A Matye koe‑noogo 24
24
Wẽnd doogã sãoongo
(Mark 13.1-23, Luk 17.22-24, 21.5-15)
1A Zeezi sẽn yi wẽnd doogẽ wã n loogdẽ, b karen-biisã kolgame n wilg bãmb tɩ b ges a meebã sẽn yaa to-to 2A Zeezi leoka bãmb n yeele: «Yãmb nee bõn-kãensã fãa? Sɩd-sɩda, mam yeta yãmb tɩ kugr baa a yembr kõn pa a to zug ye. B na n leeb-b-la zãng n lubi.»
3Bãmb zĩnda oliiv tɩɩs tãngã zugu, la bãmb karen-biisã waa bãmb nengẽ neb sẽn ka be be wakat n yeel-b yaa: «Togs-y tõnd wakat ning bõn-kãens fãa sẽn na n zĩndã, la bãnd ning sẽn na n wilg tɩ yãmb watame la tɩ dũni na n sɛɛme wã.»
Bãn sẽn na n deng dũni sɛɛbo
4A Zeezi leok-b lame n yeele: «Gũus-y y mens tɩ ned da tudg yãmb ye. 5Bala, neb wʋsg n na n wa rɩk mam yʋʋrã n yetẽ: ‹Yaa maam la Kirisã.› La b na n tudga neb wʋsgo. 6Yãmb na n wʋmame tɩ b gomd zab yelle, la y wʋm zab rãamde. Yõk-y y mens n da yɛɛs ye. Bala, bõn-kãens fãa tog n waame. La ket n nan ka wakat sɛɛb ye. 7Soolem na n yika zabr ne soolem a to, tɩ rĩung yik ne rĩung a to, la kom ne tẽn-digimdg na n zĩnda zĩig-zĩiga. 8Yõwã fãa na n yɩɩ wa rogem toog sɩngr bala. 9#Mat 10.22Dẽ, b na n namsa yãmba, n kʋ yãmba, la soolem fãa nebã na n kisga yãmb mam yʋʋrã yĩnga. 10Bõn-kãng na n waa ne neb wʋsg lʋɩɩse. B na n zãmba taaba, n kisg taaba. 11Belgr no-rɛɛsdb wʋsg na n pukame la b na n belga neb wʋsg n tõoge. 12Wẽngã maaneg sẽn na n lebg wʋsgã yĩnga, neb wʋsg nonglem na n boogame. 13#Mat 10.22La ned ning fãa sẽn na n mao-a tɩ wakat ta, a na paam fãagre. 14Wẽnnaam soolmã koe-no-kãngã na n moona dũni gill fãa, tɩ yɩ kaset soolem toay‑toayã fãa nebã yĩnga. Dẽ, wakat sɛɛb na yaool n ta.
15 #
Dãn 9.27, 11.31, 12.11 Yaa woto yĩng tɩ yãmb sã n yãnd sãoong bõn-wẽngã Wẽnnaam no-rɛɛs a Dãniyɛll sẽn dag n gom a yellã sẽn be zĩ-sõngẽ wã, bɩ sẽn karemd-a wã gũusi, 16bɩ neb nins sẽn be‑b Zʋʋde wã zoe n dʋ tãmsã, 17#Luk 17.31bɩ ned ning sẽn be bɛoong zug da sig n kẽ a roogẽ n na n dɩk bũmb be ye, 18la bɩ ned ning sẽn be a pʋʋgẽ ra leb a poorẽ n na n tɩ rɩk a fuug ye. 19Toog bee Pagb nins sẽn tʋtã, la sẽn yẽsemd kamb wakat-kãngã zugu. 20Pʋʋs-y Wẽnnaam tɩ y zoeesã ra yɩ waood wẽnd bɩ vʋʋsg daar ye. 21#Dãn 12.1, Vẽn 7.14Bala, wakat-kãnga, to-kãseng n na n zĩndi, la a buud ka zĩnd hal dũni sɩngr wakat tɩ ta masã ye, la a buud kõn tol n zĩnd yɛs ye, abada. 22La da-kãens sõorã sã n dag n ka boogẽ, ned baa a yembr dag n kõn põsẽ ye. La b booga da-kãens sõor nin-tũusdsã yĩnga. 23Dẽ, ned sã n yeel yãmb tɩ Kirisã bee ka wall ka sẽnẽ, bɩ y ra tẽ a soab ye. 24Bala, belgr kiris-rãmb la belgr no-rɛɛsdb n na n puki. B na n maana bõn-kãsemse, la bõn-yɛɛsdse, hal tɩ b sã n tõe menga, b na n tudga nin-tũusdsã mense. 25Gese, mam pĩnd n togsa yãmb bõn-kãnga. 26#Luk 17.23,24Dẽ, b sã n yeel yãmb tɩ ad Kirisã bee we-rasempʋɩɩgẽ wã, bɩ y ra kẽng ye, wall ad b bee roogẽ wã, bɩ y ra tẽ ye. 27Sɩda, a wa sa-yãgb sẽn yit yaang n yãg n tãagd nin-taoorã, Ninsaal Bi-riblã waoong me na n yɩɩ a woto. 28#Luk 17.37Dɩgr sẽn be zĩig ning fãa, yɩbrend na tigs taab be.»
Ninsaal Bi-riblã waoongo
(Mark 13.24-37, Luk 12.41-48, 17.25-36, 21.25-36)
29 #
Eza 13.10, Vẽn 6.12,
Eza 13.10, Eze 32.7, Zow 2.10,
Eza 34.4, Vẽn 6.13 Tao-tao bala, ra-kãens toogã zugẽ, wĩndgã na n sobgame, kiuugã peelem kõn leb n zĩnd ye, ãdsã na n yii yĩngr n sʋʋge, la saasẽ pãensã na n digimdame. 30#Dãn 7.13, Zaka 12.10-14, Vẽn 1.7Wakat-kãnga, Ninsaal Bi-riblã bãnd na yaool n puk saasẽ. Buud nins fãa sẽn be dũniyã zugã neb na n wiisame, la b na n yãnda Ninsaal Bi-riblã sẽn zao sawat n wat ne pãn-kãsenga la ne ziiri. 31Bãmb na n tʋma b malegs ne baor‑kẽeng koe-kãsenga, tɩ b tigs bãmb nin-tũusdsã sẽn be dũniyã kɩrems a naasã, hal yaang la nin‑taoore. 32Reeg-y kankangã yel-bũndã tɩ yɩ zãmsg y yĩnga. Kankang sã n wa n tãood wil-poala, n sɩng n tobdẽ, yãmb miime tɩ sig-noy kolgame. 33Woto me, yãmb me sã n wa n yãnd bõn-kãensã fãa, bɩ y bãng tɩ Ninsaal Bi-riblã kolgame la b bee dignoorẽ. 34Sɩd sɩda, mam yeta yãmb tɩ zamaan‑kãngã kõn sa tɩ bõn-kãensã fãa ka maan ye. 35Saasẽ la tẽng na looge, la mam goamã kõn loog ye. 36Sã n yaa ne a daarã la a wakatã, ned baa a yembr ka mi ye: malegsã sẽn be arzãnã ka mi, Bi-riblã ka mi. Yaa ba wã bal n mi. 37#Sɩng 6.5-8Bũmb ning sẽn zĩnd a Nowe wakatã n na n zĩnd Ninsaal Bi-riblã waoong wakat me. 38Bala, rasem nins sẽn deng sãoong sa-kãsengã, nebã dag n dɩtame la b yũuda, n kẽed kãadem la b yiisd b kamb kãadem, hal tɩ ta daar ning a Nowe sẽn kẽ koom koglgã pʋgẽ wã. 39#Sɩng 7.6-24Bãmb dag n ka tẽed yell hal tɩ sãoong sa-kãsengã wa n kãag bãmb fãa. Na n yɩɩ a woto me Ninsaal Bi-riblã waoong wakate. 40Dẽ, raop a yiib sẽn na n be pʋʋgẽ n kooda: b na n dɩka a yembre la b bas a yembre. 41Pagb a yiib na n bee neerẽ n werda: tɩ b rɩk a yembre la b bas a yembre. 42Rẽ yĩnga, neend-yã, yãmb sẽn ka mi daar ning yãmb Zu-soabã sẽn na n wa wã yĩnga. 43#Luk 12.39,40Bãng-y tɩ yir soab sã n dag n bãngẽ wagdr sẽn na n wa yʋngã wakat ninga, a dag n na n gũume la a ka na n bas-a t'a poog a roogã ye. 44Woto yĩnga, yãmb me segl n sɛ, bala, Ninsaal Bi-riblã na n waa wakat ning yãmb sẽn ka tagsd tɩ b na waame wã.
45Dẽ wã, tʋmtʋmd bʋg n tar yam n yaa sɩd soaba, t'a soaalã lʋɩɩs-a a nebã taoore, t'a tõe n kõ-b rɩɩb wakat fãa sẽn segde? 46Tʋmtʋmd‑kãng soaalã sã n lebg n wa n mik t'a maanda a woto, tʋmtʋmdã sũur na n yɩɩ noogo. 47Sɩd-sɩda, mam yeta yãmb t'a soaalã na n kɩtame t'a soog bũmb nins fãa yẽnda sẽn tarã. 48La a sã n yaa tʋmtʋmd yoog sẽn yet t'a soaalã kaoosda waoongo, 49a sã n sɩng n pãb a zĩnd-n-taasã, a sã n naag rã-yũudbã n dɩtẽ la a yũuda, 50a soaalã na n waa daar ning a sẽn ka tẽeda, la wakat ning a sẽn ka mi ye. 51La a na n sɩbg-a-la sõama, tɩ bũmb ning sẽn paamd zãmb dãmbã paam-a, zĩig ning yãbr la yẽn wãbr sẽn na n zĩndã.
Currently Selected:
A Matye koe‑noogo 24: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
