Maan‑kʋʋre 1
1
Maoong sẽn yõogd bugum noyã
1Sẽn-Ka-Saab zĩnda sɛk roogã pʋg n bool a Moyiis n yeele: 2«Gom ne Israyɛll nebã n yeel-b yaa: «Yãmb sʋkã ned sã n dat n kõ Sẽn-Ka-Saab kũuni, bɩ a bao rũm-bedre, wall rũm-bila, n tall n wa kõ bãmba.› »
3Yẽnda sã n dat n kõ naaf tɩ b maan maoong sẽn yõogd bugum#1.3 Maoong sẽn yõogd bugmã: Dat n yeelame tɩ b rɩkda rũng ning b sẽn maan maoongã nemd zãng n yõog bugum Sẽn-Ka-Saab yĩnga., a tog n kõo loalg sẽn ka tar zanga. A tog n tall-a lame n kolg sɛk-zĩigã noore, tɩ Sẽn-Ka-Saab reege. 4La bɩ a rɩk a nug n palg rũngã zugu. Yaa rũng ning b sẽn na n tall n maan maoong sẽn yõogd bugum tɩ Sẽn-Ka-Saab reeg la b kõ-a sugrã. 5Yẽnda na n kodga naafã Sẽn-Ka-Saab taoore, la a Aarõ kom-dibli wã sẽn yaa maan-kʋʋdbã na n dɩka maoongã zɩɩm n mes n gilg tẽn-kugrã sẽn be sɛk roogã noorã.
6La bɩ yẽnda sɩɩg maoong sẽn yõogd bugmã rũngã, n bees-a. 7Bɩ maan-kʋʋd a Aarõ kom-dibli wã yõgen bugum tẽn-kugrã zug n ning raad bugmẽ wã. 8Bɩ a Aarõ kom-dibli wã sẽn yaa maan-kʋʋdbã rɩk nemdã sẽn beesã ne zugã, la ne kaamã n dogl raadã b sẽn yõgen bugum tẽn-kugrã zugã. 9La bɩ yẽnda pegs a pʋ-teedã ne a naoã ne koom, n kɩt tɩ maan-kʋʋdã yõog a fãa bugum tẽn-kugrã zugu. Rẽnda na n yɩɩ maoong sẽn yõogd bugum, yaa kũun b sẽn yõog bugum, t'a yũugã yɩ noog Sẽn-Ka-Saab yĩnga.
10B sã n dat n kõ rũm-bila, sã n yaa peosg wall bulla, tɩ b maan maoong sẽn yõogd bugum, bɩ a kõ rũm-daoog sẽn zems zãng n ka tar zang ye. 11Bɩ a kɩt tɩ b kodg rũngã tẽn-kugrã rɩtg kɩrengã Sẽn-Ka-Saab taoore. La bɩ a Aarõ kambã sẽn yaa maan-kʋʋdbã rɩk zɩɩmã n mes n gilg tẽn-kugrã. 12Bɩ a bees rũngã n welg a zugã ne a kaamã toore, tɩ maan-kʋʋdã rɩk rẽnda fãa n dogl raadã b sẽn yõgen bugum tẽn-kugrã zugã. 13La bɩ a pegs rũngã pʋ-teedã ne a naoã ne koom, tɩ maan-kʋʋdã rɩk fãa n yõog bugum tẽn-kugrã zugu. Rẽndã na n yɩɩ maoong sẽn yõogd bugum, t'a yũugã yɩ noog Sẽn-Ka-Saab yĩnga.
14La sã n mikame tɩ yẽnda kũunã yaa bõn-pɩgs la a rat n dɩk n maan maoong sẽn yõogd bugum n kõ Sẽn-Ka-Saabo, bɩ a bao wala, wall manwal-poal a yiibu. 15La maan-kʋʋdã na n deeg-a lame n maan maoong tẽn-kugrã zugu. Maan-kʋʋdã na n kolga tẽn-kugrã n gãd a zugã n wẽnemd n fiuugi, n dɩk zugã n yõog bugum tẽn-kugrã zugu, la a rɩk a zɩɩmã n mes tẽn-kugrã kɩremsã zutu. 16Bɩ yẽnda yãk a yoosengã ne a kõbdã n lob tẽn-kugrã sɛɛga, kɩreng ning sẽn teesd yaangã, zĩig ning b sẽn dʋʋgd tompeglmã. 17Bɩ a gãd a pɩgsã, n pãrg-a, la a ra fãsg-a ye. La maan-kʋʋdã na n deeg-a lame n dogl raadã b sẽn yõgen bugum tẽn-kugrã zugã zugu. Rẽndã na n yɩɩ maoong sẽn yõogd bugum, n yaa kũun b sẽn yõog bugum, t'a yũug yɩ noog Sẽn-Ka-Saab yĩnga.
Currently Selected:
Maan‑kʋʋre 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
