Galat‑rãmba 4
4
1La mam yaool n yeta yãmb tɩ ned ning sẽn na n soog a ba wã paoong sã n ket n yaa biiga, welgr ka be yẽnda ne yamb sʋk ye, tɩ yaool n yaa yẽnda n na n soog bũmba fãa. 2Ba-wubdsi la tʋʋm-gɛtb n so yẽnda hal tɩ ta wakat ning ba wã sẽn yãkã. 3Tõnd me sẽn dag n yaa kambã, tõnd dag n bee dũni wã bũmb buud toor-toor yembd pʋgẽ. 4La wakat sẽn ta, Wẽnnaam tʋma b bi-riblã tɩ pag rog-ba, n dog-b tõogã pʋgẽ, 5#Rom 8.15-17tɩ b tõe n yols neb nins sẽn dag n be tõogã yembd pʋgẽ, n tõog n deeg tõnd n maan Wẽnnaam kamba. 6La yãmb sẽn yaa Wẽnnaam kambã yĩnga, Wẽnnaam tʋma b bi-riblã Sɩɩg yãmb sũyã pʋse, la Sɩɩgã yetame tɩ «abba» sẽn dat n togs tɩ «m ba!» 7Woto, fo ka leb n yaa yamb yɛs ye, fo yaa Wẽnnaam biiga. La fo sã n yaa Wẽnnaam biiga, fo yaa bãmb pʋɩ-rɛɛgd me, bãmb maasem yĩnga.
A Poll yɩɩr Galasi rãmbã yĩnga
8Pĩndã, yãmb dag n ka mi Wẽnnaam ye, la yãmb dag n sakda wẽnnaam-dãmb sẽn ka wẽnnaam-dãmb sɩd-sɩd ye. 9La moasã, yãmb sẽn bãng Wẽnnaamã, la sẽn yɩɩd fãa Wẽnnaam sẽn bãng yãmbã, yɩta a wãn tɩ yãmb leb n kẽed dũni bõn-kãensã sẽn ka pãnga la sẽn ka yõodã, n na n leb n lebg b yembse? 10Yãmb tũuda rayã, kitã, wakatã la yʋʋmã. 11Dabeem tara maam ne m sẽn nams yãmb yĩngã kõn yɩ zaalem. 12M ba-biisi, mam bõosda yãmb tɩ y yɩ wa maam, bala, mam me yaa wa yãmba.
13Yãmb ka beeg maam baa bilf ye. Yãmb miime tɩ mam sẽn na n moon yãmb koe-noogã pipi, yɩɩ mam ka laafɩ yĩnga. 14Mam yĩnsã ka-laafɩ wã yɩɩ makr yãmb yĩnga. Ka tɩ yãmb ka ges maam n ka nandẽ, wall y yam yii maam ye. Ayo! Yãmb pʋs n deega maam wa Wẽnnaam malɛɛka, la wa a Zeezi Kirisi. 15La yaa bõe n wa ne yãmb sũ-noogã? Bala, mam kɩta yãmb kaset n yetẽ tɩ yãmb sã n dag n tõeẽ, y dag n na yãgs y ninã n kõ maam. 16Mam sẽn togs yãmb sɩdã yĩnga, mam lebga yãmb bɛ la? 17Bãmb sẽn wɩngd ne yãmbã ka sõama ye. B sẽn datã yaa tɩ welg yãmb ne tõndo, tɩ yãmb na wẽnemd n kẽ bãmba. 18Yaa sõama tɩ y wɩng ne bũmb ning sẽn yaa sõama wakat fãa, la ka mam sẽn be ne yãmb wakat bal ye. 19Mam kamba, rogem toog leb n tara maam yãmb yĩnga, hal n na ta wakat ning yãmb sẽn nan wẽneg Kirisã. 20Mam da nong n bee yãmb sʋk moasã n tek m sẽn gomd to-to wã, bala, mam ka mi m sẽn na n maan to-to ne yãmb yellã ye.
A Agaar ne a Saara yelle
21Yãmb dãmb sẽn dat n be tõog sakr pʋgẽ wã, leok-y maam wɛ! Yãmb ka kelgd tõogã la? 22#Sɩng 16.15, Sɩng 21.2Bala, b gʋlsame t'a Abrahaam paama kom-dibli a yiibu: A yembr yaa yem-poakã biiga, t'a to wã ya burkĩn-poakã biiga. 23Yaa ne ninsaal datem la b rog yem-poakã biigã, la b roga burkĩn-poakã biig wa sẽn zems Wẽnnaam sẽn kãabã. 24Mamsg n be yel-kãngã pʋgẽ, bala, pagbã a yiibã mamsda kaool a yiibu. Pag a yembr mamsda kaool ning sẽn maan Sinayi tãngẽ wã, la a sẽn dogd b rãmbã yaa yembse. Pʋg-kãng yaa a Agaare. 25A Agaar yaa Sinayi tãng sẽn be Araabi wã, la kell n zemsa ne rũndã-rũndã Zeruzalɛmã, bala, a bee yembdẽ ne a kambã. 26La Zeruzalɛm sẽn yit-a yĩngrã yaa burkĩna, la yaa yẽnda n yaa tõnd ma. 27#Eza 54.1Sɩd me, b gʋlsame n yeel yaa:
pʋg-kiir sẽn ka rogda, maan sũ-noogo.
Fo sẽn ka yã rogem toogã, kɩdem la f kaase!
Bala, pag ning b sẽn basã kamb na n yɩɩga
pag ning b sẽn nongã kamba.
28La yãmba, m ba-biisi, yãmb yaa kãabg kamb wa a Izake. 29#Sɩng 21.9La a wa biig ning b sẽn dog yĩng ratem yĩngã sẽn dag n namsd biig ning b sẽn dog wa sẽn zems Wẽnnaam Sɩɩgã raabã, ket n yaa a woto bal moasã. 30#Sɩng 21.10La Wẽnnaam gʋls-sõamyã yetame tɩ bõe?
Dig yem-poakã ne a biigã,
bala, yem-poakã biig ka na n naag
ne burkĩnã biig n deeg rogem‑pʋɩɩr ye.
31Woto, m ba-biisi, tõnd ka yem-poakã kamb ye, tõnd yaa burkĩn‑poakã kamba.
Currently Selected:
Galat‑rãmba 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
