Ebre‑rãmba 12
12
D ges a Zeezi
1Dẽ yĩnga, tõnd me sẽn tar kaset dãmb wʋsg sẽn gũbg tõnd a woto wã, bɩ d tõdg zɩɩb fãa la yel-wẽnã sẽn lut tõnd naana wã, la d nang pãng ne zoees ning sẽn be tõnd taoorã, 2n get a Zeezi sẽn yaa tõnd tẽebã sɩngd la a taasdã. Bãmb basa sũ-noog ning b sẽn yet tɩ b na n kõo bãmbã, n sak da-pɩkã n ka zoe yãnd ye, la b zĩi Wẽnnaam geerã rɩtgo. 3Ges-y soab ning yel-wẽn maandbã sẽn nams b yõorã, tɩ yãmb da wa yɛ ye, la tɩ y raood da boog ye. 4Yãmb nan ka kɩɩs yel-wẽnã hal tɩ y zɩɩm yi a poorẽ ye. 5#Zoob 5.17, Yel 3.11,12La yãmb yĩma saglg ning b sẽn sagl yãmba, wa ned sẽn sagend kom-dibli:
M biiga, da ges sɩbgr ning
Zu-soabã sẽn sɩbgd foomã wa bõn-yaalg ye,
la b sã n lengd foom bɩ f da boog f raood ye.
6Bala, Zu-soabã sɩbgda ned ning bãmb sẽn nonge,
la b sɩbgda biig ning fãa bãmb mengã
sẽn sak n deeg wa b biigã ne dasaare.
7Sak-y remsgo: Wẽnnaam maanda yãmb wa b kamba. Bala, bi-ribl bʋg la a ba ka remsda? 8La yãmb sã n ka paamd sɩbgr ning kamb fãa sẽn paamdã, dẽnd yãmb yaa tãmpĩiba, la y ka yirã soab kamb ye. 9Tõnd sẽn paam yĩng ba-rãmb tɩ b ra sɩbgd tõnd tɩ tõnd waoog-bã, tõnd ka tog n sak d sɩɩs ba wã n yɩɩda, tɩ d tõe n paam vɩɩm? 10Sɩd me, tõnd ba-rãmba dag n sɩbgda tõnd wakat bilf yĩng wa b sẽn tẽed tɩ zemsame, la Wẽnnaam sɩbgda tõnd d sõngr yĩng meng-menga, tɩ tõnd me na welg toor n yɩ sõama wa bãmba. 11Yaa sɩd t'a wakatã, sɩbgr buud fãa ka sũ-noog ye, yaa sũ-sãanga. La kaoosg pʋgẽ, a womda tɩrlem biis sẽn wat ne laafɩ neb nins sẽn paam remsgã yĩnga.
12 #
Eza 35.3
Yaa woto yĩnga,
bɩ y zẽk y kamsã sẽn yɛ wã,
la y rũmã sẽn ki wã.
13 #
Yel 4.26
Bɩ y naoã tũ so-tɩrse, tɩ sẽn keoosd-a wã da wa bʋdg ye, la b pʋs n paam maagre.
14Bɩ y bao tɩ laafɩ zĩnd yãmb ne nebã fãa sʋka, la y bao pʋ-peelem, tɩ pʋ-peelem sã n kaẽ, ned ka tõe n yã Zu-soabã ye. 15#Tõ 29.17Bɩ yãmb ned kam fãa mao n da wa n mong a meng Wẽnnaam barkã ye, tɩ yẽgen-tõaag baa a yembr da wa tobe, n wa ne rãmbgo, n nams neb wʋsg ye.
16 #
Sɩng 25.29-34
Bɩ y mao tɩ ned baa a yembr da yɩ tʋʋm-dẽgd soaba, wall ned sẽn paoogd neb wa a Ezayu sẽn dɩk a kãosengã n tek ne rɩɩb a yembr tãa wã ye. 17#Sɩng 27.30-40Yãmb miime tɩ kaoosg zugẽ, a sẽn wa n dat n deeg a ba barkã, b tõdgame, bala a ka tõog n yãnd sor n tũ n tõog t'a ba wã tek yam, baa ne yẽnda sẽn bao barkã ne nintãmã. 18#Yik 19.16-22, 20.18-21, Tõ 4.11,12, 5.22-27Sɩda, yãmb ka kolg tãng ning ned sẽn ka tõe n sɩɩse, tɩ bugum zird a zugẽ ye. Yãmb ka kolg lika, wall lik bida, wall sob-kãsenga 19wall baorgã peebgo, wall goam sẽn yɩ ne pãng wa koɛɛg ning nebã sẽn dag n wʋm n bõos tɩ b ra leb n gom ne bãmb baa gom-bi-yendã ye. 20#Yik 19.12,13Bala, b sẽn yeel bãmb tɩ: «Baa sã n yaa rũng n sɩɩs tãngã bɩ b lob-a kugã, ra yaa toog ne bãmba.» 21#Tõ 9.19Bũmb nins sẽn maanã da wata ne rabeem wʋsgo, hal t'a Moyiis yeel tɩ yɛɛsg n tar yẽnda t'a rigda. 22La yãmb kolga Sɩyõ tãngã la Wẽnnaam sẽn vɩ wã tẽnga, sẽn yaa yĩngr Zeruzalɛm, la malegs tus wʋsgã. 23La tigingã ne kom-dẽemsã b sẽn gʋls b yʋy arzãna sullã pʋgã, la Wẽnnaam sẽn yaa nebã fãa bʋ-kaoodã, la nin-tɩrs sẽn paam n zems zãngã sɩɩse. 24#Sɩng 4.10Yãmb kolga a Zeezi sẽn yaa kaool‑paalgã sɛ-yõakdã, la zɩɩm ning b sẽn tall n mese, la sẽn gomã sõama n yɩɩd a Abɛll rẽndã.
25 #
Yik 20.22
Maan-y gũusgu! Ra tõdg-y n ka kelg ned ning sẽn gomd-a ne yãmbã ye. Bala, neb nins sẽn tõdg n ka kelg a soab sẽn dag n keoogd bãmb tẽng zug ka wã sã n ka põse, tõnd n ka na n põs n yɩɩda, tõnd sã n tõdg n ka kelg ned ning sẽn be arzãn n keoogd tõndã. 26#Aaz 2.6Wakat-kãnga, bãmb koɛɛgã kɩtame tɩ tẽngã rigimdi. La moasã b kãaba tõnd n yeele:
Moasã yɛsa, mam na n leb n kɩtame tɩ tẽngã rigimdi,
la ka tẽngã bal ye, yĩngr me na n digimdame.
27B sẽn yeel tɩ yɛsã, wilgdame tɩ bũmb nins sẽn digimdã, b na n bak-b-la toore, b sẽn yaa bõn-naandse, tɩ bũmb nins sẽn ka rigimdã na yalse. 28Rẽndã n kɩt tɩ tõnd sẽn na n paam soolem sẽn ka tõe n vigsã, bɩ d yɩ neb sẽn mi d zaamẽ, n maan kaoreng sẽn noom Wẽnnaam sũuri, ne Wẽnnaam sakre la ne rabeem. 29#Tõ 4.24Bala, tõnd Wẽnnaamã yaa bugum sẽn dɩt me.
Currently Selected:
Ebre‑rãmba 12: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
