A Ezekɩyɛlle 15
15
Reezẽ tɩɩg raoog b sẽn yõog bugum
1Sẽn-Ka-Saab goma ne maam n yeele:
2«Ninsaala, dẽ yĩnga, reezẽ tɩɩg raoog sãoo tɩɩs a taabã raad ne bõe? Yẽnda wilã tara yõod n yɩɩd weoogã tɩɩs a taabã wil bɩ?
3B tõe n dɩka a raadã n pees bũmb bɩ? Ned tõe n dɩka a raadã n pees baaf sẽn tõe n yagl bũmb bɩ? 4Ayo, b ningd-a-la bugmẽ, tɩ bugmã rɩ-a. La bugmã sã n wa rɩ a kɩrems a yiibã tɩ tẽn-sʋkã ket n dɩt bugum, b tõe n leb n dɩk-a lame n maan bũmb bɩ? 5Ade, a sẽn wa n ket n yaa mumdã, b rag n ka tõe n dɩk-a n pees bũmb tɩ b ka sokd bugum sẽn dɩ-a ye.»
6Beneere! Maam a Zu-soab a Sẽn-Ka-Saab yetame: «B sẽn naagd reezẽ tɩɩs raad ne tɩɩsã taabã raad n yõogd bugum to-to wã, mam na n maana Zeruzalɛm nebã me a woto. 7Mam na n wẽnemdame n zab ne bãmba. Baa bãmb sã n põs n yi bugmẽ wã, bugmã na n dɩ-b lame. Mam sã n wa wẽnemd n zab ne bãmba, yãmb na bãng tɩ mam yaa Zu-soab a Sẽn-Ka-Saabo. 8Mam na n kɩtame tɩ tẽngã lebg zĩ-vɩʋʋgo, bãmb sẽn maan sẽn kisã yĩnga. Maam a Zu-soab a Sẽn-Ka-Saab n yeele.»
Currently Selected:
A Ezekɩyɛlle 15: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
