Mise 3
3
Isidayeli yudanba tagili
1N den yedi Jakob puoliŋuani yudanba, cengi mani:
«Naani laa tie yinba ka baa bangi mi teginma?
2Ama yi nani yaala n ŋani tienma,
Ki bua yaala n bia yaa tienma.
Yi pidi n niba gbandi,
Ki kogidi bi nandi ki ŋaani a kpaba.
3Yi ŋmani n buolu niba ki pidi bi gbandi.
Yi mudi bi kpaba ki jia ba bonjena jena,
Nani ti nansagiditi bi nani ti nanŋaaditi yeni.
4Li tie lani yaa po yo, ke yi yaa ti kpaani,
Ki miadi o Diedo wan faabi yi yaa yogunu,
O kan lebidi yi liba kelima yi soani yaa tuona n bia.
Lanyogunu o baa buli yi o nunga.»
U Tienu fu leni bi saawalipuaba
5O Diedo yedi yaa saawalipuaba n boandi o niba,
Ke bi yaadi ki ŋaa o sanu:
«N niba yaa puni yi bonŋmankaala,
Se yin yaa tua ba ke mi yemanma baa yaa ye.
Ama bi yàá puni yi bonŋmankaaliba mo,
Yin yaa tua ba ke bu toabu baa cua.
6Lani yaa po yinba bi saawalipuaba yeni,
Yi yogunu tuoni u bianu,
Yi yienu baa kua,
Yi kan go le bonlekaaliba kuli.
Yi kan go fidi ki pua saawali liba kuli po.»
7Yaaba n pua saawali kuli baa pii bi nunmu i fe po,
Kelima U Tienu kan lebidi bi po liba.
8Ama mini, o Diedo Fuoma ye n niinni,
Ki gbieni nni u paalu,
O go puni nni mi teginma leni li papaali,
Ke min waani Jakob puoliŋuani bi tagili,
Ki waani Isidayeli yaaba bi tuonbiadi.
Mise waani ke Jerusalemi baa bodi
9Jakob puoliŋuani yudanba,
Yinba Isidayeli yaaba koanbala,
Yinba yaaba n nani yaa bujiali n tiegi,
Ki kpigini i moamoani, cengi mani!
10Yi maa ki pugidi Siyon dogu mi soama nni,
Ki go maa Jerusalemi dogu mo li nikpali nni.
11Jerusalemi bujiaba gaani a suuna ki ja ti buudi,
Likani kopadicianba bangi li bali maama ti ñuadi po,
Bi saawalipuaba mo pua saawali i ligi po.
Ama leni lani kuli, bi baa ki dugi o Diedo po ki tua:
«Naani o Diedo ki ye leni ti?
Fala kan nandi ti abada.»
12Lanwani yi tuada yeni po,
Bi baa ko Siyon nani u kuanu yeni,
Jerusalemi baa tua kulinjagbeli,
Ku tiigu mo baa pini U Tienu diegu n ye yaa juali yuli po. #Jer 26.18.
Currently Selected:
Mise 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
