2 Kibayã 4
4
1 #
Yik 27.1,2 Yẽnda maana tẽn-kugr ne zũudu, t'a woglmã yaa kãntɩɩg pisi, t'a yalmã me yaa kãntɩɩg pisi, t'a zãntlmã yaa kãntɩɩg piiga.
Zũud sĩmsi
2Yẽnda maana sĩn-bedr ne zũudu, t'a noorã yalem yaa kãntɩɩg piiga, t'a zãntlmã yaa kãntɩɩg a nu, la a sẽn gilg n sogã yaa kãntɩɩg pis-tã. 3La sĩngã no-koakã tẽngr sẽn gilgã fãa, b rag n gʋla lols naanã n gilgi, b rag n yaa rulg a yiibu, la kãntɩɩg fãa yaa lols piiga. B rag n naaga bãmb ne sĩng n yag tɩ yaa bũmb a yembre 4La sĩngã rag n doga zũud lols piig la a yiib zugu. Lols a tãab nems n wẽnemd n tees goabga, t'a tãab tees yaanga, t'a tãab tees rɩtgo, t'a tãab tees nin-taoore. Sĩngã rag n doga bãmb zugu. La b mensã zãng rag n bee sĩngã tẽngre. 5La sĩngã taglmã rag n taa nug-yakemd pʋɩ-sʋka. La b rag n maana a noorã tɩ wẽnd wũmbl noore, n yaa wa tɩ-puudu. A rag n tõe n deega sẽn kolg ko-yʋy tus a yiibu.
6 #
Yik 30.17-21
Yẽnda leb n maana sĩm-bi piiga. La yẽnda ninga a nu goabga, la a ning a nu rɩtgo, tɩ b pegsd rũms nins b sẽn kõ tɩ yaa maoong sẽn yõogd bugmã yĩnga. La sĩn-bedrã rag n yaa maan-kʋʋdbã mens yɩlgr yĩnga.
Sẽn-Ka-Saab roogã pʋgẽ teedo
7 #
Yik 25.31-40
#
Yik 25.23-30
Yẽnda maana sãnem fɩtl dogends piig wa sẽn zems nao-tũudrã. La yẽnda ning-b-la Sẽn-Ka-Saab roogã pʋgẽ, a nu rɩtgo, a nu goabga.
8Yẽnda maana taabl-dãmb piig n ning bãmb me Sẽn-Ka-Saab roogã pʋgẽ, a nu rɩtgo a nu goabga. La a maan sãnem la-bãooneg koabga. 9Yẽnda maana zak maan-kʋʋdbã yĩnga, la zak a to sẽn yaa kãseng n ning zag-noorã kʋɩlems n bolg ne zũudu. 10La b rɩka sĩn-bedrã n ning Sẽn-Ka-Saab roogã nug-rɩtg sẽn lebd yaang sẽnẽ. 11A Huram maana tompeglem laase, kardo, la la-bãoonego. Yɩɩ woto, la Huram maan bũmb nins fãa a Salmo sẽn dag n kos yẽnda t'a maan Sẽn-Ka-Saab roogã yĩngã n sɛ.
12Yaa kut ra-lugd-bɛd a yiibã,
ne kut pugli a yiibã sẽn
dog ra-lugdsã zutã,
n paas kut gãmba a yiibã
sẽn ning pugli wã
sẽn be ra-lugdsã zutã,
13ne gernaad biis bãmb kobs-naasã
sẽn ning gãmba wã sẽn
be pugli a yiibã zut rulg a yiib-yiibã,
14n paas sĩn-bi piigã ne b rogendsã,
15la sĩn-bedr a yembrã ne
a niig piig la a yiibã sẽn be a tẽngrã,
16ne tompeglmã laasã,
la pɛll-dãmba,
la kõsdsã sẽn tar n yaasd nemdã.
Teed nins fãa a Salmo sẽn kɩt t'a Huram-Abiib maan Sẽn-Ka-Saab roogã yĩngã, rag n yaa ne zũud sẽn pɩnda. 17Yaa Zʋrdẽ tãn-longã sẽn be Sukot ne Seredata tẽngã sʋk yagd pʋgẽ, la rĩm a Salmo kɩt tɩ b maan bõn-kãensã fãa. 18Teedã a Salmo sẽn kɩt tɩ b maana rag n yaa wʋsg hal tɩ b rag n ka tõe n geelg zũudã zɩslem n bãng ye.
19La a Salmo leb n maana Wẽnnaam doogã pʋgẽ teedã fãa: Yaa sãnem tẽn-kugrã, la taabl nins b sẽn dogend kaset burã, 20la a maan fɩtl-dogendsã ne a fɩtl-dãmbã sẽn tog n wid zĩ-sõngã noorã ne sãnem halaale. 21La fɩtl dogendsã tɩ-puudã, ne fɩtl-dãmbã, la yɩʋʋdã ne sãnem halaale. 22La sʋʋsã, ne la-bãoonegã, la ko-teesã, la wisdã laas ne sãnem halaale. La Sẽn-Ka-Saab roogã dignoyã sẽn tees zĩ-sõngã, ne a kʋɩlemsã, la ro-kãsengã noor kʋɩlemsã me ne sãnem.
Currently Selected:
2 Kibayã 4: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
