsame la b yaa sɩda.
4 #
Zer 10.7,
Yɩɩn 86.9
Zu-soaba, ãndã n ka na n zoe yãmba, la a ka na n waoog yãmb yʋʋrã? Bala, yãmb y yembr tãa n welg toore. La soolem dãmbã fãa na n wa wõgemda yãmb taoore, yãmb tɩrlmã sẽn pukã yĩnga.
5 #
Yik 38.21
Rẽ poore, mam gesame, la b paka kaset fu-roogã yɩlgr zĩigã arzãn pʋga. 6Malegs nins sẽn da zãad tood a yopoe wã yii yɩlgr doogẽ wã. Bãmb dag n yera peen‑neer sẽn yaa pɛɛlg falll... fut sẽn yãgda. La b rag n sẽba b yãad ne sãnem sẽbdse. 7Ned a yembr bõn-vɩɩs a naasã sʋk kõo malegs a yopoe wã sãnem laas a yopoe sẽn pid ne Wẽnnaam sẽn vɩ zamaan woo zamaanã sũ-puugri. 8#Yik 40.34, 1Rĩm 8.10,11, 2Kib 5.13,14, Eza 6.4La yɩlgr doogã pida ne bug-zõose, Wẽnnaam ziirã ne b pãngã yĩnga, la ned baa a yembr da ka tõe n kẽ yɩlgr doogẽ wã ye, hal tɩ toodã malegs a yopoe wã sẽn zãadã sɛ.
Currently Selected:
Vẽnegre 15: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
