2 Zã 1
1
Pʋʋsem
1Kãsmã n tʋmd seb-kãngã pag a Kirya#1.1 Kirya: Kirya (pagã) tõe n mamsda Kiris tẽedb sulli. sẽn ya Wẽnnaam nin-tũusdgã ne a kambã mam sẽn nong sɩdã pʋgẽ wã. La ka maam m ye n nong-b ye, neb nins fãa sẽn bãng sɩdã me nong-b lame, 2sɩdã sẽn be tõnd pʋgẽ, la sẽn na n pa ne tõnd wakat sẽn kõn sa wã yĩnga. 3Barka, la nimbãan-zoeere, la laafɩ sẽn yit tõnd ba a Wẽnnaam nengẽ, la bãmb Bi-ribl a Zeezi Kiris nengẽ na n paa ne tõndo, sɩdã ne nonglmã pʋgẽ.
Bɩ d nong taaba
4Mam paama sũ-noog wʋsgo, mam sẽn mik tɩ fo kamb kẽer n kẽnd sɩdã pʋgẽ, wa sẽn zems tõog ning d ba wã sẽn kõ tõndã. 5#Zã 13.34, 15.12,17Moasã, Kirya, bũmb ning mam sẽn gʋlsd foomã ka tõ-paalg ye, yaa tõog ning tõnd sẽn dag n paam hal sɩngrẽ wã, mam kota foom tɩ d nong taabã. 6La nonglem yaa tɩ kẽn wa sẽn zems Wẽnnaam tõodã. Yaa tõ-kãng pʋgẽ la yãmb tog n kẽne, wa yãmb sẽn zãms hal sɩngrẽ wã.
7Bala, bɛlgdb wʋsg n kẽ dũniyã pʋgẽ n ka kɩt kaset t'a Zeezi waa ne yĩng ye. Ad yaa yẽnda soab la bɛlgdã la Kiris kɩɩsdã. 8Gũus-y y mens n da wa menes tõnd tʋʋmdã biis ye, la tɩ y na reeg keoor sẽn yaa kãsenga. 9Ned ning fãa sẽn loogd rẽnda, n ka paad Kiris zãmsgã pʋgẽ ka tar Wẽnnaam ye, la ned ning sẽn paad zãmsgã pʋgẽ tara ba wã la Bi-riblã. 10Ned sã n wa yãmb nengẽ tɩ ka ne zãms-kãnga, bɩ y ra reeg-a y yiri, la y pʋs n da pʋʋs-a tɩ wẽnd na kaoos-a ye. 11Bala, ned ning sẽn pʋʋs-a tɩ wẽnd na kaoos-a naagda yẽnda a tʋʋm-wẽnsã pʋgẽ.
A Zã tagsd n dat n tɩ ges-b lame
12Baa ne mam sẽn tar bũmb wʋsg sẽn na gʋls yãmbã, mam ka tʋlg n na n gʋls-b ne seb-vãoogo la ne gʋls-koom ye. Mam maanda tẽeb tɩ m na n waa yãmb nengẽ, n gom ne yãmb neng ne nenga, tɩ tõnd sũ-noogã na pid zãnga. 13Fo ba-bi-poakã#1.13 Ba-bi-poakã tõe n mamsda Kiris tẽedb sulli. sẽn yaa Wẽnnaam nin-tũusdgã kambã pʋʋsda foom.
Currently Selected:
2 Zã 1: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
