Matie 21
21
Jesu kuama Jerusalemi leni o kuuma
21—27
Jesu kua Jerusalemi
(Mrk 11.1-11; Luk 19.28-40; Jan 12.12-19)
1Jesu leni o ŋoadikaaba n den nagidi Jerusalemi, ki pundi Betifase dogu nni, ki kuu Olivie Tiidi juali, o den soani ŋoadikaabilie 2ki yedi ba: «Suagi mani ki gedi yaa dobiga n ye yi liiga na. Yi yaa ban pundi yaa yogunu, yi baa le ke o ŋunñua luo ki se leni o biga. Yin lodi ki cuani ba n po na. 3Nilo yaa yedi yi liba, yin guani ki yedi o: ‹Ti Daano n bua ba.› Tontoni o baa cedi yin cuani ba.»
4Lani kuli den tieni ke o saawalipualo n den pua yaa saawalo n tieni:
5Waani mani Siyon dogu yaaba,
Ke bi bado kpendi bi kani na.
O dingi boncianla, ki jagi o ŋunbo.
Li tie ŋunbisaagili, o ŋunñua yaa biga. #Sak 9.9; Ps 118.22-23.
6Bi ŋoadikaaba den gedi ki ban tieni Jesu n waani ba maama. 7Bi den cuani o ŋunñua leni li ŋunbisaagili ki maani bi po bi tiadi, ke Jesu jagini. 8Ku niligu siiga bi niba boncianla den ladi bi tiadi u sanu nni, bi tianba mo den pedi i tibensoangi ki ladi u sanu nni. 9Yaa niligu n den ye Jesu liiga leni yaagu n ŋua o puoli kuli den kpaani ki tua: «Davidi Bijua n baa ti pagidi! U Tienu n seligi yua n kpendi wani o Diedo yeli nni.
U Tienu yua n ye hali tanpolijoma n baa ti pagidi.»
#
Ps 118.25-26.
10Wan den kua Jerusalemi, li den paki u dogu nni yaaba kuli ke bi tua: «One tie ŋme?» 11Ku niligu den guani ki tua: «Li tie Jesu, o saawalipualo, Galile diema yaa Nasareti yua.»
Jesu kua U Tienu diegu nni
(Mrk 11.15-19; Luk 19.45-48; Jan 2.13-22)
12Jesu den kua U Tienu diegu nni, ki deli ki ñani yaaba n kuadi leni yaaba n daa lienni kuli, ki tudi ki luni bi ligilebidiba kpagidi leni a kpaajekuada bonkalikaala. 13O den yedi ba: «Li diani: ‹Bi baa yaa yi n dieli i jaandi diegu.› Ama yinba wani teni ke li tua a suuda wuonkaanu.» #Esa 56.7; Jer 7.11.
14A juama leni a diama den nagini o kani U Tienu diegu nni, ke o paagi ba.
15Ama bi kopadicianba yudanba leni li bali maama banda n den laa wan tieni yaa bonlidinkaala yeni, ki gbadi ke a bila kpaani U Tienu diegu nni ki tua: «Davidi Bijua n baa ti pagidi, Davidi bijua n baa ti pagidi,» bi pala den beni boncianla. 16Bi den yedi o: «A gba ban maadi yaala?» Jesu den guani ki yedi ba: «Mm. Naani yi daa cogi yaa maama n tie ne: ‹A teni ke a biwaala leni yaaba n da ŋaani kuli pagi a bonŋanla?› » #Ps 8.3.
17Jesu n den fii bi kani, o den ñani u dogu nni ki gedi ki ban duani Betani.
Jesu soli bu kankanbu
(Mrk 11.12-14,20-25)
18Wan den guani u dogu po ku tiŋaapanpangu, mi koma den cuo o. 19O den laa bu kankanbu u sankunu, ki jadi ki gedi bu kani. Ama waa den laa puu bu po se ti faadi bebe. O den yedi bu: «Ŋan da go luoni puu kuli abada.» Lanyogunu bu kankanbu den kuodi. 20O ŋoadikaaba n den laa lani, li den paki ba ke bi buali o: «Be n teni ke bu kankanbu kuodi tontoni nanda?» 21Jesu den guani ki yedi ba: «N waani yi i moamoani, yi yaa pia li dandanli ki naa maliti yi pala nni ke li baa tieni bi li kan tieni, yi baa tieni ki cie min tieni bu kankanbu na yaala. Ba yi yaa yedi li naa juali: ‹Fii ki ban lu a yuli mi ñincianma nni,› li baa tieni. #Mat 17.20; 1Kor 13.2. 22Yin baa jaandi ki mia yaala kuli leni li dandanli, yi baa baa la.»
Jufinba buali Jesu o bali n ñani naani
(Mrk 11.27-33; Luk 20.1-8)
23Jesu n den kua U Tienu diegu nni ki bangi bi niba, bi kopadicianba yudanba leni Jufinba nikpela kuli den cua ki yedi o: «Li laa bali yaa po yo ke a tiendi li naa bonla? Ŋme n puni a laa bali?» 24Jesu den guani ki yedi ba: «Nmoko baa buali yi bonyenla. Yi yaa waani nni, nmoko baa waani yi yaa bali yaa po ke n tiendi laa bonla. 25Jan n den batisi bi niba yeni, o den baa li bali tanpoli po bi, bi bi nisaaliba kane?» Bi den juogi bi siiga ki yedi: «Ti yaa yedi ke o den baa li tanpoli po, o baa yedi ti: ‹Be yaa po ke yii den daani o maama?› 26Ti yaa yedi: ‹Bi nisaaliba yaa kane mo›, ti jie ku niligu, kelima bikuli nua ke Jan den tie saawalipualo.» 27Lani yaa po, bi den guani ki yedi Jesu: «Tii bani ba.» O den yedi ba: «Nmoko kan waani yi yaa bali yaa po, ke n tiendi laa bonla.
Bi bijaliediba kpanjama
28Yi tama be? O joa den pia bijabilie. O den yedi o bijakpelo: ‹N bijua, gedi ki ban soani dinla n duventiidi kuanu nni.› 29O den guani ki yedi o baa: ‹Mii caa.› Ama lan yeni waamu, o den lebidi o yama ki gedi. 30Laa joa den yedi o bijalielo mo yeni. Wani mo den guani ki yedi o: ‹N Daano, n baa gedi.› Ama waa den gedi. 31Bi siiga, ŋme n den tieni o baa n bua yaala?» Bi den guani ki yedi o: «O bonkpelo te!» Lane Jesu den yedi ba: «N waani yi i moamoani, bi lubigaaba leni a puoconcona baa kua yi liiga U Tienu diema nni. 32Jan den cua yi kani ki wangi yi mi teginma sanu, ama yii den tuo ki ŋoadi o maama. Bi lubigaaba leni a puoconcona den tuo o maama, ama yinba n den laa lani, yii den yuandi ki lebidi yi yama ki daani o maama. #Luk 3.12; 7.29-30.
Bi koaguudiba kpanjama
(Mrk 12.1-12; Luk 20.9-19)
33Go cengi mani kpanjatoama. O diedaano den ye ki ŋuu o duventiidi kuanu. O den kpaa li nagili ki lindi u, ki gbiidi ku buogu ku tangu po ban baa yaa ŋanbidi duven naankani, ki go paani li janli o duventiidi siiga. Lani, o den guuni o kuanu bi koaguudiba, ki fii ki gedi u dogu. #Esa 5.1-2. 34Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala. 35Bi koaguudiba den cuo o naacenba ki pua yendo, ki kpa one, ki lugidi o taalo mo a tana. 36O koadaano yeni go den soani naacentoaba, yaaba n yabi ki cie bi kpiaba. Bi koaguudiba den soani bani mo nani ban den soani bi kpiaba maama. 37Lani, o den yuandi ki soani o bijua bi kani ki yedi: ‹Bi baa fangi n bijua wani.› 38Ama bi koaguudiba n den laa o bijua, bi den yedi biyaba: ‹One n tie o faajielo. Cedi tin kpa o mani ki diedi o faali.› 39Lani, bi den cuo o ki ñani o u kuanu puoli po ki kpa o. 40Yeni o koadaano yaa ti cua, o baa soani laa koaguudiba lede?» 41Bi den guani ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa yaa tendi o u kuanu bonluonkaala, li yogunu yaa pundi.» 42Jesu den yedi ba: «Naani yi daa cogi i Diani nni yaa maama n tie ne?
‹Bi tanmaaba n den yie ki luni yaa tanli,
Tua li tanpuukaali.
Likuli ñani o Diedo kani,
Ki tie bonlidinkaala ti nuni po.›#Ps 118.22-23.
43Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [44Yua n baa laa tanli po kuli baa kua kua, lin baa yua yaa po mo baa tua wagima.]»
45Bi kopadicianba yudanba leni Farisieninba n den gbadi Jesu n pua yaa kpanjama kuli, bi den bandi ke o maadi bane. 46Ba ke bi den moandi ki baa cuo o, bi den jie ku niligu kelima ku den nua ke Jesu tie saawalipuale.
Currently Selected:
Matie 21: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 21
21
Jesu kuama Jerusalemi leni o kuuma
21—27
Jesu kua Jerusalemi
(Mrk 11.1-11; Luk 19.28-40; Jan 12.12-19)
1Jesu leni o ŋoadikaaba n den nagidi Jerusalemi, ki pundi Betifase dogu nni, ki kuu Olivie Tiidi juali, o den soani ŋoadikaabilie 2ki yedi ba: «Suagi mani ki gedi yaa dobiga n ye yi liiga na. Yi yaa ban pundi yaa yogunu, yi baa le ke o ŋunñua luo ki se leni o biga. Yin lodi ki cuani ba n po na. 3Nilo yaa yedi yi liba, yin guani ki yedi o: ‹Ti Daano n bua ba.› Tontoni o baa cedi yin cuani ba.»
4Lani kuli den tieni ke o saawalipualo n den pua yaa saawalo n tieni:
5Waani mani Siyon dogu yaaba,
Ke bi bado kpendi bi kani na.
O dingi boncianla, ki jagi o ŋunbo.
Li tie ŋunbisaagili, o ŋunñua yaa biga. #Sak 9.9; Ps 118.22-23.
6Bi ŋoadikaaba den gedi ki ban tieni Jesu n waani ba maama. 7Bi den cuani o ŋunñua leni li ŋunbisaagili ki maani bi po bi tiadi, ke Jesu jagini. 8Ku niligu siiga bi niba boncianla den ladi bi tiadi u sanu nni, bi tianba mo den pedi i tibensoangi ki ladi u sanu nni. 9Yaa niligu n den ye Jesu liiga leni yaagu n ŋua o puoli kuli den kpaani ki tua: «Davidi Bijua n baa ti pagidi! U Tienu n seligi yua n kpendi wani o Diedo yeli nni.
U Tienu yua n ye hali tanpolijoma n baa ti pagidi.»
#
Ps 118.25-26.
10Wan den kua Jerusalemi, li den paki u dogu nni yaaba kuli ke bi tua: «One tie ŋme?» 11Ku niligu den guani ki tua: «Li tie Jesu, o saawalipualo, Galile diema yaa Nasareti yua.»
Jesu kua U Tienu diegu nni
(Mrk 11.15-19; Luk 19.45-48; Jan 2.13-22)
12Jesu den kua U Tienu diegu nni, ki deli ki ñani yaaba n kuadi leni yaaba n daa lienni kuli, ki tudi ki luni bi ligilebidiba kpagidi leni a kpaajekuada bonkalikaala. 13O den yedi ba: «Li diani: ‹Bi baa yaa yi n dieli i jaandi diegu.› Ama yinba wani teni ke li tua a suuda wuonkaanu.» #Esa 56.7; Jer 7.11.
14A juama leni a diama den nagini o kani U Tienu diegu nni, ke o paagi ba.
15Ama bi kopadicianba yudanba leni li bali maama banda n den laa wan tieni yaa bonlidinkaala yeni, ki gbadi ke a bila kpaani U Tienu diegu nni ki tua: «Davidi Bijua n baa ti pagidi, Davidi bijua n baa ti pagidi,» bi pala den beni boncianla. 16Bi den yedi o: «A gba ban maadi yaala?» Jesu den guani ki yedi ba: «Mm. Naani yi daa cogi yaa maama n tie ne: ‹A teni ke a biwaala leni yaaba n da ŋaani kuli pagi a bonŋanla?› » #Ps 8.3.
17Jesu n den fii bi kani, o den ñani u dogu nni ki gedi ki ban duani Betani.
Jesu soli bu kankanbu
(Mrk 11.12-14,20-25)
18Wan den guani u dogu po ku tiŋaapanpangu, mi koma den cuo o. 19O den laa bu kankanbu u sankunu, ki jadi ki gedi bu kani. Ama waa den laa puu bu po se ti faadi bebe. O den yedi bu: «Ŋan da go luoni puu kuli abada.» Lanyogunu bu kankanbu den kuodi. 20O ŋoadikaaba n den laa lani, li den paki ba ke bi buali o: «Be n teni ke bu kankanbu kuodi tontoni nanda?» 21Jesu den guani ki yedi ba: «N waani yi i moamoani, yi yaa pia li dandanli ki naa maliti yi pala nni ke li baa tieni bi li kan tieni, yi baa tieni ki cie min tieni bu kankanbu na yaala. Ba yi yaa yedi li naa juali: ‹Fii ki ban lu a yuli mi ñincianma nni,› li baa tieni. #Mat 17.20; 1Kor 13.2. 22Yin baa jaandi ki mia yaala kuli leni li dandanli, yi baa baa la.»
Jufinba buali Jesu o bali n ñani naani
(Mrk 11.27-33; Luk 20.1-8)
23Jesu n den kua U Tienu diegu nni ki bangi bi niba, bi kopadicianba yudanba leni Jufinba nikpela kuli den cua ki yedi o: «Li laa bali yaa po yo ke a tiendi li naa bonla? Ŋme n puni a laa bali?» 24Jesu den guani ki yedi ba: «Nmoko baa buali yi bonyenla. Yi yaa waani nni, nmoko baa waani yi yaa bali yaa po ke n tiendi laa bonla. 25Jan n den batisi bi niba yeni, o den baa li bali tanpoli po bi, bi bi nisaaliba kane?» Bi den juogi bi siiga ki yedi: «Ti yaa yedi ke o den baa li tanpoli po, o baa yedi ti: ‹Be yaa po ke yii den daani o maama?› 26Ti yaa yedi: ‹Bi nisaaliba yaa kane mo›, ti jie ku niligu, kelima bikuli nua ke Jan den tie saawalipualo.» 27Lani yaa po, bi den guani ki yedi Jesu: «Tii bani ba.» O den yedi ba: «Nmoko kan waani yi yaa bali yaa po, ke n tiendi laa bonla.
Bi bijaliediba kpanjama
28Yi tama be? O joa den pia bijabilie. O den yedi o bijakpelo: ‹N bijua, gedi ki ban soani dinla n duventiidi kuanu nni.› 29O den guani ki yedi o baa: ‹Mii caa.› Ama lan yeni waamu, o den lebidi o yama ki gedi. 30Laa joa den yedi o bijalielo mo yeni. Wani mo den guani ki yedi o: ‹N Daano, n baa gedi.› Ama waa den gedi. 31Bi siiga, ŋme n den tieni o baa n bua yaala?» Bi den guani ki yedi o: «O bonkpelo te!» Lane Jesu den yedi ba: «N waani yi i moamoani, bi lubigaaba leni a puoconcona baa kua yi liiga U Tienu diema nni. 32Jan den cua yi kani ki wangi yi mi teginma sanu, ama yii den tuo ki ŋoadi o maama. Bi lubigaaba leni a puoconcona den tuo o maama, ama yinba n den laa lani, yii den yuandi ki lebidi yi yama ki daani o maama. #Luk 3.12; 7.29-30.
Bi koaguudiba kpanjama
(Mrk 12.1-12; Luk 20.9-19)
33Go cengi mani kpanjatoama. O diedaano den ye ki ŋuu o duventiidi kuanu. O den kpaa li nagili ki lindi u, ki gbiidi ku buogu ku tangu po ban baa yaa ŋanbidi duven naankani, ki go paani li janli o duventiidi siiga. Lani, o den guuni o kuanu bi koaguudiba, ki fii ki gedi u dogu. #Esa 5.1-2. 34Li bonluonkaala n den beni yaa yogunu, o den soani o naacenba bi koaguudiba kani, ke ban gaa o kuanu bonbaakaala. 35Bi koaguudiba den cuo o naacenba ki pua yendo, ki kpa one, ki lugidi o taalo mo a tana. 36O koadaano yeni go den soani naacentoaba, yaaba n yabi ki cie bi kpiaba. Bi koaguudiba den soani bani mo nani ban den soani bi kpiaba maama. 37Lani, o den yuandi ki soani o bijua bi kani ki yedi: ‹Bi baa fangi n bijua wani.› 38Ama bi koaguudiba n den laa o bijua, bi den yedi biyaba: ‹One n tie o faajielo. Cedi tin kpa o mani ki diedi o faali.› 39Lani, bi den cuo o ki ñani o u kuanu puoli po ki kpa o. 40Yeni o koadaano yaa ti cua, o baa soani laa koaguudiba lede?» 41Bi den guani ki yedi o: «O baa bolini laa nibiadiba yaa bolinma n bia, ki go guuni u kuanu nitoaba, yaaba n baa yaa tendi o u kuanu bonluonkaala, li yogunu yaa pundi.» 42Jesu den yedi ba: «Naani yi daa cogi i Diani nni yaa maama n tie ne?
‹Bi tanmaaba n den yie ki luni yaa tanli,
Tua li tanpuukaali.
Likuli ñani o Diedo kani,
Ki tie bonlidinkaala ti nuni po.›#Ps 118.22-23.
43Lani yaa po, n waani yi, bi baa gaa yi kani U Tienu diema, ki teni yaa nibuolu n baa yaa baadi mi po li bonluonkaala. [44Yua n baa laa tanli po kuli baa kua kua, lin baa yua yaa po mo baa tua wagima.]»
45Bi kopadicianba yudanba leni Farisieninba n den gbadi Jesu n pua yaa kpanjama kuli, bi den bandi ke o maadi bane. 46Ba ke bi den moandi ki baa cuo o, bi den jie ku niligu kelima ku den nua ke Jesu tie saawalipuale.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.