A Zeremi 17
17
Zʋʋda nebã kongre
1Maam a Sẽn-Ka-Saab yetame:
«Zʋʋda nebã kongr gʋlsa ne kut gʋlsdga.
A gʋlsa ne kut kɩtg b sũyã pʋse,
la b tẽn-kugã yɩɩl zutu.
2Woto yĩnga, bãmb kambã na n tẽegda
b tẽn-kugã yelle, ne b wẽn-naan-poak
a Aseera ra-lugdsã sẽn be kunkubã zut tɩɩs nins
sẽn tar-b maasmã tẽngrã.
3Mam na n kɩtame tɩ b wʋk
y arzegsã ne y paoongã,
y yel-wẽn nins yãmb sẽn maan
y tẽngã fãa pʋgẽ wã yĩnga.
4Yãmb na n basa y tẽngã mam
sẽn kõ yãmbã, la m na n kɩtame
tɩ y lebg y bɛɛbã yembs tẽng yãmb
sẽn ka mi pʋgẽ.
Bala, m sũurã yikame n wit wa bugum
sẽn ka na n tol n ki ye.»
5Maam a Sẽn-Ka-Saab yetame:
«Toog bee ned ning sẽn bas maam
n dɩk a teegr n teeg ninsaala,
n baood sõngr yẽnda nengẽ wã zugu!
6Yẽnda wẽnda wa tuug sẽn be
tẽn-nabd-koɛɛngẽ,
n ka tol n tar sũ-noog ye.
Yẽnda bee we-raoogã zĩig ning
sẽn yaa kugã sʋka,
la yamsem zĩig tɩ ned ba a yembr
ka be beenẽ ye.
7Bark bee ned ning sẽn teeg Sẽn-Ka-Saabo,
la sẽn dell bãmbã zugu!
8 #
Yɩɩn 1.3
Yẽnda yaa wa tɩɩg sẽn be koom noore,
t'a yẽgã tão n ta koomã.
Tʋʋlg ka wẽed-a ye, a vãadã ka kʋɩt ye.
War wakate, rabeem ka tar-a ye,
a womda biis wakat fãa.
9Ninsaal sũurã pida ne zãmb n yɩɩd bũmb fãa,
la a yaa wẽng wʋsgo!
Ãnda n tõe n bãng-a?
10 #
Vẽn 2.23,
Yɩɩn 62.13
Maam a Sẽn-Ka-Saab n feesd ninsaal sũuri,
n mi a sẽn tagsd bũmb ninga,
n keood ned kam fãa wa sẽn zems
a yel-manesmã, la a tʋʋmã biisi.
11Ned sẽn maan zãmb n paam arzegs
yaa wa koadeng sẽn wũund gɛl a sẽn ka lobe.
A arzɛkã na n loog n bas-a-la a vɩɩmã pʋɩ-sʋka,
t'a lebg wa yalem bala.»
12Naam geer sẽn tar ziir n be yĩngr hal sɩngr wakate.
Yaa be la tõnd sɛk zĩigã.
13Sẽn-Ka-Saab sẽn yaa Israyɛll tẽebo,
neb nins fãa sẽn basd-b yãmbã na n paama yãnde.
Bãmb na n menema wa ned yʋʋr
sẽn gʋls tẽng tom zugu,
bala, bãmb basa yãmb sẽn yaa vɩɩm
ko-bundgã.
14Sẽn-Ka-Saabo, bɩ y maag maam
tɩ m paam laafɩ.
Fãag-y maam tɩ m paam yolsgo,
bala, yãmb la m pẽgda.
15Ad b sẽn yet maam:
«Sẽn-Ka-Saab goamã bee yɛɛnẽ?
Bɩ a paam pidsg moasã!»
16Yãmb miime tɩ ka maam n tʋlg
tɩ toog paam-b ye,
la mam ka rat b sãoong me ye.
Yãmb mii bũmb nins mam sẽn yeelã.
17Bɩ y ra kɩt tɩ rabeem yõk maam ye.
Yãmb yaa mam zĩ-lilldg toog wakate.
18Kɩt-y tɩ yãnd yõk m namsdbã,
la y ra bas tɩ b paam maam ye.
Kɩt-y tɩ rabeem yõk-ba, la y ra bas
tɩ rabeem kẽ maam ye.
Kɩt-y tɩ toog wa sãam-ba.
Vʋʋsg daarã sakre
19Ad Sẽn-Ka-Saab sẽn yeel maam: «Kẽng n tɩ yals nebã zakã rignoor ning Zʋʋda rĩm-dãmbã sẽn tũud n kẽedẽ la b yitã, la Zeruzalɛm zakã rignoy a taabã fãa me, 20n yeel-b yaa: Zʋʋda rĩm-dãmba, Zʋʋda nebã, yãmb dãmb fãa sẽn yaa Zeruzalɛm neb n tũud rigno-kãensã n kẽedẽ wã, kelg-y Sẽn-Ka-Saab koɛɛga!»
21 #
Neem 13.15-22
Sẽn-Ka-Saab yetame: «Gũus-y y mense, n da wa tʋk zɩɩb vʋʋsg daarã, wall y tall zɩɩb n tũ Zeruzalɛm dignoyẽ wã n kẽ ye. 22#Yik 20.8-10, Tõ 5.12-14Da yiis-y zɩɩb y rotã pʋs vʋʋsg daarã, la y ra maan tʋʋmd ba a yembr ye. Kɩt-y tɩ vʋʋsg daarã yɩ daar sẽn welg toore, wa m sẽn dag n yeel y yaab-rãmbã. 23Yãmb yaab-rãmbã ka kelge, b ka kɩll b tʋbr n kelg ye. Bãmb loba b nens kɛɛng n ka rat n wʋm la b sak remsg ye. 24La maam a Sẽn-Ka-Saab yetame: ‹Yãmb sã n kelg maam neere, n ka tʋk zɩɩb n tũ tẽn-kãngã rignoyẽ vʋʋsg daarã, yãmb sã n kɩt tɩ vʋʋsg daarã yɩ daar sẽn welg toore, la y sã n ka maan tʋʋmd ba a yembr vʋʋsg daarã, 25rĩm-dãmb sẽn zao a Davɩɩd naamã goeel zugu, n kẽnd ne wiidi wall saar-dãmba, ne b kug-zĩidbã, la Zʋʋda ne Zeruzalɛm nebã, nin-bãmbã fãa na n tũuda tẽngã rignoyẽ n kẽedẽ, la neb na n be a pʋgẽ wakat fãa. 26Neb na n yii Zʋʋda soolem tẽmsẽ wã ne Zeruzalɛm tẽn-kɩremsẽ wã, la Benzame tẽngẽ wã, ne tẽms nins sẽn be kunkub la tãms sʋkã, la Negɛɛve, n tall maoong sẽn yõogd bugum, ne maoong a to, la bõn-koaadl kũuni ne wisdu, ne bark pʋʋsg kũuni, n wa Sẽn-Ka-Saab roogẽ wã. 27La yãmb sã n ka kelg maam, y sã n ka kɩt tɩ vʋʋsg daarã yɩ daar sẽn welg toore, y sã n kɩɩs n tʋk zɩɩb n tũ Zeruzalɛm tẽngã rignoyẽ wã vʋʋsg daarã n kẽ, mam na n ninga tẽngã rignoy bugum, la bugmã na n dɩta Zeruzalɛm na-yiyã, n ka tol n kiidẽ ye.› »
Currently Selected:
A Zeremi 17: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
