Popular Bible Verses from 1 Zã 3

Share

Kom-bãoonego, bɩ tõnd nonglem ra yɩ noor goamã, wall no-noom ye. Bɩ a yɩ ne tʋʋmã la ne sɩda.

Ne bõn-kãnga, tõnd bãnga nonglem sẽn yaa bũmb ninga: Yaa t'a Zeezi Kiris kõo bãmb vɩɩmã tõnd yĩnga. Tõnd me tog n kõo d vɩɩmã d ba-biisã yĩnga.

Ges-y nonglem ninga d ba wã sẽn nong tõndã, bala b boonda tõnd tɩ Wẽnnaam kamba. La tõnd sɩd yaa bãmb kamba. Ad bũmb ning sẽn kɩt tɩ dũni wã ka mi tõndã: Yaa t'a ka bãng d ba wã ye.

Ned ning sẽn maand yel-wẽn yaa sʋtãanã neda, bala sʋtãanã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam sʋtãanã tʋʋmã.

Wẽnnaam sẽn dog ned ning fãa ka maand yel-wẽn ye, Wẽnnaam yalẽ wã sẽn be yẽnda pʋgẽ wã yĩnga. La sẽn ya Wẽnnaam n dog-a wã yĩnga, a ka tõe n ket n maand yel-wẽn ye.

Ned sã n tar dũni arzegse, n neẽ t'a ba-biig rat sõngre, tɩ yẽnda ka zoe a nimbãaneg n sõng-a, yẽnda na n yɩɩ a wãn yeel t'a nonga Wẽnnaam?

Ned ning sẽn sakd bãmb tõodã bee Wẽnnaam pʋgẽ, tɩ Wẽnnaam be yẽnda pʋgẽ. Woto, tõnd miime tɩ bãmb bee tõnd pʋgẽ, Sɩɩg-sõng bãmb sẽn kõ tõndã maasem yĩnga.

Yaa woto la b bãngd sẽn ya-b Wẽnnaam kambã la sẽn ya-b sʋtãanã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.

Ad koɛɛg ning yãmb sẽn wʋm hal sɩngrẽ wã: Bɩ d nong taaba.

M ba-biisi, dũniyã nebã sã n kis yãmba, bɩ y ra yɛɛs ye.