Ebre‑rãmba 13
13
Sagls buud toay-toaya
1Wɩng-y ne ba-biir nonglem. 2#Sɩng 18.1-8, 19.1-3Da yĩm-y tɩ maan sãambã sãand ye. Bala, neb kẽer sẽn maan woto, b reega malegs b zagsẽ n ka bãng ye.
3Tẽeg-y neb nins sẽn be bi-bees roogẽ wã yelle, wa yãmb mens bee bi-bees roogẽ wã ne-ba. Tẽeg-y neb nins b sẽn namsdã yelle, wa yaa yãmb mengã n namsda.
4Bɩ nebã fãa waoog kãadem, la bɩ ned ne a pag pĩir da zĩnd dẽgd ye. Bala, Wẽnnaam na n sɩbga raglem-dãmba la nin-yoaadbã.
5 #
Tõ 31.6,8, Zoz 1.5 Bɩ y mao tɩ da yɩ ligdã nonglem n kɩtd tɩ yãmb maand y sẽn maandã ye. Maan-y sũ-noog ne bũmb nins y sẽn tar moasã wã, bala Wẽnnaam meng yeelame yaa:
Mam ka na n bas foom f yembr ye,
la m ka na n loog n bas foom ye.
6 #
Yɩɩn 118.6
Dẽnda n kɩt tɩ tõnd tõe n yeel ne raood tɩ:
Zu-soabã yaa mam sõangda,
mam kõn zoe dabeem ye.
Bõe la ninsaal tõe n maan maam?
7Tẽeg-y yãmb taoor dãmbã, sẽn moon-b yãmb Wẽnnaam goamã yelle. Ges-y bãmb vɩɩmã sẽn baas to-to, la y maan togs-n-taar ne b tẽebã.
8A Zeezi Kiris yaa yembr zaamẽ la rũndã la wakat sẽn kõn sa. 9Da sak-y tɩ koe-sãams toay-toay tak yãmb ye. Bala, yaa neer tɩ barkã keng yãmb sũyã, la ka rɩɩb ye, t'a ka sõng neb nins sẽn dɩ-a wã ye. 10Tõnd tara tẽn-kugri, tɩ neb nins sẽn tʋmd sɛk roogẽ wã ka tar noor tɩ rɩ a rɩɩb ye. 11#Mk 16.27Bala, rũms nins maan-kʋʋd kãsmã sẽn dɩk b zɩɩm n kõ Wẽnnaamã, b tallda b nemdã, n yi sikã zĩigẽ n yõog bugum. 12Rẽndã n kɩt t'a Zeezi me sẽn dat n tall b meng zɩɩmã n maneg nebã tɩ b yɩ sõama Wẽnnaam yĩngã, b yii tẽngã n tɩ nams kɛɛnga. 13Bɩ tõnd me sak yãnd ning bãmb sẽn paamã, n yi n kẽng bãmb nengẽ. 14Bala, tõnd ka tar tẽng ka sẽn paad wakat fãa ye, tõnd baooda tẽng ning sẽn wat-a wã. 15A Zeezi maasem yĩnga, bɩ d kõ Wẽnnaam maoong sẽn ya pẽgre, sẽn dat n togs tɩ noor goam sẽn pʋt bãmb yʋʋre. 16Baoosgo, da yĩm-y maan-neer la kũun ye, bala yaa maand a woto buud la Wẽnnaam nonga.
17Sak-y yãmb taoor dãmbã noore, la y sakd-ba. Bala, bãmb geta yãmb sɩɩsã yelle, bãmb sẽn na n gom b yell Wẽnnaam taoorã yĩnga. Maan-y y sẽn tõe tɩ b na ges y yell ne sũ-noogo, la ka ne wõosg tɩ rẽ ka na n zĩnd yõod ne yãmb ye.
18Pʋʋs-y tõnd yĩnga. Bala, tõnd miime tɩ d sũur kaset yaa sõama, la d tara ratem tɩ d yel-manesmã na yɩ sõama ne nebã fãa. 19Mam kota yãmb ne m sũur fãa tɩ y pʋʋs m yĩnga, tɩ b tõe n lebs maam yãmb tao-tao.
20Bɩ Wẽnnaam sẽn so laafɩ wã, soab ning sẽn yiis-a piisã pe-kɩɩm kãsengã kũum pʋgẽ ne kaool sẽn paad wakat sẽn kõn sa wã zɩɩm, tõnd Zu-soabã a Zeezi 21na kɩt tɩ yãmb tõog n maan sẽn yaa sõama, tɩ y na maan bãmb daabo. Bɩ Wẽnnaam kɩt tɩ bũmb nins sẽn noom bãmbã maan tõnd pʋse, a Zeezi Kiris maasem yĩnga, soab ning sẽn zems ne ziir zamaan woo zamaane! Ãmina!
22M ba-biisi, mam kota yãmb tɩ y sak n deeg saglg gom-kãngã, bala mam gʋlsa yãmb seb-koɛɛga.
23Bãng-y tɩ b yiisa d ba-biig a Tɩmote n base. A sã n wa pĩnda, mam na n waa ne-a n ges yãmba.
24Pʋʋs-y y taoor dãmbã fãa me ne nin-sõamyã fãa. Itali rãmbã pʋʋsda yãmba.
25Bɩ barkã zĩnd ne yãmb fãa.
Currently Selected:
Ebre‑rãmba 13: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
