Sõdbo 30
30
Pagb pʋleng tõodo
1La a Moyiis togsa Israyɛll nebã tõod nins fãa Sẽn-Ka-Saab sẽn wilg yẽnda wã. 2Dẽ zugẽ, a Moyiis boola buudã kãsem-dãmb n yeel-b yaa: «Ad noy a taab Sẽn-Ka-Saab sẽn kõ: 3#Tõ 23.22-24, Mat 5.33Ned sã n pʋlem t'a na n kõ Sẽn-Ka-Saabo kũuni, bɩ a wẽename t'a na n maana bũmbu, bɩ a ra bas n ka pids ye. Yẽnda tog n modg n pidsa bũmb ning sẽn yi a noorẽ wã. 4La bi-pugl sẽn ket a ba zakẽ sã n maan pʋleng ne Sẽn-Ka-Saabo, wall a wẽename t'a na n maana bũmbu, 5a ba wã sã n bãng t'a maana pʋlengo, n yaool n ka yeel-a tɩ bũmbu, bi-puglã tog n pidsa a pʋlengã. 6La daar ning a ba wã sẽn bãngã, a sã n yeel bi-puglã tɩ yẽnda ka sak pʋlengã a sẽn maanã, bɩ bi-puglã bas a pʋlengã n da pids ye. La Sẽn-Ka-Saab ka na n ning-a taal ye. Bala, yaa a ba wã n gɩdg-a. 7La bi-puglã sã n maan pʋlengo, wall a wẽen n ka yals n tagse, a sã n wa kuil sɩda, 8t'a sɩdã bãnge, n ka yeel-a tɩ bũmb a sẽn bãngã daare, pagã tog n pidsa a pʋlengã. 9La daar ning a sɩdã sẽn bãng pʋlengã, a sã n yeel a pagã tɩ yẽnda ka sake, bɩ pagã bas a pʋlengã n da pids ye. La Sẽn-Ka-Saab ka na n ning-a taal ye. 10La pʋg-kõor bɩ pag sẽn ka leb n vɩ ne a sɩd sã n maan pʋlengo, a tog n pids-a lame. 11La pag sã n vɩ ne a sɩda, n maan pʋleng ne Sẽn-Ka-Saabo, wall a wẽen t'a na n maana bũmbu, 12t'a sɩdã bãnge, n ka yeel-a tɩ bũmbu, pagã tog n pidsa a pʋlengã. 13La daar ning a sɩdã sẽn bãngã, a sã n gɩdg a pagã t'a ra pids a pʋlengã, bɩ a ra pids ye. Bala, yaa a sɩdã n gɩdg-a. La Sẽn-Ka-Saab ka na n ning-a taal ye. 14Pag sã n maan pʋlengo, wall a wẽen n yeel t'a ka na n maan bũmbu, a sɩdã tara noor tɩ sake, wall a gɩdg-a t'a ra pids a pʋlengã ye. 15La a sɩdã sã n bãnge, n ka yeel a pagã tɩ bũmbu, hal tɩ ta vẽkembeoogo, a sɩdã sẽn sĩndã wilgdame t'a saka pʋlengã bɩ wẽenegã pidsgu. 16La sɩdã sã n bas tɩ vẽeg beoogo, t'a rat n gɩdg pʋlengã pidsgu, taalã bee raoã zugu.» 17Ade, yaa tõ-bãmbã la Sẽn-Ka-Saab kõ a Moyiisi, sẽn kẽed ne pag sẽn vɩ ne a sɩda, wall bi-pugl sẽn ket n vɩ a ba zakẽ wɛɛngẽ.
Currently Selected:
Sõdbo 30: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
