1 Kibayã 2

A Zakoob biig a Zʋʋda yagense

(Sɩng 35.23-26)

1A Zakoob b sẽn boond-a soab t'a Israyɛllã kamb la woto: A Rubɛn, a Sɩmyõ, a Leevi, a Zʋʋda, a Yisakaare, a Zabulõ, 2a Dan, a Zozefo, a Benzame, a Neftali, la a Gaad ne a Asɛɛre.

3A Zʋʋda kamb la woto: yaa a Ɛɛr ne a Onan la a Sela. Bãmb b tãabã fãa ma yaa a Suwa sẽn yaa Kana bi-puglã. A Zʋʋda bi-kãseng a Ɛɛr maana sẽn yaa wẽng Sẽn-Ka-Saab nifẽ, tɩ Sẽn-Ka-Saab kɩt t'a ki.

4Dẽ zugẽ, a Zʋʋda bi-pag a Tamaar doga a kom-dibli a yiibu: a Perɛɛz ne a Zeera. A Zʋʋda kom-dibli wã fãa sõor yaa bãmb b nu.

5A Perɛɛz kom-dibli yaa a Ɛtsron ne a Hamulli.

6A Zeera kom-dibli la woto: a Zimri, a Etan, a Eman, la a Kalkoll ne a Daara. Bãmb fãa sõor yaa bãmb b nu.

7 # Zoz 7.1 A Kami bi-ribl yaa a Akaare. A Akaar dag n maana sẽn kisi#2.7 Sẽn kisi: Zĩis kẽere, b boonda a Akaar tɩ Akã, wa d sẽn yãt Zozoe 7.1 tɩ ta 18 wã. Kisgã yell b sẽn gomd kaanẽ wã yaa tɩ yẽnda wʋka zab-teed wall arzegs nins Sẽn-Ka-Saab sẽn dag n yet tɩ ned ra sɩɩsã., n kɩt tɩ toog paam Israyɛll nebã.

8A Etan bi-ribl yaa a Azariya. 9A Ɛtsron kom-dibli yaa a Yerameyɛll ne a Ram la a Kelubayi.

10A Ram doga a Aminadaabe, t'a Aminadaab rog a Nakõ sẽn yaa Zʋʋda buudã naabã. 11A Nakõ roga a Salma, t'a Salma rog a Booze, 12t'a Booz rog a Obɛɛde, t'a Obɛɛd rog a Izayi. 13A Izayi roga kom-dibli a yopoe: pipi soabã yaa a Eliyaabe, yiibẽ soabã la a Abinadaabe, tãabẽ soabã la a Simeya, 14naasẽ soabã la a Netaneyɛlle, nu soabã la a Radayi, 15yoobẽ soabã la a Otsɛm, tɩ yopoe soabã yaa a Davɩɩde. 16Bãmb dag n tara tão-pogse: a Seruya ne a Abigayɩlle. A Seruya rag n tara kom-dibli a tãabo: a Abisayi ne a Zoaab la a Azayɛlle. 17A Abigayɩll roga a Amasa, la a Amasa ba wã rag n yaa Ismayɛll buudã ned a Yetɛɛre.

18A Ɛtsron biig a Kalɛɛb pagbã sẽn yaa a Azuba ne a Yeriyot roga a kom-dibli. Yẽnda kamb nins a Azuba sẽn dogã la woto: Yaa a Yesɛɛr ne a Sobaab la a Ardõ. 19A Azuba kũumã poore, a Kalɛɛb peega a Efrat n maan a paga, la a roga a biig tɩ b pʋd-a t'a Ʋʋre. 20A Ʋʋr doga a Uuri, t'a Uuri rog a Betsaleyɛlle. 21A Ɛtsron sẽn wa n tar yʋʋm pis-yoobe, a kẽe kãadem ne a Galaad ba a Makɩɩr bi-pugla, la a roga biig t'a yʋʋr boondẽ t'a Seguubi. 22A Seguub roga a Yayɩɩri. La a Yayɩɩr n dag n so Galaad soolem tẽms pisi la a tãabo. 23La Gesʋʋr ne Siiri rĩm-dãmbã wa n zab n deega Yayɩɩr tẽmsã, n paas Kenat tẽngã ne a tẽn-kɩremsã, la tẽn-bãmb fãa sõorã yaa tẽms pis-yoobe. La neb nins fãa sẽn dag n be tẽn-bãmb pʋgẽ wã rag n yaa a Galaad ba a Makɩɩr yagense.

24A Ɛtsron sẽn ki Kalɛɛb-Efratã zugẽ, yẽnda pag a Abiya roga yẽnda biig tɩ b pʋd a yʋʋr t'a Asʋʋre. A Asʋʋr yaa a Tekoa ba. 25A Ɛtsron bi-kãseng a Yerameyɛll kom-dibli la woto: yaa a bi-kãseng a Ram, ne a Buna, la a Orɛn ne a Otsɛm la a Ayiya.

26A Yerameyɛll paama pag a to t'a yʋʋr boondẽ t'a Atara. Pʋg-kãng n yɩ a Onam ma. 27A Yerameyɛll bi-kãseng a Ram kom-dibli rag n yaa a Maats ne a Yamin la a Ekɛɛre. 28A Onam kom-dibli rag n yaa a Samayi ne a Yaada. A Samayi kom-dibli rag n yaa a Nadaab ne a Abisʋʋre. 29A Abisʋʋr pagã yʋʋr dag n boondame t'a Abigayɩlle. A Abigayɩll roga a Akban ne a Moliidi. 30A Nadaab kom-dibli rag n yaa a Selɛɛd ne a Apayim. A Selɛɛd kiime n ka paam bi-ribl ye. 31A Apayim doga a Yiseyi, t'a Yiseyi rog a Sesan, t'a Sesan rog a Alayi. 32A Samayi ba-biig a Yaada kom-dibli rag n yaa a Yetɛɛr ne a Zonatã. A Yetɛɛr kiime n ka paam bi-ribl ye. 33A Zonatã kom-dibli rag n yaa a Pelɛt ne a Zaaza. Bãmb fãa rag n yaa a Yerameyɛll yagense.

34A Sesan ka paam bi-ribl ye. Yẽnda roga kom-pugli bala. Yẽnda rag n tara yem-daoog sẽn yaa Ezɩpt neda, t'a yʋʋr boondẽ t'a Yaara. 35A Sesan rɩka a bi-pugl a yembr n kõ a Yaara t'a maan a paga. Bi-pugl-kãng roga a biig tɩ b pʋd a yʋʋr t'a Atayi. 36A Atayi roga a Natã, t'a Natã rog a Zabaade, 37t'a Zabaad rog a Eflalle, t'a Eflall rog a Obɛɛde, 38t'a Obɛɛd rog a Zeyu, t'a Zeyu rog a Azariya, 39t'a Azariya rog a Helɛtse, t'a Helɛts rog a Elaaza, 40t'a Elaaza rog a Sismayi, t'a Sismayi rog a Salum, 41t'a Salum rog a Yekamiya, t'a Yekamiya rog a Elisama.

42A Yerameyɛll ba-biig a Kalɛɛb kom-dibli la woto: yaa a bi-kãseng a Mesa sẽn dag n yaa a Zɩf ba, n paas a Maresa sẽn yaa a Ebrõ ba wã kom-dibli. 43A Ebrõ kom-dibli rag n yaa a Koore, a Tapuwa, la a Rekɛm ne a Sema. 44A Sema n dog a Raham sẽn yaa a Yorkeyam ba, t'a Rekɛm dog a Samayi. 45A Samayi roga a Mawõ. A Mawõ rag n yaa a Bɛt-Sʋʋr ba. 46A Efa sẽn dag n yaa a Kalɛɛb pʋg-rɩkdgã roga a Haaran ne a Motsa la a Gazɛɛze. A Haaran doga biig n pʋd a yʋʋr t'a Gazɛɛze. 47A Yadayi kom-dibli yaa a Regɛm, a Yotam, a Gesan, a Pelɛte, la a Efa ne a Saafe. 48A Kalɛɛb pʋg-rɩkdg a Maaka roga a Sebɛɛr ne a Tɩrana. 49A Maaka leb n doga a Saaf sẽn yaa a Madmana ba, la a Seeva sẽn yaa a Makbena ne a Gibeya ba. A Kalɛɛb bi-puglã yʋʋr dag n boondame t'a Aksa. 50A Kalɛɛb kom-dibli la woto: Yaa a Ʋʋr sẽn yaa yẽnda pag a Efrata bi-kãsengã. A Ʋʋr yaa a Soball ba, t'a Soball yaa a Kiryat-Yeyarim ba. 51Leb n yaa a Salma sẽn yaa a Betlehɛm ba wã, ne a Harɛf sẽn yaa a Bɛt-Gadɛɛr ba wã. 52A Soball sẽn yaa a Kiryat-Yeyarim ba wã yagens yaa Harowe tẽngã nebã, ne Hatsi-Menuhot tẽngã nebã. 53Kiryat-Yeyarim roogã neb rag n yaa Zetri nebã, Put nebã, Sumat nebã ne Ezɩpt nebã. Sora ne Ɛstawoll nebã yaa bãmb buudã nebã. 54A Salma yagensã yaa Betlehɛm ne Netofa la Atrot-Bɛt-Yoaab nebã, ne Hatsi-Manahat tẽngã nebã, la Sora tẽngã nebã. 55Gʋlsdbã rot neb sẽn be Yabɛɛs tẽngã yaa Tɩreyat ne Simeyat la Sukat nebã. Bãmb yaa Kɛn buudã nebã, n yaa Hamat sẽn yaa Rekaab buudã nebã ba.

Currently Selected:

1 Kibayã 2: MPBU

Highlight

Copy

Compare