Mi Coadima 11
11
Isidayeli yaaba n kaa Tabeera
1Isidayeli yaaba n kaa Tabeera#11.1 Hebilu maama nni, Tabeera bua ki yedi yaala n co., bi den yenbidi, ke laa den mangi o Diedo. O Diedo n den gbadi laa yenbidi, o pali den fii. O Diedo mu den cuo bi siiga, ki buoni li nagili kunu. 2Bi den buudi Musa kani. Musa den jaandi ki mia o Diedo, ke u mu gbindi. 3Bi den yini laa kaanu Tabeera, kelima lankane ke o Diedo mu den cuo bi siiga.
Ku niligu mia ti nandi
4U nankodu den cuo bi nilanba, yaaba n den ye Isidayeli yaaba siiga. Ba Isidayeli yaaba moko den mua ki tua: «Ŋme n baa pa ti ti nandi tin ŋmani? 5Ti tiadi tin den ŋmani yaa jami faala Ejipiti po, a noala, a fela, salimasoa, laayi leni li yaa buoli kuli. 6Moala, ti niali kuodi, tii go pia puu. Tii baadi jetoama kuli, se manni.»
7Manni den mani bonŋanla, ki naani leni yaa sinma n pia u nuulumanu. #Ñam 16.31. 8Ku niligu yen yadi ki gandi gandi o. Bi yen naani o li naali po, bi ki tuoni o li tuoli nni.
Bi yen ŋaani o li sanli nni, ki pua ti lalaadi. O manu yen tie nani ban pua yaa maada leni mi kpama yeni. 9Ku mangu n yen luoni yaa yogunu i kuani nni yeni, manni moko yen jiidi lanyogunu yo. #Ñam 16.13-15.
10Musa den gbadi ke ku niligu nni, buolu kuli kaa bi gbandiena buliñoana kani, ki buudi. O Diedo pali den fii boncianla, ke laa bonla mo den biidi Musa pali.
11Musa den yedi o Diedo: «Be yaa po ke a faligidi mini a naacemo? Be yaa po ke a tuni nni yaa niligu n tie ne kuli tugili, ke min yaa gobidi ku? 12Naani mini n den punbi ku naa niligu kuli, ke a baa yedi nni: ‹Ŋan ŋmabi ba, nani o biyualo n yen ŋmabi ki biga maama yeni, ki gedini ba, hali ŋan den poli ki niani bi yaajanba, ke a baa pa ba yaa diema nni?› 13N baa ñani ti nandi le, ki teni yaa niligu n tie ne kuli? Bi buudi n kani ki tua: ‹Pa ti ti nandi tin ŋmani.› 14N kan fidi ki tugi yaa niligu n tie ne kuli mini nbebe, kelima li tugili kpiagi n po boncianla. 15A yaa baa yaa tuuni nni nanda, ŋan kpa nni yenma, li yaa tie ke a pali mani n po. Yeni, n kan yaa nua n fala.»
16O Diedo den yedi Musa: «Taani a kani, Isidayeli yaaba nikpela siiga nikpela piilele, ŋan bani yaaba ke bi tie nikpela leni yudanba, ku niligu siiga. Ŋan cuani ba u Kadikaanu Gbandieli kani, bani leni fini n taani likani. 17N baa jiidi ki maadi leni a likani. N baa taa n Fuoma yaama n ye a niinni yeni, ki kuani ma bi niinni, ke ban fidi ki tugi ku niligu tugili, ki todi a, ke ŋan da go tugi li fini a bebe. 18Ŋan yedi ku niligu: Gagidi ki ŋanbi mani yi yula saala po. Yi den baa baa ti nandi ki ŋmani, kelima o Diedo gbadi ke yi buudi ki tua: ‹Ŋme n baa pa ti ti nandi tin ŋmani? Kelima tin den ye Ejipiti po, li den ŋani ti po ki cie.› O Diedo baa pa yi ti nandi yin ŋmani. 19Yi kan ŋmani ti dayenli bi danalie, bi danamuu bi dana piiga bi dana piilie ka. 20Ama yi baa ŋmani ti ŋmamunli, ki guo hali tin yaa ña yi miani nni, hali yi yama n ña ti niinni. Li baa soani yeni, kelima yi fali o Diedo yua n ye yi siiga, ki buudi o nintuali ki tua: ‹Be yaa po yo, ke ti den ñani Ejipiti po?› »
21Musa den yedi: «Min ye yaa niba siiga pundi niba tuda kobiluoba, ke a nan yedi ke a baa pa ba ti nandi ban ŋmani hali ŋmamunli. 22Naani ba bi yaa kodi bi po, ti yanbidi leni i ne, li baa dagidi ba? Naani bi yaa kpa bi po mi ñincianma nni jami kuli, ba lani baa dagidi ba?» 23O Diedo den guani ki yedi Musa: «Naani mini o Diedo paalu pia u bianu? Ne leni yogunu waamu, a baa le min yedi yaala yaa baa tieni, bi li yaa kan tieni.»
U Tienu puni bi nikpepiileleediba o Fuoma
24Musa den ñani ki gedi ki ban togidi ku niligu, o Diedo maama kuli. O den taani ku niligu nikpela siiga, nikpela piilele, ki sieni ba ki lindi li gbandieli. 25O Diedo den jiidi ku tawaligu nni, ki maadi leni Musa. O den taa o Fuoma yaama n ye Musa po yeni, ki kuani bi nikpepiileleediba yeni niinni. U Tienu Fuoma n den kua bi niinni yaa yogunu, bi den cili ki pua saawali, ama baa den suagi liiga.
26Jabilie den ye li nagili nni, Elidadi leni Medadi. Ba ke baa den gedi li gbandieli po, U Tienu Fuoma den jiidi bi po, kelima bi den taa li coali nni. Bani moko, den cili ki pua saawali li nagili nni. 27Jawaayendo den sani ki ban waani Musa, ki yedi:
«Elidadi leni Medadi pua saawali li nagili nni.»
28Nun bijua, Josue yua n den tie Musa duogili hali o jawaama nni, den yedi Musa: «Musa n daano, yie bi po!» 29Musa den guani ki lebidi o: «Naani a poni leni ba, mini yaa po yo? Li bi ŋani U Tienu n kuani o Fuoma Isidayeli yaaba kuli nni, ke bikuli n tua saawalipuaba.» 30Lani, Musa leni Isidayeli yaaba nikpela yeni den lebidi ki guani li nagili nni.
U Tienu soani a ñinkpakpala
31O Diedo den teni ke u faalu fii mi ñincianma kani, ki tugi ki cuani a ñinkpakpala, ki wuli li nagili nni. A ñinkpakpala yeni n den ladi yaa banli li nagili gaanilindima, den pundi dayenli cenli. Bi doginma mo, den pundi nukpanduna lie. 32Landaali, li ñiagu leni li fiifaama yentunli kuli, ku niligu den fii ki gedi ki ban wuo a ñinkpakpala yeni. Yua n ki den wodi ke li yabi, den baa ke li pundi kilo tuda tuda. Bi den ladi a, ki gaani li nagili. 33Hali ke bi da den babi babi ti nandi, ki daa ŋmani ke li dingi yeni, o Diedo pali den fii ku niligu po, ke o den ŋaa ku niligu po yaa yianu n bia hali boncianla. 34Bi den yini laa kaanu Kibiroti-Hataafa#11.34 Kibiroti-Hataafa: Li bua ki yedi yanluadi kuli., kelima bi den piini lankane, ki nanmiadiga n den cuo yaaba, ke bi kpe. 35Isidayeli yaaba den fii Kibiroti-Hataafa, ki gedi Hatiseloti, ki ban kpaa bi nagili likani.
Currently Selected:
Mi Coadima 11: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 11
11
Isidayeli yaaba n kaa Tabeera
1Isidayeli yaaba n kaa Tabeera#11.1 Hebilu maama nni, Tabeera bua ki yedi yaala n co., bi den yenbidi, ke laa den mangi o Diedo. O Diedo n den gbadi laa yenbidi, o pali den fii. O Diedo mu den cuo bi siiga, ki buoni li nagili kunu. 2Bi den buudi Musa kani. Musa den jaandi ki mia o Diedo, ke u mu gbindi. 3Bi den yini laa kaanu Tabeera, kelima lankane ke o Diedo mu den cuo bi siiga.
Ku niligu mia ti nandi
4U nankodu den cuo bi nilanba, yaaba n den ye Isidayeli yaaba siiga. Ba Isidayeli yaaba moko den mua ki tua: «Ŋme n baa pa ti ti nandi tin ŋmani? 5Ti tiadi tin den ŋmani yaa jami faala Ejipiti po, a noala, a fela, salimasoa, laayi leni li yaa buoli kuli. 6Moala, ti niali kuodi, tii go pia puu. Tii baadi jetoama kuli, se manni.»
7Manni den mani bonŋanla, ki naani leni yaa sinma n pia u nuulumanu. #Ñam 16.31. 8Ku niligu yen yadi ki gandi gandi o. Bi yen naani o li naali po, bi ki tuoni o li tuoli nni.
Bi yen ŋaani o li sanli nni, ki pua ti lalaadi. O manu yen tie nani ban pua yaa maada leni mi kpama yeni. 9Ku mangu n yen luoni yaa yogunu i kuani nni yeni, manni moko yen jiidi lanyogunu yo. #Ñam 16.13-15.
10Musa den gbadi ke ku niligu nni, buolu kuli kaa bi gbandiena buliñoana kani, ki buudi. O Diedo pali den fii boncianla, ke laa bonla mo den biidi Musa pali.
11Musa den yedi o Diedo: «Be yaa po ke a faligidi mini a naacemo? Be yaa po ke a tuni nni yaa niligu n tie ne kuli tugili, ke min yaa gobidi ku? 12Naani mini n den punbi ku naa niligu kuli, ke a baa yedi nni: ‹Ŋan ŋmabi ba, nani o biyualo n yen ŋmabi ki biga maama yeni, ki gedini ba, hali ŋan den poli ki niani bi yaajanba, ke a baa pa ba yaa diema nni?› 13N baa ñani ti nandi le, ki teni yaa niligu n tie ne kuli? Bi buudi n kani ki tua: ‹Pa ti ti nandi tin ŋmani.› 14N kan fidi ki tugi yaa niligu n tie ne kuli mini nbebe, kelima li tugili kpiagi n po boncianla. 15A yaa baa yaa tuuni nni nanda, ŋan kpa nni yenma, li yaa tie ke a pali mani n po. Yeni, n kan yaa nua n fala.»
16O Diedo den yedi Musa: «Taani a kani, Isidayeli yaaba nikpela siiga nikpela piilele, ŋan bani yaaba ke bi tie nikpela leni yudanba, ku niligu siiga. Ŋan cuani ba u Kadikaanu Gbandieli kani, bani leni fini n taani likani. 17N baa jiidi ki maadi leni a likani. N baa taa n Fuoma yaama n ye a niinni yeni, ki kuani ma bi niinni, ke ban fidi ki tugi ku niligu tugili, ki todi a, ke ŋan da go tugi li fini a bebe. 18Ŋan yedi ku niligu: Gagidi ki ŋanbi mani yi yula saala po. Yi den baa baa ti nandi ki ŋmani, kelima o Diedo gbadi ke yi buudi ki tua: ‹Ŋme n baa pa ti ti nandi tin ŋmani? Kelima tin den ye Ejipiti po, li den ŋani ti po ki cie.› O Diedo baa pa yi ti nandi yin ŋmani. 19Yi kan ŋmani ti dayenli bi danalie, bi danamuu bi dana piiga bi dana piilie ka. 20Ama yi baa ŋmani ti ŋmamunli, ki guo hali tin yaa ña yi miani nni, hali yi yama n ña ti niinni. Li baa soani yeni, kelima yi fali o Diedo yua n ye yi siiga, ki buudi o nintuali ki tua: ‹Be yaa po yo, ke ti den ñani Ejipiti po?› »
21Musa den yedi: «Min ye yaa niba siiga pundi niba tuda kobiluoba, ke a nan yedi ke a baa pa ba ti nandi ban ŋmani hali ŋmamunli. 22Naani ba bi yaa kodi bi po, ti yanbidi leni i ne, li baa dagidi ba? Naani bi yaa kpa bi po mi ñincianma nni jami kuli, ba lani baa dagidi ba?» 23O Diedo den guani ki yedi Musa: «Naani mini o Diedo paalu pia u bianu? Ne leni yogunu waamu, a baa le min yedi yaala yaa baa tieni, bi li yaa kan tieni.»
U Tienu puni bi nikpepiileleediba o Fuoma
24Musa den ñani ki gedi ki ban togidi ku niligu, o Diedo maama kuli. O den taani ku niligu nikpela siiga, nikpela piilele, ki sieni ba ki lindi li gbandieli. 25O Diedo den jiidi ku tawaligu nni, ki maadi leni Musa. O den taa o Fuoma yaama n ye Musa po yeni, ki kuani bi nikpepiileleediba yeni niinni. U Tienu Fuoma n den kua bi niinni yaa yogunu, bi den cili ki pua saawali, ama baa den suagi liiga.
26Jabilie den ye li nagili nni, Elidadi leni Medadi. Ba ke baa den gedi li gbandieli po, U Tienu Fuoma den jiidi bi po, kelima bi den taa li coali nni. Bani moko, den cili ki pua saawali li nagili nni. 27Jawaayendo den sani ki ban waani Musa, ki yedi:
«Elidadi leni Medadi pua saawali li nagili nni.»
28Nun bijua, Josue yua n den tie Musa duogili hali o jawaama nni, den yedi Musa: «Musa n daano, yie bi po!» 29Musa den guani ki lebidi o: «Naani a poni leni ba, mini yaa po yo? Li bi ŋani U Tienu n kuani o Fuoma Isidayeli yaaba kuli nni, ke bikuli n tua saawalipuaba.» 30Lani, Musa leni Isidayeli yaaba nikpela yeni den lebidi ki guani li nagili nni.
U Tienu soani a ñinkpakpala
31O Diedo den teni ke u faalu fii mi ñincianma kani, ki tugi ki cuani a ñinkpakpala, ki wuli li nagili nni. A ñinkpakpala yeni n den ladi yaa banli li nagili gaanilindima, den pundi dayenli cenli. Bi doginma mo, den pundi nukpanduna lie. 32Landaali, li ñiagu leni li fiifaama yentunli kuli, ku niligu den fii ki gedi ki ban wuo a ñinkpakpala yeni. Yua n ki den wodi ke li yabi, den baa ke li pundi kilo tuda tuda. Bi den ladi a, ki gaani li nagili. 33Hali ke bi da den babi babi ti nandi, ki daa ŋmani ke li dingi yeni, o Diedo pali den fii ku niligu po, ke o den ŋaa ku niligu po yaa yianu n bia hali boncianla. 34Bi den yini laa kaanu Kibiroti-Hataafa#11.34 Kibiroti-Hataafa: Li bua ki yedi yanluadi kuli., kelima bi den piini lankane, ki nanmiadiga n den cuo yaaba, ke bi kpe. 35Isidayeli yaaba den fii Kibiroti-Hataafa, ki gedi Hatiseloti, ki ban kpaa bi nagili likani.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.