Mi Coadima 10
10
Ŋanjilifa kakacinba
1O Diedo den maadi leni Musa, ki yedi: 2«Duadi kakacinbilie leni ŋanjilifa. A baa tieni ba leni ban pua pua ki tandi yaa ŋanjilifa. Bi yen baa yaa piebi ba, ki yini li nitaanli leni a naga yaa baa fii ki suagi liiga. 3Bi yaa yen piebi yaa yogunu, li nitaanli kuli baa cua ki sedi a kani, u Kadikaanu Gbandieli buliñoabu kani. 4Li yaa tie ke bi piebi kakaciyendo bebe, bi yudanba leni Isidayeli yaaba niba tudili tudili yudanba baa taani a kani. 5Bi yaa piebi boncianla, yaaba yaa nagili n ye puoli baa fii ki cili li cenli. 6Bi yaa go piebi mi taaliema boncianla, yaaba yaa nagili n ye nuganu po, baa fii ki cili li cenli. 7Yi yaa yen baa piebi, ki yini li nitaanli, yin da piebi boncianla. 8Alono bijaba bi kopadicianba n baa yaa piebi kakacinba. Li baa yaa tie yaa mabilikaama n baa yaa ye yogunu kuli, yinba leni yi puoliŋuani kuli po. 9Yi diema nni, yi yaa fii ki caa bu toabu, ki baa koani leni yi yibalinba yaa yogunu, yin piebi kakacinba boncianla mini o Diedo po, n baa tiadi yi po. Yeni, mini o Diedo yi Tienu baa gaa yi yi yibalinba kani. 10Yi pamanli dana nni, yi jaanma dana nni leni yi ŋmapaani dana nni, yi baa yaa piebi kakacinba, ki padi yi padijuukaana leni yi taanyenma pada. Lani n baa tua yi po mi tiadima, yi Tienu nintuali. N tie Li Miali Diedo yi Tienu.»
Isidayeli yaaba yema mi fanpienma nni
10.11—21.35
Isidayeli yaaba fii ki cili li cenli
11Isidayeli yaaba ñama Ejipiti binlieli, cilie dapiiliedi daali, ku tawaligu den ŋoagidi ki ŋaa siedi gbandieli. 12Isidayeli yaaba den fii ki ñani Sinayi fanpienma nni. Bi den fii likani yua ŋua yua ŋua. Ku tawaligu yeni den ban sedi Paran fanpienma nni. 13Bi den ŋoadi o Diedo n den teni Musa yaa ñoamabonli laa cicilifiima po. 14Yaa toacaga n den taa leni Juda yaaba jakoandicabili, den kpa fii ki taa u sanu. Aminadabi bijua Nasoni n den tugi Juda toacaga yuli. 15Tisuari bijua Netaneyeli mo n den tugi, Isakari buolu toacaga yuli. 16Heloni bijua Eliabi mo n den tugi, Sabuloni buolu toacaga yuli.
17Bi den lodi lodi li gbandieli, ke Gersoni puoliŋuani leni Merari puoliŋuani taa li, ki tugi.
18Yaa toacaga n den taa leni Rubeni buolu jakoandicabili, den fii ki taa u sanu. Sedewuri bijua Elitisuri n den tugi, Rubeni buolu toacaga yuli. 19Tisulisadayi bijua Selumieli mo n den tugi, Simeon buolu toacaga yuli. 20Dewuyeli bijua Eliasafi mo n den tugi, Gadi buolu toacaga yuli.
21Kehati cuuli den tugi, u kaangagidiŋamu gbandieli. Bi yen sieni li gbandieli, ki yaa guu bi yaa pundime.
22Yaa toacaga n den taa leni Efrayimi buolu jakoandicabili, den fii ki mo taa u sanu. Amihudi bijua Elikama n den tugi, Efrayimi buolu toacaga yuli. 23Pedatisuli bijua Gamilieli mo n den tugi, Manase buolu toacaga yuli. 24Gideyoni bijua Abidani mo n den tugi, Benjamen buolu toacaga yuli.
25Yaa toacaga n den taa leni Dan buolu jakoandicabili, den juodi ki fii ki taa u sanu. Laa toacaga n den juodi ki ŋua puoli. Amisadayi bijua Ahieseri n den tugi, Dan buolu toacaga yuli. 26Okilani bijua Pagieli mo n den tugi, Aseri buolu toacaga yuli. 27Enani bijua Ahila mo n den tugi, Nefitali buolu toacaga yuli.
28Isidayeli yaaba den ŋoadi yeni, toacaga leni aya, ki fii ki taa u sanu.
Musa lingi yua n baa gobidi ba li sancenli nni
29Musa den yedi o cuadibaa, Madiani yua, Rewuyeli bijua Hobabi: «Ti caa yaa diema yaa po, ke o Diedo yedi: ‹N baa pa yi ma.› Cua ki yegi leni ti, ti baa tieni a po mi ŋanma, kelima o Diedo niani ke o baa tieni Isidayeli yaaba po mi ŋanma.» 30Hobabi den guani ki yedi o: «N kan gedi. Ama n baa guani n diema po leni n baadiegu nni.» 31Musa den yedi: «N mia ŋa, ŋan da ŋaa ti, kelima mi fanpienma nni, a bani yaa kaani ke ti baa fidi ki yaa kpaagi ti naga. A baa yaa tie ti po gobidika. 32A yaa yegi leni ti, ti baa n boagidi leni a, o Diedo n baa tieni ti po yaa ŋanma.»
33Bi den fii o Diedo juali#10.33 Diidi Mi Ñama 3.1. kani, ki baa cuoni danataa cenli. O Diedo ŋantaadikpaku den kua bi liiga danataa cenli yeni po, ki baa lingi bi po yaa kaanu ke bi baa fuodi. 34Li yentunli nni, o Diedo tawaligu yen yiini bi po, bi yaa fii bi nagili kani. 35Ku ŋantaadikpaku yaa baa gedi yaa yogunu, Musa yen yedi:
«Fii, o Diedo,
A yibalinba n yadi yadi!
Yaaba n nani a mo, n sani a nintuali.» #Ps 68.2.
36Bi yaa den baa bili ku yaa yogunu mo, o yen yedi:
«O Diedo, lebidi ki guani nne,
Isidayeli yaaba tuda tuda kani.»
Currently Selected:
Mi Coadima 10: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Mi Coadima 10
10
Ŋanjilifa kakacinba
1O Diedo den maadi leni Musa, ki yedi: 2«Duadi kakacinbilie leni ŋanjilifa. A baa tieni ba leni ban pua pua ki tandi yaa ŋanjilifa. Bi yen baa yaa piebi ba, ki yini li nitaanli leni a naga yaa baa fii ki suagi liiga. 3Bi yaa yen piebi yaa yogunu, li nitaanli kuli baa cua ki sedi a kani, u Kadikaanu Gbandieli buliñoabu kani. 4Li yaa tie ke bi piebi kakaciyendo bebe, bi yudanba leni Isidayeli yaaba niba tudili tudili yudanba baa taani a kani. 5Bi yaa piebi boncianla, yaaba yaa nagili n ye puoli baa fii ki cili li cenli. 6Bi yaa go piebi mi taaliema boncianla, yaaba yaa nagili n ye nuganu po, baa fii ki cili li cenli. 7Yi yaa yen baa piebi, ki yini li nitaanli, yin da piebi boncianla. 8Alono bijaba bi kopadicianba n baa yaa piebi kakacinba. Li baa yaa tie yaa mabilikaama n baa yaa ye yogunu kuli, yinba leni yi puoliŋuani kuli po. 9Yi diema nni, yi yaa fii ki caa bu toabu, ki baa koani leni yi yibalinba yaa yogunu, yin piebi kakacinba boncianla mini o Diedo po, n baa tiadi yi po. Yeni, mini o Diedo yi Tienu baa gaa yi yi yibalinba kani. 10Yi pamanli dana nni, yi jaanma dana nni leni yi ŋmapaani dana nni, yi baa yaa piebi kakacinba, ki padi yi padijuukaana leni yi taanyenma pada. Lani n baa tua yi po mi tiadima, yi Tienu nintuali. N tie Li Miali Diedo yi Tienu.»
Isidayeli yaaba yema mi fanpienma nni
10.11—21.35
Isidayeli yaaba fii ki cili li cenli
11Isidayeli yaaba ñama Ejipiti binlieli, cilie dapiiliedi daali, ku tawaligu den ŋoagidi ki ŋaa siedi gbandieli. 12Isidayeli yaaba den fii ki ñani Sinayi fanpienma nni. Bi den fii likani yua ŋua yua ŋua. Ku tawaligu yeni den ban sedi Paran fanpienma nni. 13Bi den ŋoadi o Diedo n den teni Musa yaa ñoamabonli laa cicilifiima po. 14Yaa toacaga n den taa leni Juda yaaba jakoandicabili, den kpa fii ki taa u sanu. Aminadabi bijua Nasoni n den tugi Juda toacaga yuli. 15Tisuari bijua Netaneyeli mo n den tugi, Isakari buolu toacaga yuli. 16Heloni bijua Eliabi mo n den tugi, Sabuloni buolu toacaga yuli.
17Bi den lodi lodi li gbandieli, ke Gersoni puoliŋuani leni Merari puoliŋuani taa li, ki tugi.
18Yaa toacaga n den taa leni Rubeni buolu jakoandicabili, den fii ki taa u sanu. Sedewuri bijua Elitisuri n den tugi, Rubeni buolu toacaga yuli. 19Tisulisadayi bijua Selumieli mo n den tugi, Simeon buolu toacaga yuli. 20Dewuyeli bijua Eliasafi mo n den tugi, Gadi buolu toacaga yuli.
21Kehati cuuli den tugi, u kaangagidiŋamu gbandieli. Bi yen sieni li gbandieli, ki yaa guu bi yaa pundime.
22Yaa toacaga n den taa leni Efrayimi buolu jakoandicabili, den fii ki mo taa u sanu. Amihudi bijua Elikama n den tugi, Efrayimi buolu toacaga yuli. 23Pedatisuli bijua Gamilieli mo n den tugi, Manase buolu toacaga yuli. 24Gideyoni bijua Abidani mo n den tugi, Benjamen buolu toacaga yuli.
25Yaa toacaga n den taa leni Dan buolu jakoandicabili, den juodi ki fii ki taa u sanu. Laa toacaga n den juodi ki ŋua puoli. Amisadayi bijua Ahieseri n den tugi, Dan buolu toacaga yuli. 26Okilani bijua Pagieli mo n den tugi, Aseri buolu toacaga yuli. 27Enani bijua Ahila mo n den tugi, Nefitali buolu toacaga yuli.
28Isidayeli yaaba den ŋoadi yeni, toacaga leni aya, ki fii ki taa u sanu.
Musa lingi yua n baa gobidi ba li sancenli nni
29Musa den yedi o cuadibaa, Madiani yua, Rewuyeli bijua Hobabi: «Ti caa yaa diema yaa po, ke o Diedo yedi: ‹N baa pa yi ma.› Cua ki yegi leni ti, ti baa tieni a po mi ŋanma, kelima o Diedo niani ke o baa tieni Isidayeli yaaba po mi ŋanma.» 30Hobabi den guani ki yedi o: «N kan gedi. Ama n baa guani n diema po leni n baadiegu nni.» 31Musa den yedi: «N mia ŋa, ŋan da ŋaa ti, kelima mi fanpienma nni, a bani yaa kaani ke ti baa fidi ki yaa kpaagi ti naga. A baa yaa tie ti po gobidika. 32A yaa yegi leni ti, ti baa n boagidi leni a, o Diedo n baa tieni ti po yaa ŋanma.»
33Bi den fii o Diedo juali#10.33 Diidi Mi Ñama 3.1. kani, ki baa cuoni danataa cenli. O Diedo ŋantaadikpaku den kua bi liiga danataa cenli yeni po, ki baa lingi bi po yaa kaanu ke bi baa fuodi. 34Li yentunli nni, o Diedo tawaligu yen yiini bi po, bi yaa fii bi nagili kani. 35Ku ŋantaadikpaku yaa baa gedi yaa yogunu, Musa yen yedi:
«Fii, o Diedo,
A yibalinba n yadi yadi!
Yaaba n nani a mo, n sani a nintuali.» #Ps 68.2.
36Bi yaa den baa bili ku yaa yogunu mo, o yen yedi:
«O Diedo, lebidi ki guani nne,
Isidayeli yaaba tuda tuda kani.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.