A Zozoe 16

B kõo Efrayiim ne Manaase zĩisi

1Zĩis nins b sẽn yãk n kõ a Zozɛf kambã sɩngda ne Zʋrdẽ kʋɩlgã sẽn pẽ Zeeriko wã, n dabd Zeeriko ko-bundsã yaangã, n tũud weoogã n yit Zeeriko n dʋʋd Betɛll tãngã sẽnẽ. 2Toadgã yii Betɛll n dabd Luuzi, n pɩʋʋgd Ark rãmbã ne Atarot rãmbã toadg sẽnẽ. 3La toadgã wẽnemdame n dabd nin-taoore n teesd Yaflɛt rãmbã toadg sẽnẽ, n tɩ tãag Bɛt-Horon longã, n sigd n dabd Gezɛɛr n tɩ yek ko-kãsengã. 4Rẽndã yɩ a Zozɛf kamb a Manaase ne a Efrayiim pʋɩɩre.

5Ad a Efrayiim kambã toadga, wa sẽn zems b rotã. Bãmb soolmã toadg sɩngda nin-taoore, Atrot-Adaare, hal n tãag Bɛt-Horon zugẽ. 6Toadgã yekda sẽn dabd nin-taoor sẽnẽ, n tall n tɩ tãag Mikmetat rɩtgo, n gõdg goabg n teesd Taanat-Silo sẽnẽ, n pɩʋʋgd rɩtgã n dabd Yanoa sẽnẽ. 7A yii Yanoa n sigd n dabd Atarot ne Naarata, n tɩ teeg Zeeriko n ta Zʋrdẽ kʋɩlgã. 8Toadgã yii Tapuwa n teesd nin-taoore, Kana ko-soogã sẽnẽ, n na n tɩ tãag ko-kãsengã. Rẽndã yɩɩ a Efrayiim kambã pʋɩɩre, wa sẽn zems b rotã. 9La a Efrayiim kambã kell n sooga tẽms nins b sẽn dag n kõ bãmb tɩ be Manaase kambã pʋɩɩrã sʋkã, tẽmsã fãa ne b tẽn-kɩremsã. 10#Bʋ 1.29Bãmb ka tõog n dig Kana nebã sẽn dag n be Gezɛɛrã n deeg tẽngã ye. Dẽ, Kana nebã kell n paa Efrayiim nebã sʋk hal tɩ ta rũndã. La Efrayiim nebã modga bãmb tɩ b tʋmd b tʋʋm-wɛgl wa yembs n kõt-ba.

Currently Selected:

A Zozoe 16: MPBU

Highlight

Copy

Compare