2 Kibayã 5
5
1 #
2Sãm 8.11, 1Kib 18.11 A Salmo sẽn maan Sẽn-Ka-Saab roogã tʋʋmd fãa n sɛ, a kɩtame tɩ b tall teed nins fãa a ba a Davɩɩd sẽn dag n welg toor Sẽn-Ka-Saab yĩngã, n wa ning Sẽn-Ka-Saab roogã laog bĩngr zĩigẽ. Yaa wanzuri, sãnem, la teed a taabã fãa.
B ninga kãabg koglgã Sẽn-Ka-Saab roogã pʋgẽ
2 #
2Sãm 6.12-15, 1Kib 15.25-28 A Salmo tigma Israyɛll Kãsem-dãmbã, ne Israyɛll buudã fãa nanambse, la zak sob-n-dãmbã fãa Zeruzalɛm, n kos-b tɩ b tɩ tall Sẽn-Ka-Saab kãabg koglgã a Davɩɩd tẽngã sẽn yaa Sɩyõ wã pʋgẽ n wa. 3Dẽ, Israyɛll zãma wã fãa tigma taab rĩm a Salmo nengẽ Zeruzalɛm, kiuug a yopoe soabã tigr yĩnga. 4Kãsem-dãmbã fãa wa n yãaga Leevi nebã tɩ b tɩ tʋk kaoolã koglgo. 5Bãmb rɩka kaoolã koglgã ne sɛkã fu-roogã, la teed nins fãa sẽn welg toorã sẽn be a pʋgẽ wã n tall n wa. 6Rĩm a Salmo ne Israyɛll nebã b sẽn bool tɩ b wa bãmb nengẽ wã rag n yasa yĩngr kaoolã koglgã taoore. La b maana rũm-bãooneg ne rũm-bɛd maoongo. La rũmsã yɩɩ wʋsg hal tɩ ned ka tõe n sõde, wall bãng b sõor ye.
7Dẽ zugẽ, maan-kʋʋdbã talla Sẽn-Ka-Saab kaoolã koglg n tɩ ning zĩig ning b sẽn dag n maneg a yĩngã. Yaa zĩig sẽn welg toor n yɩɩdã pʋgẽ, serubẽ-rãmb a yiibã pɩgs tẽngre. 8Serubẽ rãmbã rag n tẽega b pɩgsã koglgã sẽn beẽ wã. Bãmb dag n yɛdga b pɩgsã n lud koglgã ne a ra-tuiidsã. 9La a ra-tuiidsã rag n yaa wogdo, tɩ ned sã n be zĩ-sõng n yɩɩdã noore, bɩ a tõe n yãnd-b zutã, la ned ka tõe n zĩnd yɩng n yãnd-b ye. La koglgã keta beenẽ hal tɩ ta rũndã 10#Tõ 10.5Bũmb dag n ka be koglgã pʋgẽ, sã n ka kug-wals a yiibã, la yaa a Moyiis n dag n sagl-b beenẽ wakat ning Israyɛll nebã sẽn wa yi Ezɩpt tɩ Sẽn-Ka-Saab maan kaool ne bãmb Orɛɛb tãngã zugã.
11 #
1Kib 16.34, 2Kib 7.3, Ɛsd 3.11, Yɩɩn 100.5, 106.1, 107.1, 118.1, 136.1, Zer 33.11 #
Yik 40.34,35 Dẽ, maan-kʋʋdbã lebg n yii zõngã pʋgẽ. La maan-kʋʋdbã fãa sẽn dag n be-b be wã ra yɩlga b mense. 12La Leevi neb nins sẽn yaa yʋʋmbã, a Azafe, a Eman, ne a Yedutun, la b kambã, ne b saam-biisã fãa dag n yera fu-peelse. Bãmb dag n yasa tẽn-kugrã yaang n zãad kɛma, kʋla, la pendse. La maan-kʋʋdb koabg la pisi sẽn mi tãntãad peebg n dag n yeg bãmba. 13Dẽ, tãntãn-pɛɛbdbã ne yɩɩn-yɩɩndbã naaga taab n na n pẽg Sẽn-Ka-Saabo, la b waoog-b n yeele: «Pẽg-y Sẽn-Ka-Saabo, bala, bãmb yaa sõama, la bãmb nonglmã paada wakat fãa.» La tãntãadã ne kɛmã, la yʋʋm teedã fãa rag n naagame n yɩɩndẽ. La wakat-kãng bala, sawad-taok n wa n sig n pid Sẽn-Ka-Saab roogã.
14Sawadgã ra pida Sẽn-Ka-Saab roogã tɩ maan-kʋʋdba ra ka leb n tõe n leb n dɩk b tʋʋmã ye. Bala, Sẽn-Ka-Saab ziirã ra pida roogã.
Currently Selected:
2 Kibayã 5: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
