1 Korẽnt‑rãmbã 3
3
Tʋmd-n-taas ne Wẽnnaam
1Sã n yaa ne maam, m ba-biisi, mam ka tõog n gom ne yãmb wa neb sẽn tagsd sɩɩgã yell ye, la yaa wa ne neb sẽn vɩ yĩng sakr pʋgẽ, wall kom-bãooneg Kiris pʋgẽ. 2#Ebr 5.12,13Mam ka kõ yãmb rɩ-taok ye, yaa bĩisim, bala, yãmb pʋgã da ka tõe rɩ-taok ye. La baa ne moasã me, yãmb pʋsã ket n ka tõe-a ye. Bala, yãmb ket n tũuda yĩngã ratem. 3Sũ-kiirã ne ka-wʋm-taabã sẽn be yãmb sʋkã, dẽ yĩnga, yãmb ka neb sẽn sakd yĩngã ratem, la y kẽnd wa ninsaal sẽn maandã sɩda? 4#1Kor 1.12Ned a yembr sã n yeel tɩ yẽnda yaa a Poll karen-biiga, tɩ ned a to yeel tɩ yẽnda yaa a Apoloos karen-biiga, 5ka ninsaalemd la rẽnda sɩda? A Apoloos yaa bõe, t'a Poll ya bõe? Bãmb yaa tʋmtʋmdb bal Wẽnnaam sẽn tall n kɩt tɩ yãmb tẽ a Zeezi, n zems ne Zu-soabã sẽn tees yãmb a soaba. 6#Tʋʋm 18.4-11, Tʋʋm 18.24-28Maam n sele, t'a Apoloos zãgs koom, la yaa Wẽnnaam n kɩtd tɩ koodã bɩtẽ. 7Woto, ka ned ning sẽn sel-a wã la bũmb ye. Ka ned ning sẽn zãgs-a koomã me n yaa bũmb ye. Yaa Wẽnnaam, soab ning sẽn kɩtd-a tɩ koodã bɩtẽ wã n yaa bũmbu. 8Ned ning sẽn sel-a wã, la ned ning sẽn zãgs-a koomã yaa yembr bala, la ned fãa na n deega a keoor wa zems a tʋʋmde. 9Bala, tõnd yaa tʋmd-n-taas ne Wẽnnaam. Yaa yãmb la Wẽnnaam Pʋʋgo, Wẽnnaam roogo.
10Wẽnnaam nimbãan-zoeerã b sẽn maana yĩnga, mam yẽbga roogã wa tãn-met sẽn tar yam, la ned a to waa n mee yẽbgrã zugu. La bɩ ned fãa gũus ne a sẽn met to-to yẽbgrã zugã. 11Bala, ned baa a yembr ka tõe n yẽbg yẽbgr a to tɩ ka sẽn be-a wã ye, sẽn dat n togs t'a Zeezi Kiris bala. 12La ned sã n me yẽbg-kãng zug ne sãnem, wall wanzuri, wall kug buud sẽn be yõodo, wall raado, wall yamdo, wall moodo, ned fãa tʋʋmd na n pukame. 13Bala, daarã#3.13 Daarã: Daarã yell b sẽn gomd kaanẽ wã rat n yeelame tɩ bʋʋdã kaoob daare. na n kɩtame tɩ b bãng-a. Tɩ bõe bugmẽ la ned fãa Tʋʋmd na n puki, la bugmã na n maka ned fãa tʋʋmd n ges a sẽn yaa ne bũmb ninga. 14Bugmã sã n ka rɩ tʋʋmd ned sẽn maan yẽbg-kãng zugã, sẽn tʋm-a wã na paam keoore. 15La bugmã sã n dɩ tʋʋmd ning ned sẽn maane, na n yɩɩ bõn ne a soaba. Soab‑kãng na n paama fãagre, la a na yɩɩ wa ned sẽn pɩʋʋg bugum n põse.
16 #
1Kor 6.19, 2Kor 6.16 Yãmb zɩ tɩ yãmb yaa Wẽnnaam doogo, la tɩ Wẽnnaam sɩɩgã bee yãmb pʋgẽ la? 17Ned sã n sãam Wẽnnaam doogã, Wẽnnaam na n sãama a soaba. Bala, Wẽnnaam doogã welga toore, la yaa yãmb la ro-kãngã.
18Bɩ ned da belg a meng ye. Ned yãmb sʋkã sã n tagsd t'a tara dũni yam, bɩ a lebg yalma, t'a tõe n lebg yam soaba. 19#Zoob 5.13Bala, dũni yam yaa yalemd wẽnnaam taoore. Dẽ n kɩt tɩ b gʋls n yeel tɩ:
Wẽnnaam yõkda yam dãmbã b sɩlmã pʋga.
20 #
Yɩɩn 94.11
B leb n gʋlsame n yeel tɩ:
Zu-soabã mii yam dãmba sẽn tagsd n lebd zĩig ninga,
n miẽ tɩ b tagsgã yaa zaalem bala.
21Dẽ, bɩ ned baa a yembr da teeg ned n na n bao waoogr ye. Bala, bũmba fãa yaa yãmb dẽnda. 22A Poll woo, a Apoloos woo, a Sefaas woo, dũni wã woo, vɩɩmã woo, kũumã woo, bũmb nins sẽn be moasã wã woo, bũmb nins sẽn wat taoorã woo, fãa yaa yãmb dẽnda. 23Tɩ yãmb ya Kiris rẽnda, tɩ Kiris ya Wẽnnaam dẽnda.
Currently Selected:
1 Korẽnt‑rãmbã 3: MPBU
Highlight
Copy
Compare
Share
Want to have your highlights saved across all your devices? Sign up or sign in
Moore Bible © Bible Society of Burkina Faso, 2014.
