A Zozoe 12

Israyɛll nebã sẽn tõog rĩm-dãmb ninsi

1 # Sõd 21.21-35, Tõ 2.26—3.11 Ad tẽngã rĩm-dãmb nins Israyɛll nebã sẽn tõog n kʋ n deeg b tẽmsã Zʋrdẽ kʋɩlgã yaangã, sẽn sɩng ne Arno ko-soogã hal n tɩ tãag Hɛrmo tãngã ne Araba tẽn-nabdrã zãng sẽn dabd yaangã. 2Amoor-dãmbã rĩm a Sihon sẽn dag n be Hɛsbonnã, n dag n so Arowɛɛr sẽn be Arno ko-soogã noorã, la sẽn sɩng ne Galaad tẽngã pʋɩ-sʋka, hal n tɩ tãag Yabok ko-soogã sẽn yaa Amoor-dãmbã toadgã, 3n paas ne Araba tẽn-nabdrã, Kinerɛt ko-kãsengã sẽn be yaangã, n tãag Araba ko-kãsengã sẽn yaa yamsem ko-kãsengã sẽn be yaangã n teesd Bɛt-Yesimot sẽnẽ, ne sẽn dabd goabgã, n sigd n dabd Pisga sigdgã sẽnẽ. 4Rĩm a to sẽn põs yaa Basan rĩm a Oog sẽn be Refayim soolmã sẽn be Astarot ne Edreyi wã. 5Rĩm-kãng rag n soo tãng ning sẽn boond tɩ Hɛrmo wã, ne Salka la Basan gillã fãa n tall n tɩ tãag Gesʋʋr dãmbã ne Maaka rãmbã tẽnga, ne Galaad pʋɩ-sʋkã sẽn yaa Hɛsbon rĩm a Sihon toadgã. 6#Sõd 32.33, Tõ 3.12Sẽn-Ka-Saab tʋmtʋmd a Moyiis ne Israyɛll nebã kʋʋ bãmb fãa, n dɩk b tẽngã n kõ Rubɛn buudã, Gaad buudã ne Manaase buudã pʋɩ-sʋka.

Rĩm-dãmb nins a Zozoe sẽn tõogã

7Moasã, ad tẽngã rĩm-dãmb nins a Zozoe ne Israyɛll nebã sẽn tõog Zʋrdẽ nin-taoor rʋʋndã, yaa sẽn sɩng ne Baall-Gaad sẽn be Libã tãn-longẽ wã, n tall n tɩ tãag Tãn-Beellã sẽn teesd Seyɩɩr sẽnẽ wã. A Zozoe rɩka tẽn-kãens n kõ Israyɛll nebã wa sẽn zems b buudã sõorã sẽn yaa to-to wã. 8Yaa tãngã zugã ne kunkubã la Araba tẽn-nabdrẽ wã, la tãngã sigdgẽ wã, ne sẽn teesd weoogã la Negɛɛve, ne Hɛt-rãmbã, la Amoor-dãmbã ne Kana-rãmbã, la Ferɛɛz rãmbã, ne Hevi-rãmbã, n paas Zebuus-rãmbã tẽmsã. 9Rĩm-dãmb nins b sẽn tõogã yaa Zeeriko rĩmã, Ayi sẽn pẽ Betɛllã rĩmã, 10yaa Zeruzalɛm rĩmã, Ebrõ rĩmã, 11Zarmut rĩmã, Lakiis rĩmã, 12Eglõ rĩmã, Gezɛɛr rĩmã, 13Debɩɩr dĩmã, Gedɛɛr rĩmã, 14Horma rĩmã, Araad rĩmã, 15Libna rĩmã, Adulam rĩmã, 16Makeda rĩmã, Betɛll rĩmã, 17Tapuwa rĩmã, Hefɛɛr dĩmã, 18Afɛk rĩmã, Lakarõ dĩmã, 19Madõ rĩmã, Hasoor rĩmã, 20Simron-Meron rĩmã, Aksaf rĩmã, 21Taanak rĩmã, Megido rĩmã, 22Kedɛɛs rĩmã, Zokneyam rĩmã, Karmell rĩmã, 23Door sẽn be Door soolmẽ wã rĩmã, Goyim sẽn pẽ Gilgallã rĩmã, 24Tirtsa rĩmã. Rĩm-dãmbã fãa sõor yaa rĩm-dãmb pis-tã la a yembre.

Currently Selected:

A Zozoe 12: MPBU

Highlight

Copy

Compare