1 Zã 3
3
Wẽnnaam kamba
1 #
Zã 1.12
Ges-y nonglem ninga d ba wã sẽn nong tõndã, bala b boonda tõnd tɩ Wẽnnaam kamba. La tõnd sɩd yaa bãmb kamba. Ad bũmb ning sẽn kɩt tɩ dũni wã ka mi tõndã: Yaa t'a ka bãng d ba wã ye. 2Mam zo-nongdse, tõnd yaa Wẽnnaam kamb moasã, la tõnd sẽn na n yɩ bũmb ningã nan ka puk nand ye. La tõnd miime tɩ Kiris sã n wa n puki, tõnd na n yɩɩ wa bãmba, bala, tõnd na n yãnda bãmb sẽn yaa a soabã. 3Ned ning fãa sẽn tẽed Kirisã yel-kãngã pidsg yĩnga, a yɩlgda a meng n lebg yɩlemd wa a Zeezi Kiris sẽn yaa yɩlemdã.
4Ned ning fãa sẽn maand yel-wẽnde, a kɩɩsda tõogã me. Yel-wẽna yaa tõogã kɩɩsgo. 5#Zã 1.29La yãmb miime t'a Zeezi waame n na n yiis yel-wẽnã, la yel-wẽnd ka tol n be bãmb pʋgẽ ye. 6Ned ning fãa sẽn be Kiris pʋgẽ ka maand yel-wẽn ye. Ned ning fãa sẽn maand yel-wẽn ka yã bãmba, la a ka bãng-b ye.
7Kom-bãoonego, bɩ y ra sak tɩ ned ba a yembr belg yãmb ye. Ned ning sẽn maand tɩrlem yaa tɩrg wala a Zeezi Kiris sẽn yaa tɩrgã. 8Ned ning sẽn maand yel-wẽn yaa sʋtãanã neda, bala sʋtãanã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam sʋtãanã tʋʋmã.
9Wẽnnaam sẽn dog ned ning fãa ka maand yel-wẽn ye, Wẽnnaam yalẽ wã sẽn be yẽnda pʋgẽ wã yĩnga. La sẽn ya Wẽnnaam n dog-a wã yĩnga, a ka tõe n ket n maand yel-wẽn ye. 10Yaa woto la b bãngd sẽn ya-b Wẽnnaam kambã la sẽn ya-b sʋtãanã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.
11 #
Zã 13.34
Ad koɛɛg ning yãmb sẽn wʋm hal sɩngrẽ wã: Bɩ d nong taaba. 12#Sɩng 4.8Bɩ d ra maan wala a Kayẽ sẽn dag n yaa wẽng soabã rẽndã, la sẽn kʋ a ba-biigã ye. La bõe yĩng n kɩt t'a kʋ-a? Yaa yẽnda tʋʋmã sẽn dag n yaa wẽns t'a ba-biigã tʋʋmã zemsã yĩnga. 13M ba-biisi, dũniyã nebã sã n kis yãmba, bɩ y ra yɛɛs ye. 14#Zã 5.24Tõnd sẽn nong d ba-biisã yĩnga, tõnd miime tɩ d yii kũum zĩigẽ n kẽ vɩɩm zĩigẽ. Ned ning sẽn ka tar nonglem bee kũum pʋgẽ. 15Ned ning fãa sẽn kis a ba-biig yaa nin-kʋʋda, la yãmb miime tɩ nin-kʋʋd ba a yembr ka tar vɩɩm sẽn kõn sa wã tɩ bee a pʋgẽ ye.
16Ne bõn-kãnga, tõnd bãnga nonglem sẽn yaa bũmb ninga: Yaa t'a Zeezi Kiris kõo bãmb vɩɩmã tõnd yĩnga. Tõnd me tog n kõo d vɩɩmã d ba-biisã yĩnga. 17Ned sã n tar dũni arzegse, n neẽ t'a ba-biig rat sõngre, tɩ yẽnda ka zoe a nimbãaneg n sõng-a, yẽnda na n yɩɩ a wãn yeel t'a nonga Wẽnnaam?
18Kom-bãoonego, bɩ tõnd nonglem ra yɩ noor goamã, wall no-noom ye. Bɩ a yɩ ne tʋʋmã la ne sɩda. 19Rẽ na n kɩtame tɩ tõnd bãng tɩ d yaa sɩd-dãmba, la tõnd na n paama sũur laafɩ Wẽnnaam taoore, 20baa ne tõnd sũyã sẽn mongd tõnd bʋʋm to-to. Bala, Wẽnnaam yɩɩda tõnd sũyã, la b mii bũmb fãa. 21Mam zo-nongdse, tõnd sũurã sã n ka mongd tõnd bʋʋm, tõnd pɛlg yaa kɛgeng Wẽnnaam taoore, 22tõnd sẽn kot bũmb ning fãa, bãmb kõta tõndo, tõnd sẽn sakd bãmb tõodã la d maand sẽn tat bãmb yamã yĩnga. 23#Zã 13.34, 15.12,17Ad bãmb tõogã la a woto: Yaa tɩ d tẽ bãmb bi-ribl a Zeezi Kiris yʋʋre, la tɩ d nong taab wala sẽn zems tõog ning a Zeezi sẽn kõ tõndã. 24Ned ning sẽn sakd bãmb tõodã bee Wẽnnaam pʋgẽ, tɩ Wẽnnaam be yẽnda pʋgẽ. Woto, tõnd miime tɩ bãmb bee tõnd pʋgẽ, Sɩɩg-sõng bãmb sẽn kõ tõndã maasem yĩnga.
Currently Selected:
1 Zã 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
