A Zeremi 15
15
Wẽnnaam nebã sɩbgre
1 #
Yik 32.11-14, Sõd 14.13-19,
1Sãm 7.5-9
Sẽn-Ka-Saab yeela maam yaa: «Ba a Moyiis ne a Sãmwɛll sã n wa yals mam taoore, mam ka na n zoe nin-bãmbã nimbãaneg ye. Rig-b tɩ b menem mam taoor n bao zĩiga. 2#Vẽn 13.10Ba b sã n sok foom tɩ yɛɛnẽ la b na n kẽnge, bɩ f leok-b tɩ maam a Sẽn-Ka-Saab yetame:
Sẽn tog-a ne kũum, bɩ a ki!
Sẽn tog n pa-a tãpẽ, bɩ a pa tãpẽ!
Sẽn tog n ki-a kom, bɩ a ki kom!
Sẽn tog-a ne yembdo, bɩ a loog yembdo!»
3Maam a Sẽn-Ka-Saab yetame: «Mam na n sɩbga bãmb ne tood a naase: zabr sʋʋg na n kʋʋ bãmba, baas na n zendma bãmba, yĩngr bõn-yɩgdɩ ne we-rũms na n dɩɩ bãmb n kɩt tɩ b meneme. 4#2Rĩm 21.1-16, 2Kib 33.1-9Mam na n kɩtame tɩ dũniyã soolem-dãmbã fãa sã n yãnd bãmba, bɩ rabeem-kãseng yõk-ba, Zʋʋda rĩm a Ezekɩyaas sẽn yaa a Manaase biigã sẽn maan bũmb nins Zeruzalɛm pʋgẽ wã yĩnga.»
Sẽn-Ka-Saab yam ya n yiime
5Sẽn-Ka-Saab yetame:
«Zeruzalɛm nebã, ãndã n na n zoe
yãmb nimbãaneg n yãb-yã?
Ãnda n na n bʋdg n sok n bãng
yãmb gãase?
6Maam a Sẽn-Ka-Saab yetame:
Yãmb basa maam, yãmb tuda maam y kudga.
Woto yĩnga, mam zẽka m nug
n sãamd yãmba.
Mam yam ya n yii ne yãmb
nimbãaneg zoeese.
7Mam yelgda bãmb tẽn-kãngã rignoyẽ wã
mam kʋʋ bãmb kambã,
mam menesa m nebã,
la bãmb ka tek yam ye.
8Mam kɩtame tɩ b pʋg-kõapã sõor yɩ wʋsgo,
n yɩɩd bĩisrã sẽn be ko-kãsengã noorã.
Mam kɩtame tɩ sãamd wa wĩnto-sʋka,
n kʋ ra-sãmbã tɩ toog ne rabeem
yõk b ma-rãmb wakat a ye pʋgẽ.
9Sẽn dog-a kom-dibli a yopoe wã
pãng sɛɛme t'a vʋʋsem leebdẽ.
A wĩndgã lʋɩɩ wĩnto-sʋka.
Yãnd tar-a lame t'a zĩ ne paoogre.
Mam na n basa sẽn kell-bã
b bɛɛbã nusẽ tɩ b kʋ-b ne zabr sʋʋga.
Maam a Sẽn-Ka-Saab n yeele.»
A Zeremi yẽgengo
10M ma, toog bee mam zugu,
fo sẽn dog maamã yĩnga!
Tẽngã neb fãa zabda ne maam,
la b fãa kɩɩsda maam!
Mam ka tar ned samde,
ned me ka tar mam samde.
La b fãa yaool n kãabda maam wẽnga.
11Sẽn-Ka-Saab yetame:
«Hakɩɩka, mam fãaga
yãmb y na yɩ neer yĩnga.
Hakɩɩka, mam zab n sõnga yãmb
toog ne yel-pakr wakate.»
12Sẽn-Ka-Saab leb n yeelame:
«Kut tõe n kaoogame sɩda?
Nug rɩtg sẽnẽ kutã ne zũud tõe
n kaooga nana sɩda?
13Mam na n kɩtame tɩ b fã yãmb
arzegsã ne y paoongã,
tɩ yɩ yaood yel-wẽn nins fãa
yãmb sẽn maan y soolmã fãa pʋgẽ wã yĩnga.
14Mam na n kɩtame tɩ y lebg y bɛɛbã yembse,
tẽng yãmb sẽn ka mi pʋgẽ.
Bala, mam sũurã na n puuga hal wʋsgo,
n dɩ yãmb wa bugum.»
15Sẽn-Ka-Saabo, yãmb miime!
Tẽeg-y m yell n sõng-ma,
la y rok m sũur ne m namsdbã,
n da kaoos waoong tɩ b wa maan-m
wẽng ye.
Bɩ y bãng tɩ yaa yãmb yĩng la mam
paam paoogre.
16Mam sẽn wʋm y goamã, m deegame.
Saasẽ-Pãng-Soab a Wẽnnaam,
yaa yãmb n so maam,
la y goamã kõo maam sũ-noog n kɩt
tɩ m kɩdemdẽ.
17Mam ka zĩnd ne laadb n maan sũ-noog ye.
Yãmb nugã modga maam tɩ m zĩnd
m yembre, bala yãmb kɩtame tɩ m sũur yiki.
18Yaa bõe tɩ m namsgã ka sɛtẽ?
Yaa bõe tɩ m poglgã zabd n ka maagdẽ?
Yãmb belga maam wa kʋɩlg sẽn tar
koom dũndã, n ka tar koom beoog ye.
19Woto yĩnga, maam a Sẽn-Ka-Saab yetame:
«Fo sã n lebg n wa, mam na n deega foom,
n kɩt tɩ f leb n yɩ m tʋmtʋmda.
Fo sã n bas gom-yaals n gom gom-sõamyã,
fo na n leb n yɩ m no-rɛɛsa.
Yaa nebã n tog n lebg n wa fo nengẽ,
ka foom n tog n lebg n bao bãmb zĩig ye.
20La nin-bãmb nifẽ,
mam na n kɩtame tɩ f yɩ wa zũud lalg
nebã sẽn ka tõe n sãam ye.
Bãmb na n zaba ne foom,
la b ka na n tõog-f ye.
Bala, mam bee ne foom n na n fãag-fo,
la m yols-fo.
Maam a Sẽn-Ka-Saab n yeele.
21Mam na n fãaga foom nin-wẽns nusẽ,
mam na n yolsa foom nin-toos nusẽ.»
Currently Selected:
A Zeremi 15: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
