2 Korẽnt‑rãmbã sebre 6
6
1Tõnd sẽn yaa Wẽnnaam tʋmd-n-taasã yĩnga, tõnd kota yãmb tɩ y ra bas bark ninga yãmb sẽn deeg Wẽnnaam nengẽ wã tɩ yɩ zaalem ye. 2#Eza 49.8Bala, bãmb yetame:
Mam leoka foom sẽn zems a wakate,
la fo sẽn dat fãagr wakate,
mam waa n sõnga foom.
Ade, moasã yaa wakat sẽn zemse. Ade, moasã yaa fãagr daare. 3Tõnd ka rat tɩ d yel-manesem baa yembr lub ned ye, tɩ ned da wa n gom tõnd tʋʋmdã wẽng ye. 4La bũmb fãa pʋga tõnd wilgdame tɩ tõnd yaa Wẽnnaam tʋmtʋmdba, n maand sũ-mar wʋsg yel-pakrã pʋgẽ, la naongã pʋgẽ, la sũ-sãamsã pʋgẽ, 5#Tʋʋm 16.23la pãbre, la bi-bees rot kõom, la tẽn-dãmbg pʋgẽ, la tʋʋm-wɛgl pʋgẽ, la gõeem sẽn ka be, la kom pʋgẽ. 6Tõnd wilgdame tɩ d yaa Wẽnnaam tʋmtʋmdba, ne pʋ-peelem, ne bãngre, ne sũ-maasem ne sõmblem, ne Sɩɩg-sõngo, la ne nonglem sẽn ka naag ne zãmbo, 7ne koɛɛg sẽn yaa sɩda, la ne Wẽnnaam pãnga, ne tɩrlem zab-teed sẽn tar n zabdẽ, la sẽn tar n kogend d menga, waoogre, la paoogr pʋgẽ, 8yʋ-beedo la yʋ-noog pʋgẽ, neb geta tõnd wa zĩrẽ‑be-nebã baa ne tõnd sẽn togsd sɩdã. 9B geta tõnd wa sãamba, baa ne b fãa sẽn mi tõndã. B geta tõnd wa kiidba, la tõnd yaool n vɩɩme. B geta tõnd wa neb b sẽn sɩbgde, la b ka kʋʋd tõnd ye. 10B geta tõnd wa sũ-sãang rãmba, la tõnd tara sũ-noog daar fãa. B geta tõnd wa naong rãmba, la tõnd kɩtdame tɩ neb wʋsg lebgd arzegs rãmba. B geta tõnd wa neb sẽn ka tar baa fʋɩ, la tõnd yaool n tara bũmb fãa.
11Korẽnt nebã, tõnd goma vẽeneg ne yãmba. D pelga d pʋs ne yãmba. 12Tõnd ka solg yãmb d nonglem ye. La yãmb ka wilg tõnd y nonglem ye. 13Mam gomda ne yãmb wa m kamba, bɩ y tags tõnd yell wa tõnd sẽn tagsd yãmb yellã. Yãmb me pelg y pʋs ne tõndo.
Tõnd yaa Wẽnnaam sẽn vɩ roogo
14Bɩ y da paam lagem-n-taar ne neb nins sẽn ka Kiris tẽedbã ye. Bala, bõe lagem-n-taar n be tɩrlem ne wẽng sʋka? Wall bõe lagem-n-taar n be vẽenem ne lik sʋka? 15La bõe zems-n-taar n be Kiris ne a Belyall sʋka? Wall ned ning sẽn tẽedã tara bõe pʋɩɩr ne ned ning sẽn ka tẽedã? 16#1Kor 3.16, 6.19, Mk 26.12, Eze 37.27Bõe lagem-n-taar n be Wẽnnaam doogã ne wẽn-naands sʋka? Bala, tõnd yaa Wẽnnaam sẽn vɩ roogo, wa Wẽnnaam sẽn yeel tɩ:
Mam na n zĩnda ne bãmba,
la m kẽn bãmb sʋka.
Mam na n yɩɩ bãmb Wẽnnaam,
la bãmb na n yɩɩ mam nebã.
17 #
Eza 52.11
Yaa woto yĩng tɩ Zu-soabã yetẽ yaa:
Yi-y bãmb sʋka, welg-y toor ne-ba.
La y ra sɩɩs bũmb sẽn yaa rẽgd ye,
la mam na reeg yãmba.
18 #
2Sãm 7.14, 1Kib 17.13, Eza 43.6, Zer 31.9 Mam na n yɩɩ yãmb Ba, la yãmb na n yɩɩ
mam kom-dibli la m kom-pugli.
Yaa Zu-soabã, Sẽn-Tõe-Fãa fãa wã n yeele.
Currently Selected:
2 Korẽnt‑rãmbã sebre 6: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
