Tõodo 34

A Moyiis kũum

1A Moyiis basa Moaab tẽn-nabd-koɛɛngã n dʋ Nebo tãngã n ta Pisga tãngã zug sẽn teesd Zeeriko wã. Sẽn-Ka-Saab wilga yẽnda tẽngã fãa, sẽn sɩng ne Galaad hal tɩ ta Dan 2la a Neftali nebã tẽngã, la a Efrayiim ne a Manaase tẽngã, la a Zʋʋda tẽngã fãa hal tɩ ta ko-kãsengã sẽn be nin-taoorã, 3la Negɛɛv ne Zeeriko zĩig ning b sẽn boond tɩ koms tɩɩs tẽngã longã hal tɩ ta Soaare. 4#Sɩng 12.7, Sɩng 26.3, Sɩng 28.13Sẽn-Ka-Saab yeela a Moyiis yaa: «Woto yaa tẽng ning mam sẽn dag n wẽen ne a Abrahaam la a Izaak ne a Zakoob tɩ m na n kõo b yagensã. Mam kɩtame tɩ fo nin yãnd-a, la f ka na n pɩʋʋg n kẽ beenẽ ye.»

5Dẽ, Sẽn-Ka-Saab tʋmtʋmd a Moyiis kii beenẽ, Moaab tẽngã pʋgẽ, wa Sẽn-Ka-Saab sẽn yeelã. 6La Sẽn-Ka-Saab mum-a-la Moaab long ning sẽn teesd Bɛt-Pewoorã pʋgẽ, la hal tɩ ta rũndã, ned ka mi a yaoog zĩig ye. 7A Moyiis kaoosa yʋʋm koabg la pissi n yaool n ki. A ninã ne a yĩnsã pãng ka tol n boog ye. 8Israyɛll nebã yãba a Moyiis kũumã yĩng hal rasem pis-tã Moaab tẽn-nabd-koɛɛngã pʋgẽ. La rasem pis-tã wã, bãmb yãba kũumã yĩng n sɛ.

9A Nun biig a Zozoe pida ne yam wʋsgo. Bala, a Moyiis rag n tika yẽnda ne a nusi. La Israyɛll nebã saka a Zozoe n maan wa Sẽn-Ka-Saab sẽn dag n yeel a Moyiisã.

10 # Yik 33.11 Wẽnnaam no-rɛɛs a to ka leb n zĩnd Israyɛll nebã sʋka, tɩ Sẽn-Ka-Saab mi-a neng ne neng wa b sẽn mi a Moyiisã ye. 11A to ka zĩnd n maan bãn ne bõn-bãn wa Sẽn-Ka-Saab sẽn tʋm a Moyiis t'a maan Faarõ ne a tʋmtʋmdbã, la Ezɩpt tẽngã soolmã fãa wã ye. 12A to ka zĩnd n tall pãng n maan tʋʋm-kãsems Israyɛll nebã fãa nifẽ wa a Moyiis sẽn maanã ye.

Currently Selected:

Tõodo 34: MPBU

Highlight

Copy

Compare