Mi Coadima 14
14
Isidayeli yaaba yie ke bi kan kua Kanana diema nni
1Li nitaanli kuli den buudi boncianla. Ku niligu mo den dua ki mua laa ñiagu. 2Isidayeli yaaba kuli den yenbidi Musa leni Alono po, ke li nitaanli kuli den yedi ba:
«Be yaa po yo ke tii den kpe Ejipiti diema po, bi yaa fanpienma n tie ne niinni? 3Be yaa po yo, ke o Diedo caani ti laa diema po, ke bi baa n kpa ti leni mu jugisiemu, ki cuo ti puoba leni ti bila mo ti yonbidi? Naani li kan bi yaa ŋani ti po ki cie tin lebidi ki guani Ejipiti po?»
4Bi den yedi biyaba: «Tin gandi mani nilo wan tugi ti yuli, tin lebidi ki guani Ejipiti po.»
5Musa leni Alono den labini tiipo Isidayeli yaaba kuli nitaanli nintuali. 6Lani, yaaba n den ban gaani ki diidi mi diema yeni siiga, Nun bijua Josue leni Yefune bijua Kalebi den padi bi tiayiekaadi,#14.6 Laa bontienkaala bua ki doagidi li paboanli bi li pabiidicianli. 7ki den maadi leni Isidayeli nitaanli kuli, yaa maama n tie ne: «Tin ban gaani ki diidi yaa diema yeni, tie yaama n ŋani hali hali boncianla. 8O Diedo pali yaa mani ti po, o baa kuani ti laa diema nni, ki pa ti ma. Mi tie mi naaŋanma leni ti siadi n dua yaa diema yaa niinni. 9Bonyenla bebe n ye: Yin da fiini yiema o Diedo po. Yin da jie laa diema niba, kelima bi baa tua ti po bonjekaala. Baa pia kuli yaala n guu ba, ama o Diedo ye leni ti, yin da jie ba mani!» #Heb 3.16.
10Ku niligu kuli den jagi ke bi baa lugidi ba a tana. Lanyogunu, o Diedo kpiagidi den doagidi u Kadikaanu Gbandieli yuli po, Isidayeli yaaba kuli nintuali.
Musa mia sugili Isidayeli yaaba po
11Lani, o Diedo den yedi Musa: «Bi naa niba baa fali nni, ki ban dagini hali u laa yogune? Ba leni min tieni bi siiga yaa bancianma kuli, bi baa luo n po ti dugidi, hali ki ban dagini u laa yogune? 12N baa ŋaa ba u yianbiadipuodiko, ki bolini ba. Li yaa puoli, n baa teni ŋan maa nibuolu, yuu n pia u paalu, ki go yabi boncianla, ki cie bine.»
13Musa den guani ki yedi o Diedo: «Ejipiti yaaba, baa gaa laabaali, bani yaaba yaa siiga, ke a den ñani yaa niba n tie ne leni a paalu. #Ñam 32.11-14. 14Bi baa togidi la, mi naa diema yaa niba mo. Bi bandi ke fini, Li Miali Diedo, a cangi a niba, ki doagidi a yuli bi kani ki nunga leni ki yaga. Bi bandi ke a ye leni ti, kelima u yensiinu, a cuoni ti liiga ku tawaligu nni, ku ñiagu mo, ku muyenyengu nni. 15A yaa kpa bi naa niba kuli, nani niyendo yeni, i nilanbuoli, yii n den gbadi ke bi maadi a maama yeni kuli, baa yedi: 16‹O Diedo ki den pia yaa paalu n baa kuani Isidayeli yaaba, wan den poli ki niani ke o baa pa ba yaa diema nni. Lani n teni ke o bolini ba, mi fanpienma nni.› 17O Diedo, a paalu yuu n yabi yeni n doagidi moala, nani ŋan den maadi maama ki yedi: 18‹Mini o Diedo pali ki be tontoni, die n pia li ŋanbili boncianla, ki puuni sugili ti tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi, hali nifiimitaa, bi nifiiminaa.› #Ñam 20.5-6; 34.6-7; Tia 5.9-10; 7.9-10. 19A ŋanbili n yabi maama po, n mia ŋa, ŋan tieni yaa nibuolu n tie ne po sugili, bi tuonbiadi po, nani ŋan den tiendi bi po sugili maama, ki cili hali ban ñani Ejipiti yaa yogunu, ki ban pundi hali nekanba.»
20O Diedo den yedi: «N tieni bi po sugili, nani ŋan mia maama. 21Ama n ye ki fo, n kpiagidi gbieni ki tinga kuli. #Heb 3.18. 22Yaa niba n laa n kpiagidi kuli leni min tieni yaa bancianma Ejipiti leni mi fanpienma nni, ki go biigi nni taalima piiga, ki naa cengi n maama yeni, 23bani kuli kan le, min den poli ki niani bi yaajanba, ke n baa pa ba yaa diema yeni. Yaaba n fali nni yeni kuli, kan le ma. 24Ama nani n naacemo Kalebi n pia yantiatoali yeni, n baa teni wan kua wan den gedi ki goandi yaa diema yeni niinni, o puoliŋuani mo n diedi ma, kelima o den ŋoadi n sanu bonŋanla. #Jos 14.9-12. 25Amaleki yaaba leni Kanana yaaba n kaa ku joaloangu nni. Saala, yin lagidi mani ki ban tagini mi fanpienma nni, ki teli mi Ñincianmoanma po.»
26O Diedo den maadi Musa leni Alono, ki yedi: 27«N baa cedi u naa nibuobiadu n yaa yenbidi n po, ki ban pundi hali u laa yogune? N gbadi bani Isidayeli yaaba, n yenbidi n po yaa yenbidi kuli. 28Yedi ba daa, ke mini o Diedo yua n fo yedi: ‹N baa soani yi nani min den gbadi ke yi yedi maama. 29Yi tinkpila baa yaa bili bili mi fanpienma nni. Ban den coadi yinba yaaba ke yi pia bina piilie leni yaaba n den cie yeni ki yenbidi n po yeni kuli, #Heb 3.17. 30kan kua min den niani yi, ke n baa kuani yi yaa diema nni, li yàá tie Yefune bijua Kalebi leni Nun bijua Josue yaa ka. 31Yi yaabila, yaaba yaa po, ke yi yedi: Bi baa tua bonjekaala. N baa teni bane n kua, ki bandi yin den fali yaa diema yeni. 32Ama yinba wani, yi baa tua tinkpiba mi fanpienma ne niinni. 33Yi bila baa yaa puagi mi fanpienma nni, hali bina piinaa, ki tugi yi tagili tugili, hali yin ban kpe ki gbeni mi fanpienma yeni niinni. #JTT 7.36. 34Nani yin den tieni yaa dana banlu ki gaani ki diidi mi diema yeni, lani n tie dana piinaa, yi baa tugi yi tagili tugili hali bina piinaa. Dayenli kuli baa tua binli. Lani, yi baa bandi n yaa yie o nilo, lan baa cuani o po yaala. 35Mini Li Miali Diedo n yedi yeni. N go li baa soani u nibuobiadu, yuu n taani ki fii n po yene. Bikuli baa baa mi naa fanpienma nni, ki kpe lienni.› »
36Musa n den soani yaa niba, ke bi ban gaani ki diidi mi diema, ki lebidi ki guani, ki teni ke ku niligu yenbidi Musa po, ki sugi mi diema yeni, 37laa jaba, yaaba n den sugi mi diema yeni, o Diedo den ŋaa ba u yianbiadu ke bi kpe mi kukaama. 38Nun bijua Josue leni Yefune bijua Kalebi bebe n den sieni leni miali, yaaba den gedi ki ban goandi mi diema yeni siiga.
Isidayeli yaaba go yie U Tienu maama
39Musa den togidi Isidayeli yaaba, o Diedo n den yedi yaala kuli. Bi den biidi bi pala boncianla. #Tia 1.41-46. 40Lani, bi den faa ki fii ku tiŋaapanpangu, ki doni li juali po, ki tua: «Tinba nne! Ti tieni ti tuonbiadi, ama moala ti baa gedi, o Diedo n den yedi yaa kaanu yeni po.» 41Musa den yedi: «Be yaa po ke yi miidi o Diedo ñoamabonli? Li kan cuoni yi po. 42Yin da gedi mani, kelima o Diedo naa ye yi siiga. Da cedi mani yi yibalinba n paadi yi. 43Amaleki buolu leni Kanana yaaba ye yi liiga. Bi baa bolini yi bu toabu nni, kelima yi lebidi ki ŋaa o Diedo. O Diedo mo kan yaa ye leni yi.»
44Bi den juagi bi pala ki doni li juali yuli po. Ama o Diedo ŋantaadikpaku leni Musa wani ki den ñani li nagili nni. 45Lanwani, Amaleki buolu leni Kanana yaaba, yaaba n den kaa laa juali po, den jiidi ki baa Isidayeli yaaba, ki paadi ba. Bi den ŋoadi ki deli ba, ki pedi ki jia jia ba, ki ban pundi hali Horima dogu kani.#14.45 Horima den tie dogu yo, ke bi bolini u cain. Diidi Mi Coadima 21.3. Hebilu maama nni, u yeli naani leni mi bolinma. Baa bani dinla po laa dogu n ye naani, ama bi tama ke wuu foagi leni Jerusalemi ke li cie kilo dajena piiluoba.
Currently Selected:
Mi Coadima 14: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 14
14
Isidayeli yaaba yie ke bi kan kua Kanana diema nni
1Li nitaanli kuli den buudi boncianla. Ku niligu mo den dua ki mua laa ñiagu. 2Isidayeli yaaba kuli den yenbidi Musa leni Alono po, ke li nitaanli kuli den yedi ba:
«Be yaa po yo ke tii den kpe Ejipiti diema po, bi yaa fanpienma n tie ne niinni? 3Be yaa po yo, ke o Diedo caani ti laa diema po, ke bi baa n kpa ti leni mu jugisiemu, ki cuo ti puoba leni ti bila mo ti yonbidi? Naani li kan bi yaa ŋani ti po ki cie tin lebidi ki guani Ejipiti po?»
4Bi den yedi biyaba: «Tin gandi mani nilo wan tugi ti yuli, tin lebidi ki guani Ejipiti po.»
5Musa leni Alono den labini tiipo Isidayeli yaaba kuli nitaanli nintuali. 6Lani, yaaba n den ban gaani ki diidi mi diema yeni siiga, Nun bijua Josue leni Yefune bijua Kalebi den padi bi tiayiekaadi,#14.6 Laa bontienkaala bua ki doagidi li paboanli bi li pabiidicianli. 7ki den maadi leni Isidayeli nitaanli kuli, yaa maama n tie ne: «Tin ban gaani ki diidi yaa diema yeni, tie yaama n ŋani hali hali boncianla. 8O Diedo pali yaa mani ti po, o baa kuani ti laa diema nni, ki pa ti ma. Mi tie mi naaŋanma leni ti siadi n dua yaa diema yaa niinni. 9Bonyenla bebe n ye: Yin da fiini yiema o Diedo po. Yin da jie laa diema niba, kelima bi baa tua ti po bonjekaala. Baa pia kuli yaala n guu ba, ama o Diedo ye leni ti, yin da jie ba mani!» #Heb 3.16.
10Ku niligu kuli den jagi ke bi baa lugidi ba a tana. Lanyogunu, o Diedo kpiagidi den doagidi u Kadikaanu Gbandieli yuli po, Isidayeli yaaba kuli nintuali.
Musa mia sugili Isidayeli yaaba po
11Lani, o Diedo den yedi Musa: «Bi naa niba baa fali nni, ki ban dagini hali u laa yogune? Ba leni min tieni bi siiga yaa bancianma kuli, bi baa luo n po ti dugidi, hali ki ban dagini u laa yogune? 12N baa ŋaa ba u yianbiadipuodiko, ki bolini ba. Li yaa puoli, n baa teni ŋan maa nibuolu, yuu n pia u paalu, ki go yabi boncianla, ki cie bine.»
13Musa den guani ki yedi o Diedo: «Ejipiti yaaba, baa gaa laabaali, bani yaaba yaa siiga, ke a den ñani yaa niba n tie ne leni a paalu. #Ñam 32.11-14. 14Bi baa togidi la, mi naa diema yaa niba mo. Bi bandi ke fini, Li Miali Diedo, a cangi a niba, ki doagidi a yuli bi kani ki nunga leni ki yaga. Bi bandi ke a ye leni ti, kelima u yensiinu, a cuoni ti liiga ku tawaligu nni, ku ñiagu mo, ku muyenyengu nni. 15A yaa kpa bi naa niba kuli, nani niyendo yeni, i nilanbuoli, yii n den gbadi ke bi maadi a maama yeni kuli, baa yedi: 16‹O Diedo ki den pia yaa paalu n baa kuani Isidayeli yaaba, wan den poli ki niani ke o baa pa ba yaa diema nni. Lani n teni ke o bolini ba, mi fanpienma nni.› 17O Diedo, a paalu yuu n yabi yeni n doagidi moala, nani ŋan den maadi maama ki yedi: 18‹Mini o Diedo pali ki be tontoni, die n pia li ŋanbili boncianla, ki puuni sugili ti tuonbiadi po leni mi biadima po. Ama n kan saa i tagili daano po moamoani. N yen tungi a bila bi baanba tuonbiadi, hali nifiimitaa, bi nifiiminaa.› #Ñam 20.5-6; 34.6-7; Tia 5.9-10; 7.9-10. 19A ŋanbili n yabi maama po, n mia ŋa, ŋan tieni yaa nibuolu n tie ne po sugili, bi tuonbiadi po, nani ŋan den tiendi bi po sugili maama, ki cili hali ban ñani Ejipiti yaa yogunu, ki ban pundi hali nekanba.»
20O Diedo den yedi: «N tieni bi po sugili, nani ŋan mia maama. 21Ama n ye ki fo, n kpiagidi gbieni ki tinga kuli. #Heb 3.18. 22Yaa niba n laa n kpiagidi kuli leni min tieni yaa bancianma Ejipiti leni mi fanpienma nni, ki go biigi nni taalima piiga, ki naa cengi n maama yeni, 23bani kuli kan le, min den poli ki niani bi yaajanba, ke n baa pa ba yaa diema yeni. Yaaba n fali nni yeni kuli, kan le ma. 24Ama nani n naacemo Kalebi n pia yantiatoali yeni, n baa teni wan kua wan den gedi ki goandi yaa diema yeni niinni, o puoliŋuani mo n diedi ma, kelima o den ŋoadi n sanu bonŋanla. #Jos 14.9-12. 25Amaleki yaaba leni Kanana yaaba n kaa ku joaloangu nni. Saala, yin lagidi mani ki ban tagini mi fanpienma nni, ki teli mi Ñincianmoanma po.»
26O Diedo den maadi Musa leni Alono, ki yedi: 27«N baa cedi u naa nibuobiadu n yaa yenbidi n po, ki ban pundi hali u laa yogune? N gbadi bani Isidayeli yaaba, n yenbidi n po yaa yenbidi kuli. 28Yedi ba daa, ke mini o Diedo yua n fo yedi: ‹N baa soani yi nani min den gbadi ke yi yedi maama. 29Yi tinkpila baa yaa bili bili mi fanpienma nni. Ban den coadi yinba yaaba ke yi pia bina piilie leni yaaba n den cie yeni ki yenbidi n po yeni kuli, #Heb 3.17. 30kan kua min den niani yi, ke n baa kuani yi yaa diema nni, li yàá tie Yefune bijua Kalebi leni Nun bijua Josue yaa ka. 31Yi yaabila, yaaba yaa po, ke yi yedi: Bi baa tua bonjekaala. N baa teni bane n kua, ki bandi yin den fali yaa diema yeni. 32Ama yinba wani, yi baa tua tinkpiba mi fanpienma ne niinni. 33Yi bila baa yaa puagi mi fanpienma nni, hali bina piinaa, ki tugi yi tagili tugili, hali yin ban kpe ki gbeni mi fanpienma yeni niinni. #JTT 7.36. 34Nani yin den tieni yaa dana banlu ki gaani ki diidi mi diema yeni, lani n tie dana piinaa, yi baa tugi yi tagili tugili hali bina piinaa. Dayenli kuli baa tua binli. Lani, yi baa bandi n yaa yie o nilo, lan baa cuani o po yaala. 35Mini Li Miali Diedo n yedi yeni. N go li baa soani u nibuobiadu, yuu n taani ki fii n po yene. Bikuli baa baa mi naa fanpienma nni, ki kpe lienni.› »
36Musa n den soani yaa niba, ke bi ban gaani ki diidi mi diema, ki lebidi ki guani, ki teni ke ku niligu yenbidi Musa po, ki sugi mi diema yeni, 37laa jaba, yaaba n den sugi mi diema yeni, o Diedo den ŋaa ba u yianbiadu ke bi kpe mi kukaama. 38Nun bijua Josue leni Yefune bijua Kalebi bebe n den sieni leni miali, yaaba den gedi ki ban goandi mi diema yeni siiga.
Isidayeli yaaba go yie U Tienu maama
39Musa den togidi Isidayeli yaaba, o Diedo n den yedi yaala kuli. Bi den biidi bi pala boncianla. #Tia 1.41-46. 40Lani, bi den faa ki fii ku tiŋaapanpangu, ki doni li juali po, ki tua: «Tinba nne! Ti tieni ti tuonbiadi, ama moala ti baa gedi, o Diedo n den yedi yaa kaanu yeni po.» 41Musa den yedi: «Be yaa po ke yi miidi o Diedo ñoamabonli? Li kan cuoni yi po. 42Yin da gedi mani, kelima o Diedo naa ye yi siiga. Da cedi mani yi yibalinba n paadi yi. 43Amaleki buolu leni Kanana yaaba ye yi liiga. Bi baa bolini yi bu toabu nni, kelima yi lebidi ki ŋaa o Diedo. O Diedo mo kan yaa ye leni yi.»
44Bi den juagi bi pala ki doni li juali yuli po. Ama o Diedo ŋantaadikpaku leni Musa wani ki den ñani li nagili nni. 45Lanwani, Amaleki buolu leni Kanana yaaba, yaaba n den kaa laa juali po, den jiidi ki baa Isidayeli yaaba, ki paadi ba. Bi den ŋoadi ki deli ba, ki pedi ki jia jia ba, ki ban pundi hali Horima dogu kani.#14.45 Horima den tie dogu yo, ke bi bolini u cain. Diidi Mi Coadima 21.3. Hebilu maama nni, u yeli naani leni mi bolinma. Baa bani dinla po laa dogu n ye naani, ama bi tama ke wuu foagi leni Jerusalemi ke li cie kilo dajena piiluoba.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.