A Zowɛlle 1
1
Sʋy ne war sãama tẽngã
1Woto yaa Sẽn-Ka-Saab koɛɛg b sẽn kõ a Petuwɛll biig a Zowɛlle.
2Kãsem-dãmbã, kelg-y-yã!
Tẽngã nebã fãa, yok-y y tʋb n kelge!
Rẽ yĩnga, bũmb a woto zoe n zĩnda yãmb zamaanẽ,
bɩ yaa y yaab-rãmbã zamaanẽ la a zĩnd yã?
3Rɩk-y-yã-a n togs y kambã,
tɩ bãmb me wa rɩk-a n togs b kambã,
tɩ b kambã me wa rɩk-a n togs zamaan ning sẽn watã!
4Bõn-koaadl nins zũnzũyã sẽn bas n ka rɩ wã,
sʋ-kitrzĩgnis#1.4 Sʋ-kitrzĩgnis: Rat n yeelame tɩ yaa sʋy buud sẽn yaa bãooneg n tɩ yɩɩd b taabã. n dɩ-ba,
sʋ-kitrzĩgnisã sẽn bas b rãmb n ka rɩ wã,
nesneed n dɩ-ba,
nesneedã sẽn bas bũmb ningã,
kalwaar n dɩ-a.
5Sẽn yũ-b rãam n tuumdẽ wã,
nek-y-yã, yãb-y-yã!
Yãmb a rã-yũudbã fãa, wiis-y-yã,
yãmb sẽn ka na n leb n paam vĩy
biis koom n yũ wã yĩnga!
6 #
Vẽn 9.8
Bala, bu-zẽng#1.6 Bu-zẽnga: B sẽn gomd bu-zẽng ning yelle kaanẽ wã, ka ninsaalb ye. Yaa sʋy kʋʋngã sẽn wa n na n sãam tẽngã yell la b gomda. n wa n yãmb m tẽngã.
A tara pãnga, tɩ b ka tõe n sõd-a n sɛ ye.
A tara yẽn wa gɩgemd yẽna,
t'a yeerã keglem yaa wa gɩgem-yãang yeere.
7A sãama mam reezẽ tɩɩsã,
la a sãam m kankamsã zãnga.
A fʋka reezẽ tɩɩsã pagd n bas-b pɛɛlg faddd...
8Yãb n wiis wa pʋg-paal sẽn sẽgen bot
n yãbd a pʋg-sademdẽ sɩda!
9Bõn-koaadl kũuni, ne bõn-yũudl kũun
ka leb n wat Sẽn-Ka-Saab roogẽ wã ye.
Maan-kʋʋdbã sẽn tʋmd Sẽn-Ka-Saab yĩngã
bee sũ-sãang pʋga.
10Pʋtã fãa sãamame,
tẽn-gãongã bee sũ-sãang pʋga.
Bala, b sãama koodã,
reezẽ rãam ka leb n beẽ ye,
kaam ka leb n beẽ ye.
11Ka-koaadba, maan-y sũ-sãanga,
sẽn send-b reezẽ tɩɩse, wiis-y-yã,
bala, bɩle wã ne orzã #1.11 Oorze: (tɩ ges-y Mrk 6.9 ne goam-bilgrã pʋga). sãamame,
pʋtã bõn-koaadl sãama zãnga.
12Reezẽ tɩɩsã kʋɩɩme, tɩ kankamsã wãke.
Gernaad tɩɩsã, ne komsã la pom tɩɩsã,
ne pʋtã pʋs tɩɩs fãa kʋɩɩme,
ninsaalbã kɩdeng sɛɛme.
No-loeere, ne se-yõkre
13Maan-kʋʋdba, sẽgn-y bot n yãb n wiisi!
Tẽn-kug zĩisẽ tʋmtʋmdba, kelm-y-yã!
Yãmb dãmb sẽn tʋmd mam Wẽnnaamã yĩngã,
wa-y-yã, yeelg-y bot yʋngã tõre!
Bala, b ka leb n wat ne bõn-koaadl kũuni,
ne bõn-yũudl kũun tõnd Wẽnnaamã roogẽ ye.
14Yãk-y daar no-loeer yĩnga,
moon-y tigin-kãseng daare,
tigm-y kãsem-dãmbã, ne tẽngã nebã fãa,
tigm-y-b Sẽn-Ka-Saab sẽn yaa yãmb
Wẽnnaamã roogẽ,
la y kelem n bool Sẽn-Ka-Saabo!
Sẽn-Ka-Saab daarã yaa toog daare
15 #
Eza 13.6
Kayto, ad yaa toog daare!
Bala, Sẽn-Ka-Saab daarã kolgdame.
Daarã wata wa sãoong sẽn yit Pãng-Soab nengẽ.
16Tõnd dɩɩbã sɛ d nifẽ,
sũ-noogã ne kɩdengã sɛɛ tõnd Wẽnnaamã
roog pʋgẽ!
17Bõn-buudã pa b bogdẽ n ka yi ye.
Bao wã yaa vɩɩdo,
tɩ koodã bĩngr zĩis sãam zãnga,
bõn-koaadlã sẽn kʋɩ wã yĩnga.
18Rũmsã yãbdame,
tɩ niigã zoet n ka mi b sẽn kẽedẽ ye.
Bala, b ka leb n tar yamd ye.
Baa rũm-bãoonegã namsdame.
Wẽnnaam no-rɛɛsã pʋʋsgo
19Sẽn-Ka-Saabo, yaa yãmb la m boonda!
Bala, bugmã rɩɩ we-raoogã yamd zãnga,
tɩ bug-witmã rɩ pʋtã pʋsẽ tɩɩsã fãa.
20Hal baa weoogã rũms sesd n baooda yãmba,
bala, kʋɩlsã koom kʋɩɩme,
la bugmã rɩɩ we-raoogã yamd zãnga.
Currently Selected:
A Zowɛlle 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
