Mi Coadima 13
13
Musa soani bi niba ban ban diidi Kanana diema
1O Diedo den maadi leni Musa, ki yedi: 2«Soani bi niba, ban ban gaani ki diidi Kanana diema, min puni Isidayeli yaaba yaama yeni. Ŋan soani buolu kuli nni, bi yudanba siiga yudanyendo.»
3Lanwani, Musa den fiini Isidayeli yudanba siiga, bi niba ke bi ñani Paran fanpienma nni, ki gedi nani o Diedo n den teni o li ñoamabonli maama. 4Bi yela n tie ne:
Rubeni buolu yua, den tie Sakuri bijua Samua,
5Simeon buolu yua, den tie Hori bijua Safati,
6Juda buolu yua, den tie Yefune bijua Kalebi,
7Isakari buolu yua, den tie Josefi bijua Yigali,
8Efrayimi buolu yua, den tie Nun bijua Hosea,
9Benjamen buolu yua, den tie Lafu bijua Paliti,
10Sabuloni buolu yua, den tie Sodi bijua Gadieli.
11Josefi bijua Manase buolu yua, den tie Susi bijua Gadi,
12Dan buolu yua, den tie Gemali bijua Amieli,
13Aseri buolu yua, den tie Mikayeli bijua Setuli,
14Nefitali buolu yua, den tie Fofisi bijua Nabi,
15Gadi buolu yua, den tie Maki bijua Gewuyeli.
16Lani n tie Musa, n den soani yaa niba, ban ban gaani ki diidi mi diema yeni yela. Yua n den yi Hosea ki tie Nun bijua yeni, Musa den yini o Josue.#13.16 Hosea: Diidi 13.8 Hosea leni Josue. Laa yelieda bundima Hebilu maama nni tie: «U Tienu faabidi.»
17Musa den soani ba, ban ban gaani ki diidi Kanana diema. O den yedi ba: «Gaa mani ganu po ki kua mi diema nni, ki yuandi ki do a juana po yaa fuuli. 18Yin diidi ki le, mi diema kuli n tie maama. Yin le mi niba yaa pia u fidu, bi bi yaa tadi leni bi coali yaa wa, bi li yaa yabi. 19Yin le mi diema yaa ŋani bi mi yàá ŋani leni mi dogi yaa pia i bilini ke i maa ki lindi, bi i yàá pia. 20Yin le ki tinga yaa pia ti bugidi, bi ki yàá pia i tiidi yaa ye lienni, bi i yàá ye. Paagi mani yi baa. Cie mani mi diema bonluonkaala, ki cuani ne.»
Li den tie duven tiidi bonluonkakpiala yogunu.
21Bi den gedi, ki ban gaani ki diidi mi diema, ki cili hali Tisini fanpienma nni, ki ban pundi hali Rehobi, ki kuu leni Hamati dogu. 22Bi den gaa ganu po, ki ban kua mi diema nni. Bi den pundi Hebiron dogu, ku jaciangu Anaki puoliŋuani, Ahimani, Sesayi leni Talimayi buoli n den kaa naani. Hebiron dogu den maa, lan tieni binalele yo, yaa dogu n ye Ejipiti, ki yi Tisoani mo n yuandi ki maa. 23Bi den pundi Esikoli joaloangu kani. Bi den pedi likani, duven tibu beni leni bu bonluonkaala bonjoanli. Bi siiga nibilie den joani li ku daagu, ki bugi. Bi go den cie yaa bonluonkaala n yi grenadi leni a kankana. 24Bi den yini laa kaanu, Elikoli joaloangu, lani n tie li bonjoanli joaloangu, kelima Isidayeli yaaba n den pedi likani yaa duventibu bonluonkaala bonjoanli yeni po.
Musa tonda guani ki togidi ban laa yaala
25Dana piinaa n den pendi, yaaba n den gaani ki diidi mi diema, den lebidi ki guani. 26Bi den lebidi ki guani Paran fanpienma nni. Bi den guani ki taani, Musa, Alono leni Isidayeli yaaba kuli nitaanli, Kadesi dogu nni. Bi den togidi bikuli ban ban laa yaala, ki go waani mi diema yeni bonluonkaala.
27Ban den togidi Musa yaala, den tie line: «Ti gedi ŋan den soani ti yaa diema po. I moamoani, mi tie mi naaŋanma leni ti siadi n dua naani. Diidi, lipo bonluonkaala nne. 28Ama yaa niba n ye mi niinni pia u fidu. I dogi mo tie docianmoani, ki pia i bilini, ke i lindi ki cebini bonŋanla. Ti laa, ba ku jaciangu Anaki puoliŋuani moko likani. 29Amaleki buolu kaa mi diema ganu po, Hititi, Jebusi leni Amori yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Jurden kpenu boanjaana.»
30Ku niligu den yenbidi Musa po, ke Kalebi den teni ke bi suo, ke o yedi:
«Tin gedi mani, ki ban baa mi diema yeni, ki diedi ma, kelima ti pia u fidu ke li dagidi, ki baa fidi ki paadi ma.»
31Ama yaa niba n den yegi leni o ki gedi, den yedi: «Ti kan fidi ki tuogi leni laa niba bu toabu, kelima bi pia u fidu ki cie ti.»
32Lani, bi den cili ki maadi Isidayeli yaaba kani, ki sugidi ban den gaani ki diidi yaa diema yeni niba. Bi den yedi:
«Tin ban gaani, ki diidi yaa diema yeni, tie yaa diema n di yaa niba n ye mi niinni.#13.32 Li fidi ke li bua ki yedi ke mi diema yeni niinni den pia i yiani, yaa ka ke mi niinni pia bu toabu u yogunu kuli. Tin laa yaa niba likani kuli, tie jaciandi. 33Ti den laa ti niciandi buolu, Anaki puoliŋuani, ti niciandi yeni. Ti den nua ti yula nani i naaci yene bi kani, bimoko den nua ti yene.» #Cil 6.4.
Currently Selected:
Mi Coadima 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 13
13
Musa soani bi niba ban ban diidi Kanana diema
1O Diedo den maadi leni Musa, ki yedi: 2«Soani bi niba, ban ban gaani ki diidi Kanana diema, min puni Isidayeli yaaba yaama yeni. Ŋan soani buolu kuli nni, bi yudanba siiga yudanyendo.»
3Lanwani, Musa den fiini Isidayeli yudanba siiga, bi niba ke bi ñani Paran fanpienma nni, ki gedi nani o Diedo n den teni o li ñoamabonli maama. 4Bi yela n tie ne:
Rubeni buolu yua, den tie Sakuri bijua Samua,
5Simeon buolu yua, den tie Hori bijua Safati,
6Juda buolu yua, den tie Yefune bijua Kalebi,
7Isakari buolu yua, den tie Josefi bijua Yigali,
8Efrayimi buolu yua, den tie Nun bijua Hosea,
9Benjamen buolu yua, den tie Lafu bijua Paliti,
10Sabuloni buolu yua, den tie Sodi bijua Gadieli.
11Josefi bijua Manase buolu yua, den tie Susi bijua Gadi,
12Dan buolu yua, den tie Gemali bijua Amieli,
13Aseri buolu yua, den tie Mikayeli bijua Setuli,
14Nefitali buolu yua, den tie Fofisi bijua Nabi,
15Gadi buolu yua, den tie Maki bijua Gewuyeli.
16Lani n tie Musa, n den soani yaa niba, ban ban gaani ki diidi mi diema yeni yela. Yua n den yi Hosea ki tie Nun bijua yeni, Musa den yini o Josue.#13.16 Hosea: Diidi 13.8 Hosea leni Josue. Laa yelieda bundima Hebilu maama nni tie: «U Tienu faabidi.»
17Musa den soani ba, ban ban gaani ki diidi Kanana diema. O den yedi ba: «Gaa mani ganu po ki kua mi diema nni, ki yuandi ki do a juana po yaa fuuli. 18Yin diidi ki le, mi diema kuli n tie maama. Yin le mi niba yaa pia u fidu, bi bi yaa tadi leni bi coali yaa wa, bi li yaa yabi. 19Yin le mi diema yaa ŋani bi mi yàá ŋani leni mi dogi yaa pia i bilini ke i maa ki lindi, bi i yàá pia. 20Yin le ki tinga yaa pia ti bugidi, bi ki yàá pia i tiidi yaa ye lienni, bi i yàá ye. Paagi mani yi baa. Cie mani mi diema bonluonkaala, ki cuani ne.»
Li den tie duven tiidi bonluonkakpiala yogunu.
21Bi den gedi, ki ban gaani ki diidi mi diema, ki cili hali Tisini fanpienma nni, ki ban pundi hali Rehobi, ki kuu leni Hamati dogu. 22Bi den gaa ganu po, ki ban kua mi diema nni. Bi den pundi Hebiron dogu, ku jaciangu Anaki puoliŋuani, Ahimani, Sesayi leni Talimayi buoli n den kaa naani. Hebiron dogu den maa, lan tieni binalele yo, yaa dogu n ye Ejipiti, ki yi Tisoani mo n yuandi ki maa. 23Bi den pundi Esikoli joaloangu kani. Bi den pedi likani, duven tibu beni leni bu bonluonkaala bonjoanli. Bi siiga nibilie den joani li ku daagu, ki bugi. Bi go den cie yaa bonluonkaala n yi grenadi leni a kankana. 24Bi den yini laa kaanu, Elikoli joaloangu, lani n tie li bonjoanli joaloangu, kelima Isidayeli yaaba n den pedi likani yaa duventibu bonluonkaala bonjoanli yeni po.
Musa tonda guani ki togidi ban laa yaala
25Dana piinaa n den pendi, yaaba n den gaani ki diidi mi diema, den lebidi ki guani. 26Bi den lebidi ki guani Paran fanpienma nni. Bi den guani ki taani, Musa, Alono leni Isidayeli yaaba kuli nitaanli, Kadesi dogu nni. Bi den togidi bikuli ban ban laa yaala, ki go waani mi diema yeni bonluonkaala.
27Ban den togidi Musa yaala, den tie line: «Ti gedi ŋan den soani ti yaa diema po. I moamoani, mi tie mi naaŋanma leni ti siadi n dua naani. Diidi, lipo bonluonkaala nne. 28Ama yaa niba n ye mi niinni pia u fidu. I dogi mo tie docianmoani, ki pia i bilini, ke i lindi ki cebini bonŋanla. Ti laa, ba ku jaciangu Anaki puoliŋuani moko likani. 29Amaleki buolu kaa mi diema ganu po, Hititi, Jebusi leni Amori yaaba mo kaa a juana n ye yaa kalu po. Kanana yaaba mo kaa ki kuu mi ñincianma leni Jurden kpenu boanjaana.»
30Ku niligu den yenbidi Musa po, ke Kalebi den teni ke bi suo, ke o yedi:
«Tin gedi mani, ki ban baa mi diema yeni, ki diedi ma, kelima ti pia u fidu ke li dagidi, ki baa fidi ki paadi ma.»
31Ama yaa niba n den yegi leni o ki gedi, den yedi: «Ti kan fidi ki tuogi leni laa niba bu toabu, kelima bi pia u fidu ki cie ti.»
32Lani, bi den cili ki maadi Isidayeli yaaba kani, ki sugidi ban den gaani ki diidi yaa diema yeni niba. Bi den yedi:
«Tin ban gaani, ki diidi yaa diema yeni, tie yaa diema n di yaa niba n ye mi niinni.#13.32 Li fidi ke li bua ki yedi ke mi diema yeni niinni den pia i yiani, yaa ka ke mi niinni pia bu toabu u yogunu kuli. Tin laa yaa niba likani kuli, tie jaciandi. 33Ti den laa ti niciandi buolu, Anaki puoliŋuani, ti niciandi yeni. Ti den nua ti yula nani i naaci yene bi kani, bimoko den nua ti yene.» #Cil 6.4.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.