Tõodo 14

Kũum minind yel-kiti

1 # Mk 19.28, 21.5 Yãmb yaa Sẽn-Ka-Saab sẽn yaa yãmb Wẽnnaamã kamba. Ra bog-y y yĩnsã, la y ra põng y zut kũum yĩng ye. 2#Yik 19.5,6, Tõ 4.20, 7.6, 26.18, Tit 2.14, 1Pɩy 2.9Bala, yãmb yaa neb sẽn welg toor Sẽn-Ka-Saab sẽn yaa yãmb Wẽnnaamã yĩnga. Sẽn-Ka-Saab sẽn yaa yãmb Wẽnnaamã yãka yãmb buud nins sẽn be tẽng zugã sʋk n maan b meng nebã.

3Da rɩ-y bũmb sẽn kis ye. 4Ad rũms nins yãmb sẽn tog n dɩ: Yaa naafo, pesgo, bʋʋga, 5walga, yãka, beoko, we-bʋʋga, molfo, we-pesgo, ne wilpeoolgo. 6Yãmb tõe n dɩɩ rũms nins fãa sẽn tar nao-ben-boaga, la b bʋkd-b yamdã. 7Baoosgo, rũms nins fãa sẽn bɩɩsd-b n tar nao-ben-boagã la sẽn ka nao-ben-boagã sʋka, ra rɩ-y yʋgemde, soaamba, la seer ye. Bala, bãmb bɩɩsdame la b nao-bendã ka boag ye. Bɩ y kisg bãmba. 8La y kisg kurkuri. Bala, a tara nao-ben-boaga, la a ka bɩɩsd ye. Da wãb-y bãmb nemdo, la y ra sak n sɩɩs b kũum me ye. 9Ad bũmb nins sẽn be koom pʋgẽ tɩ yãmb tog n dɩ. Yaa zĩm nins sẽn tar gɛda la sẽn tar pagdã. Yãmb tõe n dɩɩ bãmba. 10Bɩ y ra rɩ zĩm nins sẽn ka tar gɛda, la b ka tar pagdã ye. Bãmb yaa rẽgd yãmb yĩnga. 11Yãmb tõe n dɩɩ liuuli nins fãa sẽn yaa yɩlma wã. 12Ad liuuli nins yãmb sẽn ka tog n dɩ: Yaa yɩbrgo, kosenkonde, pa-nand-tugri, 13wɩbga, sɩl-faoogo, 14gãabd buud toor-toore, 15neoongo, viuugu, lʋre, vitamba, 16kɩɩm-liuula, bulyẽoogo, sɩl-faoogo, 17bakaorgo, koom-daoogo, bulwãoogo, 18nakomsugri, rãongo, salsanga ne zankiti buudã fãa. 19Bõn-yɩgdɩ sẽn tũud taab wʋsgã yaa kisg ne yãmba. Ra rɩ-y bãmb ye. 20Yãmb tõe n wãba bõn-yɩgdɩ buud nins fãa sẽn yaa yɩlma wã nemdo. 21#Yik 23.19, 34.26Da rɩ-y rũng sẽn ki a toor ye. Rɩk-y-yã-a n kõ sãamb nins sẽn be yãmb tẽngã pʋgẽ wã tɩ b rɩ, ka rẽ bɩ y koos-a ne sãambã. Bala, yãmb yaa buud sẽn welg toor Sẽn-Ka-Saab sẽn yaa yãmb Wẽnnaamã yĩnga. Da rʋg-y bull a ma bĩisim pʋg ye.

Piig pʋɩyã

22 # Mk 27.30-33, Sõd 18.21 Yʋʋmd fãa, yãk-y y koodã yãmb pʋtã sẽn womdã pʋɩɩr a ye piig fãa pʋgẽ. 23Rɩ-y yãmb bõn-koaadlã piig pʋɩɩre, la y reezẽ rãamã ne y kaamã piig pʋɩɩre, la y rũm-dẽemsã Sẽn-Ka-Saab taoore, zĩig ning b sẽn na n yãk n ning b yʋʋrã, tɩ yãmb tõe n zãms tɩ zoe Sẽn-Ka-Saab sẽn yaa yãmb Wẽnnaamã daar fãa. 24Zĩig ning Sẽn-Ka-Saab sẽn yãk n ning b yʋʋrã sã n zãr wʋsg ne yãmba, tɩ y ka tõe n tall bũmb nins Sẽn-Ka-Saab sẽn yaa yãmb Wẽnnaamã sẽn ning yãmb bark ne bũmb ningã piig pʋɩɩr n kẽng be, 25bɩ y koos-a n zã a ligdã n kẽng zĩig ning Sẽn-Ka-Saab sẽn yaa yãmb Wẽnnaamã sẽn yãkã. 26Yãmb tõe n dɩka ligdã n da bũmb ning fãa sẽn ta yãmb yam. Yãmb tõe n daa rũm-bɛda, wall rũm-bãoonego, wall reezẽ rã-noodo, wall rã-kũmdum, la bũmb ning fãa sẽn noom foom. Bɩ yãmb ne y yirã rãmb rɩ-a Sẽn-Ka-Saab sẽn yaa yãmb Wẽnnaamã taoor beenẽ n maan sũ-noogo. 27Ra mong-y Leevi buudã neb nins sẽn be yãmb tẽmsã pʋsẽ wã bũmb nins bãmb sẽn tog n paamã ye. Bala, Leevi buudã nebã ka lagem yãmb n paam zĩig tɩ yaa b pʋɩɩr ye. 28Yʋʋm a tãab fãa, bɩ y yiis yãmb koodã fãa piig pʋɩɩr n bĩng y tẽmsã pʋsẽ. 29Dẽ, Leevi buudã ned sẽn ka paam zĩig tɩ yaa b pʋɩɩr yãmb sʋkã, ne sãana, la pʋg-kõore, ne kɩɩb sẽn be yãmb tẽmsã pʋsẽ wã, na n dɩ n tɩgame, tɩ Sẽn-Ka-Saab sẽn yaa yãmb Wẽnnaamã ning yãmb nus tʋʋmã fãa yãmb sẽn maandã barka.

Currently Selected:

Tõodo 14: MPBU

Highlight

Copy

Compare