Maan‑kʋʋre 18

Kãadem vɩɩm nao-kẽndre

1Sẽn-Ka-Saab goma ne a Moyiis n yeele: 2«Gom ne Israyɛll nebã n yeel-b tɩ mam yaa Sẽn-Ka-Saab sẽn yaa yãmb Wẽnnaam. 3Yãmb ka tog n maan wa Ezɩpt tẽngã nebã sẽn maandã ye, tẽng ning yãmb sẽn dag n beẽ wã ye. La da maan-y wa Kana tẽngã, zĩig ning mam sẽn tar yãmb n dabdã nebã sẽn maandã ye. Da sak-y n tũ-y bãmb noyã ye. 4Bɩ y sak mam noyã, la y sak mam no-tũudsã. Bɩ y sak-ba. Bala, mam yaa Sẽn-Ka-Saab sẽn yaa yãmb Wẽnnaam. 5#Neem 9.29, Eze 18.9, 20.11-13, Luk 10.28, Rom 10.5, Gal 3.12Bɩ y tall mam no-tũudsã ne m noyã. Ned ning sẽn na n sak-a bãmba, b na n kɩtame t'a vɩɩmde. Mam yaa Sẽn-Ka-Saabo.

6Bɩ yãmb ned baa a yembr da kẽ ne pag sẽn yaa a roagd ye. Mam yaa Sẽn-Ka-Saabo.

7Bɩ f ra kẽ ne f ba, bɩ f ma ye. A sẽn yaa fo ma wã yĩnga, fo ka tog n kẽ ne-a ye.

8 # Mk 20.11, Tõ 23.1, 27.20 Bɩ f ra kẽ ne f ba pag ye. Yẽnda yaa fo ba rẽnda.

9 # Mk 20.17, Tõ 27.22 Bɩ f ra kẽ ne f ba-bi-poaka, wall f ma-bi-poak ye. A sã n doga yiri, wall kɛɛnga.

10Bɩ ned ra kẽ ne a bi-ribl bi-pugla, wall a bi-pugl bi-pugl ye. Bala yaa yẽnda mengã yĩn-neongo.

11Bɩ f ra kẽ ne f ba pag bi-pugl sẽn yaa yẽnda ba wã meng biiga, bala, yẽnda yaa a tão-poaka.

12 # Mk 20.19,20 Bɩ f ra kẽ ne f pʋgdb ye. Bala yẽnda yaa f ba wã tão-poaka.

13Bɩ f ra kẽ ne f ma ba-bi-poak ye. Yẽnda yaa fo ma.

14Bɩ f ra kẽ ne f saamba, wall kẽ ne a saamb pag ye. Bala yẽnda yaa f ma.

15 # Mk 20.12 Bɩ f ra kẽ ne f bi-pag ye. Bala yẽnda sẽn yaa fo biigã pagã, fo ka tog n kẽ ne-a ye.

16 # Mk 20.21 Bɩ f ra kẽ ne f ba-biig pag ye. Yẽnda yaa f ba-biigã rẽnda.

17 # Mk 20.14, Tõ 27.23 Bɩ f ra kẽ ne paga, la f kẽ ne pagã bi-pugl ye. La f ra peeg a bi-ribl bi-pugla, wall a bi-pugl bi-pugl n kẽ ne-a ye. Bala bãmb yaa bũmb a yembre, dẽ, bõn-kãng yaa yãnde. 18Bɩ f ra peeg f pag tão-poak n paas tɩ rẽ wata ne pʋg-ta-zaba. Bɩ f ra kẽ ne-a tɩ f pagã ket n vɩ ye.

19 # Mk 20.18 Bɩ f ra kẽ ne pag a sẽn yãnd a pekr wakat ye, tɩ rẽ t'a yaa rẽgdo. 20#Mk 20.10Bɩ f ra kẽ ne f tẽng-n-bi-taag pag n dẽgem f meng ne-a ye. 21#Mk 20.1-5Bɩ f ra rɩk f kamb n kɩs tɩ b yõog bugum n kõ wẽn-naandg a Molok n paoog fo Wẽnnaamã yʋʋr ye. Mam yaa Sẽn-Ka-Saabo. 22#Mk 20.13Bɩ f ra kẽ ne rao wa fo sẽn kẽed ne pag to-to wã ye. Yõwã yaa yel-beedo. 23#Yik 22.18, Mk 20.15,16, Tõ 27.21Bɩ f ra kẽ ne rũng n dẽgem f meng ne-a ye. Bɩ pag me ra rɩk a meng n kõ rũng t'a gãand-a ye. Yõwã yaa yel-beedo.

24Bɩ y ra maan yel-bãmbã baa a yembr n dẽgem y mens ye. Bala, buud nins mam sẽn kɩt tɩ yãmb digã rag n maanda yel-be-bãmbã. 25Yaa rẽ yĩng n kɩt tɩ tẽngã rẽgem, la mam sɩbg-a-la a yel-wẽnã yĩnga, la tẽngã yiisa a nebã. 26Rẽ wã, bɩ y sak mam no-tũudsã ne m noyã, la y ra maan yel-be-bãmbã baa a yembr ye, sã n yaa tẽng-n-neda, wall sãan sẽn wa n be yãmb sʋkã. 27Bala, neb nins sẽn dag n deng yãmb n be tẽn-kãng pʋgã rag n maanda yel-be-bãmbã, n kɩt tɩ tẽngã lebg rẽgdo. 28Woto wã, bɩ y ra leb n dẽgem tẽngã n kɩt t'a zãgs yãmb wa a sẽn dag n zãgs neb nins sẽn dag n deng yãmb n be beenẽ wã ye. 29Bala, ned ning fãa sẽn na n maan-b yel-be-bãmbã a yembre, b na n yiisa a soab kɛɛng n kʋ. 30Bɩ y sak mam tõogã, la y ra tol n maan yel-beed nins neb nins sẽn deng yãmbã sẽn dag n maandã ye. Bɩ y ra maan bõn-kãens n dẽgem y mens ye. Bala, mam yaa Sẽn-Ka-Saab sẽn yaa yãmb Wẽnnaam.»

Currently Selected:

Maan‑kʋʋre 18: MPBU

Highlight

Copy

Compare