2 Korẽnt‑rãmbã sebre 2
2
1Dẽ, mam yãka yam m sũurẽ n ka rat n leb n wa yãmb nengẽ ye. Sẽn na yɩl n da wa sãam yãmb sũyã ye. 2Bala, mam sã n sãam yãmb sũyã, ãndã n tõe n kõ maam sũ-noogo, sã n ka mam sẽn sãam neb nins sũyã bala? 3Mam gʋlsa wa mam sẽn da gʋlsã, tɩ mam sã n wa wa, bɩ m da paam sũ-sãang ne neb nins sẽn da tog n kõ maam sũ-noogã ye. La mam sũur keema ne yãmb fãa, bala, mam sũ-noog yaa yãmb fãa sũ-noogo. 4Yaa yel-pak-kãseng pʋga, la sũ-sãang ne nintãm pʋg la mam dag n gʋls yãmba. A ka sẽn na n sãam yãmb sũy ye, la yaa tɩ yãmb na bãng nonglem kãseng ning mam sẽn tar yãmb yĩngã.
Kõ-y ned ning sẽn beegã sugri
5Ned sã n yɩ sabaab tɩ sũ-sãang wa, ka maam bal sũur la a sãam ye, yaa yãmb fãa, la bas-y tɩ m yeel tɩ yãmb neb kẽere, n da wa yag zĩrẽ ye. 6Sɩbgr ning yãmb neb wʋsg sẽn sɩbg nin-kãngã soabã sek-a lame. 7La sẽn yaa neer n yɩɩd moasã, yaa tɩ yãmb tog n kõ-a-la sugri, la y bels-a tɩ Sũ-sãoon-kãseng da wa yõk-a, n kẽes-a pãn-komsem pʋg ye. 8Dẽ, mam sagenda yãmb tɩ y maan bũmb sẽn wilgd tɩ y nong-a lame. 9Bala, mam sẽn da gʋls yãmba me, da yaa sẽn na n mak yãmb n bãng y sã n yaa sakdb bũmb fãa pʋgẽ. 10La yãmb sẽn kõt ned ning sugr a beegr yĩngã, mam me kõt-a-la sugri. La ne maam, mam sẽn maan sugrã, sã n yaa tɩ bũmb n be m sẽn tog n kõ sugri, yaa yãmb yĩng la m maan bõn-kãng Kiris nifẽ, 11sẽn na yɩl tɩ sʋtãanã ra wa tõog tõnd ye. Bala, tõnd mii a Sʋtãan sɩlmã.
A Poll maanda yɩɩr Torwaas
12 #
Tʋʋm 20.1
La mam sẽn ta Torwaas n na n moon Kiris koe-noogã, baa ne Zu-soabã sẽn pak sor be n kõ maamã, 13mam sɩɩgã da ka gãe ye, mam sẽn ka yãnd m ba-biig a Titã yĩnga. Dẽ, mam basa bãmb n kẽng Masedoan.
Tõogre, Kiris maasem yĩnga
14Bark Wẽnnaam sẽn kɩtd tɩ tõnd paamd tõogr daar fãa Kirisã tũudum pʋgẽ wã, la b kɩtdẽ tɩ ne tõndo, nebã bãngd Kiris zĩiga fãa, wa yũ-noog sẽn saagd to-to wã. 15Sɩd me, tõnd yaa wa wisd sẽn tar yũ-noog Kiris sẽn dɩk n kõ Wẽnnaam, tɩ tõnd be neb nins sẽn paam fãagrã, la neb nins sẽn na n sãamã sʋka. 16Ne neb kẽere, tõnd yaa kũum yũug sẽn wat ne kũum, la ne neb a taaba, tõnd yaa vɩɩm yũug sẽn wat ne vɩɩm. Ãnda n tar pãng n tõe n maan bõn-kãensã? 17Bala, tõnd ka wẽnd wa neb wʋsg sẽn dɩkd Wẽnnaam koɛɛgã n leebd n baood yõodã ye. Ayo, tõnd sẽn gomdã yaa ne pʋ-peelem, la goamã yita Wẽnnaam nengẽ, la tõnd gomda Wẽnnaam taoore, la Kiris tũudmã pʋgẽ.
Currently Selected:
2 Korẽnt‑rãmbã sebre 2: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
