Vẽnegre 1
1
A Zeezi Kiris vẽnegre
1Woto yaa a Zeezi Kiris vẽnegr Wẽnnaam sẽn kõ bãmb tɩ b wilg b nonglem yembsã bũmb nins sẽn tog n zĩnd wakat bilf sã n paase. La a Zeezi Kiris tʋma b malɛɛk t'a wilg b tʋmtʋmd a Zã bõn-kãense. 2Yaa yẽnda n yɩ kaset soaba, n togs nebã Wẽnnaam goamã la a Zeezi Kiris kasetã, n wilg bũmb nins fãa yẽnda sẽn yã wã. 3Bark bee neb nins sẽn karemd pĩnd-n-bãngr gom-kãensã wã zutu, la neb nins sẽn kelgdã, la b sakd bũmb nins sẽn gʋls tɩ be a pʋgẽ wã zutu. Bala wakatã kolgame.
Pʋʋsem Wẽnnaam nebã sẽn be tẽms a yopoe wã yĩnga
4-5 #
Yik 3.14, Vẽn 4.5, Eza 55.4, Yɩɩn 89.28 Maam a Zã n tʋmd seb‑kãngã wẽnd-dot a yopoe wã sẽn be Aazi Porvẽnsã pʋgẽ wã. Bɩ soab ning sẽn be, la sẽn dag n be la sẽn watã, n paas sɩɩs a yopoe wã sẽn be bãmb geerã taoorã, la a Zeezi Kiris sẽn yaa kaset soab sẽn yaa tɩrga, la pipi soab Wẽnnaam sẽn vʋʋg n bas kũum la dũniyã rĩm-dãmbã Rĩmã ning yãmb zut barka, la b kõ-y bãane.
Soab ning sẽn nonga tõndo, n pek tõnd ne b zɩɩmã 6#Yik 19.6, Vẽn 5.10n yiis d yel-wẽnã, n maan tõnd tɩ d lebg soolem maan-kʋʋdb bãmb ba a Wẽnnaam yĩngã, bãmb n tog ne ziiri la pãng zamaan woo zamaane! Ãmina!
7 #
Dãn 7.13, Mat 24.30, Mark 13.26, Luk 21.27, 1Tes 4.17,
Zaka 12.10, Zã 19.34,37,
Zaka 12.10, Mat 24.30 Ade bãmb wata ne sawato.
Ninsaal fãa na n yãnda bãmba,
hal baa ne neb nins sẽn dag n kõs bãmbã.
La buudã fãa sẽn be dũni zugã
na n wiisa bãmb yĩnga.
N-yẽe! Ãmina! 8#Vẽn 22.13, Yik 3.14Zu-soab a Wẽnnaam yetame yaa: Maam la Alfa la Omega, soab ning sẽn be moasã, la sẽn dag n be, la sẽn watã, soab ning sẽn Tõeyã fãa wã.
A Zã yãnda Ninsaal Bi-riblã vẽnegr pʋgẽ
9Maam a Zã sẽn yaa yãmb ba-biigã, la sẽn naag yãmb n paamd namsgo, la sẽn naag yãmb n tar pʋɩɩr ne Wẽnnaam soolem, la m naag n maood a Zeezi tũudmã pʋgẽ wã, mam dag n bee Patmoos sẽn yaa tẽng koom sẽn gũbgi, Wẽnnaam goamã la a Zeezi kasetã yĩnga. 10Zu-soabã daare, Sɩɩg-sõng pida maam, la mam wʋma koe-kãseng sẽn wẽnd baorg koɛɛg m poorẽ. 11A da yetame yaa: Gʋls bũmb nins fo sẽn ne wã sebr zug n tʋm wẽnd-dot a yopoe wã sẽn be Efɛɛse, la Ismirn, la Pɛrgam, la Tɩyatɩɩr, la Sard, la Filadɛlfi ne Laodiise.
12Mam wẽnemdame n na n ges ned ning sẽn da gomd-a ne maamã. La mam sẽn wẽnemde, mam yãnda sãnem fɩtl-dogends a yopoe, 13#Dãn 7.13, Dãn 10.5la ned sẽn be fɩtl-dogends a yopoe wã sʋka, n wẽnd Ninsaal Bi-ribla. B rag n yera fuug sẽn sig n ta b naoã, la b ra sẽbga b yãoog ne sãnem sẽbdga. 14#Dãn 7.9#Dãn 10.6B zugã zoobd rag n yaa peels wa pe-kõbdo la wa lamdo. B ninã ra yaa wa bug-witim. 15#Eze 1.24, 43.2B naoã ra yaa wa zũud b sẽn zug boaag pʋgẽ t'a mooge, la b koɛɛgã ra yaa wa ko-kãsemsã bʋrgo. 16Bãmb da zãada ãds a yopoe ne b rɩtgo. Zabr sʋʋg sẽn tar noy a yiib sẽn dɩt n da yit bãmb noorẽ wã. La bãmb nengã ra yaa wa wĩntoogo, wakat ning a sẽn yãgd ne a pãng tɛkã. Fɩtl dogends a yopoe.
17 #
Eza 44.6, 48.12, Vẽn 2.8, 22.13 Mam sẽn yãnd-bã, mam lʋɩɩ b taoor n yaa wa kũum. Bãmb tika maam ne b nug-rɩtg n yeel yaa: Da maan rabeem ye! 18Mam yaa dẽenem la yaoolem soaba, soab ning sẽn vɩ. Mam dag n kiime, la ad-ma, mam vɩɩme, zamaan woo zamaane. Mam tara kũum ne kɩɩm-kulg kʋɩlen-biisi. 19Dẽ wã, gʋls bũmb nins fo sẽn yã, bũmb nins sẽn be moasã, la bũmb nins sẽn na n yaool n maanã. 20Ad ãds a yopoe wã fo sẽn yã mam rɩtgã ne sãnem fɩtl-dogends a yopoe wã yel-solemdã võore: Ãds a yopoe wã yaa wẽnd-dot a yopoe sẽn be tẽms a yopoe wã gũudba, la sãnem fɩtl-dogends a yopoe wã yaa wẽnd-dot a yopoe wã sẽn be tẽms a yopoe wã.
Currently Selected:
Vẽnegre 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
