Maan‑kʋʋre 19

Wẽnnaam daab b tʋʋmdã wɛɛngẽ

1Sẽn-Ka-Saab yeela a Moyiis yaa: 2#Mk 11.44,45, 1Pɩy 1.16«Gom ne Israyɛll nin-buiidã n yeel-b yaa: Yɩ-y pʋ-peelem dãmba, bala, maam a Sẽn-Ka-Saab sẽn yaa yãmb Wẽnnaamã yaa pʋ-peelem soaba. 3#Yik 20.12, Tõ 5.16, Yik 20.8, Tõ 5.12Bɩ yãmb ned kam fãa waoog a ba, la a ma, la a sak mam vʋʋsg rayã. Bala, mam yaa Sẽn-Ka-Saab sẽn yaa yãmb Wẽnnaam.

4 # Mk 26.1, Yik 20.23, 34.17, Tõ 27.15 Da waoog-y wẽn-naandse, la y ra yẽneg kut n maan wẽn-naands ye. Bala, mam yaa Sẽn-Ka-Saab sẽn yaa yãmb Wẽnnaam. 5Yãmb sã n na n maan zems-n-taar maoong n kõ Sẽn-Ka-Saabo, bɩ y maan-a wa sẽn zemse, tɩ mam tõe n sak n deeg-a. 6Yãmb tog n wãba maoongã rũng nemd maoongã daare, wall a vẽkembeoogo. La a sã n kell n ta rasem a tãabo, bɩ y rɩk-a n yõog bugum. 7Ned sã n dɩ nem-kellã rasem a tãabã daare, mam ka na n deeg a soab ye. Bala, nemdã yaa bõn-dẽgdo. 8Ned ning sẽn dɩt-a nem-kãng rogenda yell a meng zugu, bala, yẽnda paooga bũmb ning sẽn welg toor Sẽn-Ka-Saab yĩngã. Bɩ y yiis nin-kãng soab a buudã sʋk n kʋ. 9#Mk 27.15, Tõ 24.19-22Yãmb sã n wa n tigsd y bõn-koaadlã y tẽngã pʋga, bɩ y bas kood nins sẽn be pʋʋgã kɩrengã n da kẽeb ye. La da leb-y poorẽ n wʋk kood ning sẽn pa pʋʋgẽ wã tigsgã poorã ye. 10Sẽn paas me, yãmb ka tog n tõs reezẽ-gĩnã sẽn pa wilẽ wã tigsgã poorã ye. La y ra lebg n wʋk reezẽ-bɛɛlã sẽn dʋʋgã ye. Bɩ y bas bõn-kãense, ninbãan-nebã ne sãambã yĩnga. Bala, mam yaa Sẽn-Ka-Saab sẽn yaa yãmb Wẽnnaam.

11 # Yik 20.15, Tõ 5.19, Yik 20.16, Tõ 5.20 Bɩ y ra zu ye. Bɩ yãmb ned ba a yembr da rõd a tẽng-n-bi-taaga, la ra-y zãmb-y-yã-a ye. 12#Yik 20.7, Tõ 5.11, Mat 5.33Bɩ y ra wẽen zĩrẽ wẽeneg ne mam yʋʋr ye. Bala, y sã n maan woto, y paoogda mam yʋʋrã. Mam yaa Sẽn-Ka-Saabo. 13#Tõ 24.14,15Bɩ f ra wẽg f to, la ra zu-a ye. Da bas f tʋm-tʋmd yaood f nengẽ n vẽeg beoog ye. 14#Tõ 27.18Ra kãab wʋng kãab-beed ye. La ra f ning bẽdg zoang taoor t'a lak ye. Bɩ f zoe Wẽnnaam. Mam yaa Sẽn-Ka-Saabo. 15#Yik 23.6-8, Tõ 16.19Da kao bʋʋd kegr ye. Ra mong naong soab bʋʋm a naongã yĩnga, la f ra kõ nin-kãseng bʋʋm a sẽn yaa nin-kãsengã yĩng ye. Bɩ y kao ba-biig bʋʋd tɩrga. 16Bɩ y ra kãneg taab ye. Ra rõd f to tɩ b kʋ-a ye. Mam yaa Sẽn-Ka-Saabo. 17#Mat 18.15Bɩ f ra kisg f ba-biig f sũurẽ ye, bɩ f wilg-a a kongre, n da wa n bao yell n dogl f meng yẽnda yĩng ye. 18#Mat 5.43, 19.19, 22.39, Mark 12.31, Luk 10.27, Rom 13.9, Gal 5.14, Zak 2.8Ra rok f sũuri ye, la f ra tall sũur ne f tẽngã ned ye. Nong f to wa f menga. Mam yaa Sẽn-Ka-Saabo. 19#Tõ 22.9-11Bɩ y sak mam tõodã. Bɩ f ra rɩk rũms buud toor-toor a yiib n kɩt tɩ b rʋ taab ye. Da rɩk bõn-buud buud toor-toor a yiib n bʋd f pʋʋgẽ ye. La fo ka tog n yeelg fuug sẽn wʋg ne gĩs buud a yiib ye.

20Rao sã n gãand yem-poak b sẽn dag n dɩk n kõ ned t'a na n maan paga, tɩ b mik t'a soabã nan ka yaoo ligdã, wall a yem-poakã soaalã sã n nan ka kõ-a lohorem, bɩ b sɩbg-a soabã, la b ka tog n kʋ-b ye. Bala, yem-poakã nan ka paam lohorem ye. 21La raoã tog n talla pe-raoog n wa ne sɛk roogã noore, Sẽn-Ka-Saab taoore, tɩ b maan paoosg maoong a beegrã sugr yĩnga. 22Bɩ maan-kʋʋdã rɩk beegr pe-raoogã n maan paoosg maoong a soabã yel-wẽnd yĩnga, la b na n kõo yẽnda sugr a beegrã yĩnga.

23Yãmb sã n wa n tɩ kẽ tẽngã pʋga, n sel tɩɩs buud toor-toor sẽn womd biisi, bɩ y ges tɩ-biisã wa b sẽn ka kẽ bãongo. Yãmb tog n geelg-b-la a woto hal tɩ ta yʋʋm a tãabo, n ka tol n yãk-b n dɩ ye. 24La yʋʋm a naasẽ yʋʋmdã, bɩ y yãgs b biisã fãa, la y maan tigr n welg-b toor Sẽn-Ka-Saab waoogr yĩnga. 25Yʋʋm a nu soabã tɛka, yãmb tõe n dɩɩ tɩɩsã biisi, la yãmb na n wobda tɩɩsã biis y meng sõngr yĩnga. Bala, mam yaa Sẽn-Ka-Saab sẽn yaa yãmb Wẽnnaam.

26 # Sɩng 9.4, Mk 7.26,27, 17.10-14, Tõ 12.16,23, 15.23, Tõ 18.10 Bɩ y ra rɩ rũng ne a zɩɩm ye. Bɩ y ra yɩ tɩ-rɩtba, la y ra yɩ bag-bʋgdb ye. 27#Mk 21.5, Tõ 14.1Bɩ y ra põng y zut gils-gils ye. Bɩ f ra põng f toɛɛng kɩrems ye. 28Bɩ y ra bog y yĩnsã kũum yĩnga, la y ra gʋl y yĩnsã me ye. Mam yaa Sẽn-Ka-Saabo.

29 # Tõ 23.18 Ra modg f bi-pugl n kẽes yoob pʋga, n wa kɩt tɩ tẽngã nebã maan yoobo, n kɩt tɩ tẽngã pid ne yãn-tʋʋm ye. 30#Mk 26.2Bɩ y sak mam vʋʋsg rayã, la y waoog mam sɛk roogã. Mam yaa Sẽn-Ka-Saabo.

31 # Tõ 18.11, 1Sãm 28.3, 2Rĩm 23.4, Eza 8.19 Da wẽnemd-y n bao-y neb nins sẽn boond sɩɩse, wall bag-bʋgdb ye. Da bao-y nin-bãmbã rãmb n wa rẽgem y meng ye. Mam yaa Sẽn-Ka-saabo, n yaa yãmb Wẽnnaam. 32Bɩ y põond n waoog zoob-peend soaba, la y waoog nin-kẽema. Bɩ f zoe Wẽnnaam. Mam yaa Sẽn-Ka-Saabo.

33 # Yik 22.20, Tõ 24.17,18, 27.19 Sãan sã n wa n be ne yãmb y tẽngã pʋga, bɩ y ra wẽg-a ye. 34Bɩ y maan sãan sẽn be yãmb sʋkã neer wa yãmb sẽn maand tẽng-n-ned sẽn be yãmb sʋkã to-to wã. Bɩ f nong-a wa f menga, tɩ bala, yãmb me yɩɩ sãamb Ezɩpt tẽngã pʋga. Mam yaa Sẽn-Ka-Saab sẽn yaa yãmb Wẽnnaam.

35 # Tõ 25.13-16, Yel 20.10, Eze 45.10 Da maan-y tʋʋm-kɛg ye, sã n yaa bʋʋd zĩigẽ wall woglem makre wɛɛngẽ, sã n ka rẽ bɩ zɩslem makdg wɛɛngẽ, wall sã n yaa poɛɛm makr wɛɛngẽ ye. 36Bɩ y tall makds sẽn yaa sõama, sã n yaa zɩslem makdga, kug makdga, wall poɛɛm-makdga. Bala, mam yaa Sẽn-Ka-Saab sẽn yaa yãmb Wẽnnaam sẽn yiis yãmb Ezɩpt tẽngã pʋga. 37Bɩ y gũusi, n sak mam no-tũudsã ne m noyã n maan wa b sẽn yeelã. Mam yaa Sẽn-Ka-Saabo.»

Currently Selected:

Maan‑kʋʋre 19: MPBU

Highlight

Copy

Compare