1 Tesalonik‑rãmba 2
2
A Poll tʋʋm Tesalonik
1M ba-biisi, yãmb mens miime tɩ tõnd waoongã yãmb nengẽ ka yɩ zaalem ye. 2#Tʋʋm 16.19-24, Tʋʋm 17.1-9La yãmb miime tɩ b namsa tõnd Filip tẽnga, la tõnd yãa toog be. Rẽ kɩtame tɩ tõnd paam pɛl-kɛgeng ne d Wẽnnaamã, n na n moon yãmb Wẽnnaam koe-noogã maoor wʋsg pʋgẽ. 3Sagls nins tõnd sẽn sagl yãmbã ka yɩ tudgri, bɩ tags-rẽgd pʋgẽ, wall ne sɩlem ye. 4La a wa Wẽnnaam sẽn poes tõnd n na n kõ tõnd koe-noogã mooneg tʋʋmdã, tõnd ka gomd n na n noog ninsaalb sũy ye, la yaa tɩ noog Wẽnnaam sẽn feesd sũyã sũuri.
5Yãmb miime tɩ tõnd zɩ n gom n na n belg neb ye, tɩ tõnd zɩ n gom n dat n paam paoong ye. Wẽnnaam yaa d kaset soaba. 6Tõnd ka bao waoogr sẽn yit ninsaalb nengẽ, yãmb nengẽ, wall neb a taab nengẽ ye. Tõnd yaool n dag n tõe n modga yãmba, tõnd sẽn yaa Kiris tẽn-tʋmdbã yĩnga. 7La tõnd sẽn zĩnd yãmb sʋkã, tõnd pida ne sũ-bʋgsem. A wa pag sẽn get a kamb yellã, 8tõnd da nongẽ lame n kõ yãmb Wẽnnaam koe-noogã ne nonglem. La ka rẽ bal ye. Tõnd da nongẽ n kõo d vɩɩmã me yãmb yĩnga, bala, yãmb lebga tõnd nin-nongdse. 9D ba-biisi, yãmb tẽra tõnd tʋʋmã ne d naongã: Tõnd moona yãmb Wẽnnaam koe-noogã, la tõnd tʋma yʋng ne wĩntoogo, tɩ d da wa n yɩ zɩɩb yãmb yĩng ye. 10Yãmb yaa kaset rãmba, la Wẽnnaam me yaa kaset soaba, tɩ tõnd yel-manesem ne yãmb sẽn yaa Kiris tẽedbã yɩɩ sõama la tɩrga, tɩ rõdb kaẽ ye. 11Yãmb miime me tɩ tõnd yɩɩ wa ba-rãmb ne b kamba, yãmb yembr-yembr yĩnga. 12Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.
13Tõnd pʋʋsda Wẽnnaam bark me n ka basdẽ ye. Bala, yãmb sẽn deeg Wẽnnaam goamã tõnd sẽn togs yãmbã, yãmb ka reeg-a wa a yaa ninsaalb goam ye. Yãmb deeg-a-la wa a sẽn yaa bũmb ning sɩd-sɩdã, Wẽnnaam goam sẽn tʋmd yãmb sẽn yaa Kiris tẽedbã pʋgẽ. 14#Tʋʋm 17.5D ba-biisi, yãmb sɩd lebga Wẽnnaam dot nins sẽn be Zʋʋde soolmẽ wã togs-n-taase, la wẽnd-do-kãens bee a Zeezi Kiris pʋgẽ. Bala, yãmb tẽngã rãmb sẽn nams yãmb to-to wã, Zʋɩf-rãmbã me namsa wẽnd-do-kãens rãmb a woto me. 15#Tʋʋm 9.23,29, 13.45,50, 14.2,5,19, 17.5,13, 18.12Zʋɩf-rãmbã n kɩt tɩ b kʋ Zu-soab a Zeezi la Wẽnnaam no-rɛɛsdbã, la b nams tõndo. B ka maand sẽn noom Wẽnnaam ye, la b kisa nebã fãa. 16Bãmb gɩdgda tõnd tɩ d da moon bu-zẽmsã Wẽnnaam koɛɛgã, tɩ b paam fãagr ye. B sẽn maan a woto wã, b maana b yel-wẽnã n taase. La Wẽnnaam sũ-puugr baas n ta-b lame.
A Poll dat n yãnda Tesalonik Kiris tẽedbã
17D ba-biisi, tõnd sẽn zãag ne taab wakat bilf yĩnga, d nina ka ne taab ye, la d sũyã loee ne taaba. Tõnd data ne d sũyã fãa n leb n yãnd yãmb neng ne nenga. 18Dẽ kɩtame tɩ tõnd dag n dat n wa yãmb nengẽ. Naoor a yiib la maam a Poll dag n dat n wa yãmb nengẽ, la a Sʋtãan gɩdga tõndo. 19Tõnd saagr bee ne ãnda rãmba, la ãnda rãmb n ya tõnd sũ-noog la d waoogr maanf tõnd Zu-soab a Zeezi taoore, la b waoongã wakate? Ka yãmb la? 20N-yẽe! Yãmb yaa tõnd ziir la d sũ-noogo.
Currently Selected:
1 Tesalonik‑rãmba 2: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
