Mi Coadima 12
12
Mi gbaadima cuo Miriam
1 Musa den taa yaa pua n ñani Kusi buolu nni. Miriam leni Alono den yenbidi Musa po, kelima o pua yeni po. 2Bi den yedi: «Naani o Diedo maadi leni Musa bebe yo? Naani waa maadi leni tinba wani?» Lani, o Diedo den gbadi. 3Musa den tie yaa nilo n pia li yumiinli hali boncianla, ki cie nisaalimiali kuli u tingbanu po.
4Lanyogunu, o Diedo den yedi Musa, Alono leni Miriam: «Yinba nibitaa yeni kuli n ña ki gedi u Kadikaanu Gbandieli po.» Bani nibitaa yeni kuli den ñani ki gedi. 5O Diedo den jiidi ku tawaligu nni, ki sedi li gbandieli buliñoabu kani. O den yini Alono leni Miriam, ke bani nibilie yeni kuli nagini. 6O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni. 7Ama laa tie yeni leni n naacemo Musa. O tie nidugika n diegu kuli po. #Heb 3.2. 8N maadi leni o, ke o gba n nialu. N doagidi n yuli o kani, ke laa tie wuoli nni, hali ke o laadi o Diedo nannanli. Lanwani, be yaa po ke yii jie, ki yenbidi n naacemo Musa po?»
9O Diedo pali den beni bi po, ke o den tagini ki ban caa. 10Ku tawaligu den kagidi ki ŋaa li gbandieli. Mi gbaadima den pudi Miriam gbanu po, ki pieni paipai. Alono den gbegi ki diidi o, ki sua ke mi gbaadima n cuo o. 11Lanwani, Alono den yedi Musa:
«N daano, ti pia i tagili. Ama, n mia ŋa, ŋan da tuni ti, tin tieni yaa tuonbiadi ti yanluoma nni yeni fala. 12Ŋan da cedi Miriam n tua maakaamuali#12.12 Li maakaamuali tie yaa biga n kpe ki naa tugu nni., yua yaa madi yogunu, yen sua o nandi boagidima mali ki bedi no.»
13Musa den kpaani ki yedi o Diedo: «O, U Tienu, n mia ŋa, paagi o!»
14Lani, o Diedo den yedi Musa: «Naani o baamado n yaa bi sii o nunga nni#12.14 Isidayeli diema nni, nilo yaa bi bua ki sugi o biga yaa sugidi n bia, o yen sii o nunga nne. Li go tie yenma leni yua n yie ke o kan taa o kpelo kpepuoli. Diidi Tiadima 25.9. ki soli o, o kan yaa bi ye leni i fe, hali danalele ka? Ñani o mani li nagili nni hali danalele. Li yaa puoli, o baa guani ki kua.» #Coa 5.2-3.
15Bi den ñani o li nagili nni, hali danalele. Isidayeli yaaba ki den fii ki suagi liiga. Bi den ye likani, hali a dana n ban tuoni, ke o guani ki kua li nagili nni. 16Li yaa puoli, bi den fii Hatiseloti yeni, ki ban kpaa bi nagili Paran yaa fanpienma nni.
Currently Selected:
Mi Coadima 12: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 12
12
Mi gbaadima cuo Miriam
1 Musa den taa yaa pua n ñani Kusi buolu nni. Miriam leni Alono den yenbidi Musa po, kelima o pua yeni po. 2Bi den yedi: «Naani o Diedo maadi leni Musa bebe yo? Naani waa maadi leni tinba wani?» Lani, o Diedo den gbadi. 3Musa den tie yaa nilo n pia li yumiinli hali boncianla, ki cie nisaalimiali kuli u tingbanu po.
4Lanyogunu, o Diedo den yedi Musa, Alono leni Miriam: «Yinba nibitaa yeni kuli n ña ki gedi u Kadikaanu Gbandieli po.» Bani nibitaa yeni kuli den ñani ki gedi. 5O Diedo den jiidi ku tawaligu nni, ki sedi li gbandieli buliñoabu kani. O den yini Alono leni Miriam, ke bani nibilie yeni kuli nagini. 6O den yedi: «Cengi mani bonŋanla min baa yedi yi yaala: Saawalipualo yaa ye yi siiga, mini o Diedo yen doagidi n yuli o kani li bonlekaala leni ti dangidi nni. 7Ama laa tie yeni leni n naacemo Musa. O tie nidugika n diegu kuli po. #Heb 3.2. 8N maadi leni o, ke o gba n nialu. N doagidi n yuli o kani, ke laa tie wuoli nni, hali ke o laadi o Diedo nannanli. Lanwani, be yaa po ke yii jie, ki yenbidi n naacemo Musa po?»
9O Diedo pali den beni bi po, ke o den tagini ki ban caa. 10Ku tawaligu den kagidi ki ŋaa li gbandieli. Mi gbaadima den pudi Miriam gbanu po, ki pieni paipai. Alono den gbegi ki diidi o, ki sua ke mi gbaadima n cuo o. 11Lanwani, Alono den yedi Musa:
«N daano, ti pia i tagili. Ama, n mia ŋa, ŋan da tuni ti, tin tieni yaa tuonbiadi ti yanluoma nni yeni fala. 12Ŋan da cedi Miriam n tua maakaamuali#12.12 Li maakaamuali tie yaa biga n kpe ki naa tugu nni., yua yaa madi yogunu, yen sua o nandi boagidima mali ki bedi no.»
13Musa den kpaani ki yedi o Diedo: «O, U Tienu, n mia ŋa, paagi o!»
14Lani, o Diedo den yedi Musa: «Naani o baamado n yaa bi sii o nunga nni#12.14 Isidayeli diema nni, nilo yaa bi bua ki sugi o biga yaa sugidi n bia, o yen sii o nunga nne. Li go tie yenma leni yua n yie ke o kan taa o kpelo kpepuoli. Diidi Tiadima 25.9. ki soli o, o kan yaa bi ye leni i fe, hali danalele ka? Ñani o mani li nagili nni hali danalele. Li yaa puoli, o baa guani ki kua.» #Coa 5.2-3.
15Bi den ñani o li nagili nni, hali danalele. Isidayeli yaaba ki den fii ki suagi liiga. Bi den ye likani, hali a dana n ban tuoni, ke o guani ki kua li nagili nni. 16Li yaa puoli, bi den fii Hatiseloti yeni, ki ban kpaa bi nagili Paran yaa fanpienma nni.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.