Matie 22
22
Mi puocaajiema yaa kpanjama
(Luk 14.15-24)
1Jesu go den pua ba mi kpanjama ki yedi: 2«Tanpoli diema baa yaa tie nani yaa bado n den ŋanbi o bijua puocaajiema. 3O den soani o naacenba ban yini wan den yini yaaba laa puocaajiema po, ama bi den yie baa cua. 4O go den soani naacentoaba ki yedi: ‹Yin waani min yini yaaba ke n ŋanbi mi jiema ki gbeni. N kodi n ne leni n yanwubiditi ki ŋanbi ki gbeni. Ban ji cua mi puocaajiema po na.› 5Ama wan den yini yaaba yeni den fali o yiinu, ki fii ki gedi bi kaani, one n gedi o kuanu po, one mo o kpendu, 6yaaba n sieni mo den cuo o naacenba ki fiagi ba ki kpa ba. 7O bado pali den beni boncianla, ke o soani o toatieba ke bi kpa laa nikpaba kuli, ki juu bi dogu. 8Lanwani, o den yedi naacentoaba: ‹Mi puocaajiema ŋanbi ki gbeni, ama min den yini yaaba naa pundi ki je ma. 9Gedi mani yaa sani n pia bi niba boncianla nni, ki yini yin laa yaaba kuli ban cua mi puocaajiema po.› 10Bi naacenba yeni den kua i sani nni, ki taani ban laa yaaba, bi nibiadiba leni bi niŋanba kuli, yeni mi puocaajiema dieli den gbie bi niba.
11O bado n den kua ke o baa le yaaba n cua o yiinu, o den laa niyendo ke waa la mi puocaajiema tiadi. 12O den yedi o: ‹N danli, a tieni lede ki kua ne kaa la mi puocaajiema yaa tiadi?› O joa yeni naa den baa ki guani puu. 13O bado den yedi o naacenba: ‹Loli mani o taana leni o buadi, ki lu o niinpo li biigili nni, a bubula leni mi ñincegima n baa yaa ye naankani.› » #Mat 8.12; 25.30; Luk 13.28.
14Jesu den juodi ki yedi: «Ban yini yaaba yabi, ama ban gandi yaaba wa.»
Loma badiciamo Sesari lubili
(Mrk 12.13-17; Luk 20.20-26)
15Lanwani, Farisieninba den fii ki foagidi ki ban juogi ban baa tieni maama ki dia Jesu ku madiagu, ki cuo o.
16Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po. 17Lani yaa po, waani ti amo n sua yaala. Naani li pia u sanu tin pa Loma badiciamo Sesari li lubili, bi laa pia?» 18Jesu den bani bi nunfanbiadibu, ki guani ki buali ba: «Yinba palalie danba ne, be n teni ke yi dia nni ku madiagu yeni? 19Min le yin baa pa yaa ligi li lubili yeni?» Bi den teni o li kujapienli. 20O den buali ba: «Ŋme yaa nannanli leni ŋme yaa diani yo?» 21Bi den guani ki yedi o: «Sesari yaali yo.» Lane o den yedi ba: «Lanwani, pa mani Sesari, yaala n tie Sesari yaala, ki pa U Tienu mo, yaala n tie U Tienu yaala.» 22Ban den gbadi o maguankaama, li pakili den cuo ba ke bi den fii ki ñani o kani, ki ban caa. #JTT 23.8.
Sadusieninba buali bi tinkpiba fiima po
(Mrk 12.18-27; Luk 20.27-40)
23Landaali goga, Sadusieninba, yaaba n tua ke bi tinkpiba fiima ki ye, bi tianba den cua Jesu kani ki buali o i naa buali: 24«Canbaa, Musa den yedi: ‹O nilo yaa kpe kaa pia biga, o waalo n taa o kpepuoli ki baa o kpelo po u buolu.› #Tia 25.5. 25To, ti siiga nni jabilele den ye ki taa baayendo. O bonkpelo den taa o pua ki kpe. Wan ki den baa buolu yeni, o waalo den taa o kpepuoli. 26Wani o bonlielo yeni moko den kpe kaa baa buolu, ke o bontaalo moko taa laa pua, ke li tieni tieni yeni, ki yaa caa hali o bonleleelo. 27Bikuli n den kpe kpe, o pua moko den yuandi ki kpe. 28Lanwani, bi tinkpiba fiima yogunu, bani bonbilele yeni siiga, o pua yeni nan baa yaa tie ŋme yaa yua yo? Bi niinni yendo yendo kuli den taa o ke o tua o pua.» 29Jesu den guani ki yedi ba: «Yi tudi, kelima yii bani i Diani, yii bani U Tienu paalu mo. 30Bi tinkpiba fiima yogunu, bi jaba kan go taa puoba, bi puoba mo kan go kuni jaba. Ama bi baa yaa tie nani malekinba yeni tanpoli po. 31Yaala n tie bi tinkpiba fiima yaa maama fuuli po mo, naani yii cogi U Tienu n yedi yi yaala na: 32‹N tie Abalahama, Isaaka leni Jakob Tienu?› U Tienu mo naa tie tinkpila Tienu ka, o tie yaaba n fo Tienu yo.» #Ñam 3.6. 33Ku niligu den gbadi Jesu bangima ke li paki ba.
Li bali maama majali
(Mrk 12.28-34; Luk 10.25-37)
34Farisieninba n den gbadi ke Jesu mubini Sadusieninba ñoana, bi den taani o kani. 35Bi siiga nni yendo yua n tie li bali maama bangikaciamo den buali o, ki bua ki dia o ku madiagu ki yedi o: #Luk 10.25-28. 36«Canbaa, li bali maama nni, mile n cie?» 37Jesu den guani ki yedi o: «Ŋan bua o Diedo a Tienu leni a pali kuli leni a miali kuli leni a yantiali kuli. #Tia 6.5. 38Li bali maama nni, mine n cie ki tie li mayuli. 39Yaama n ŋua ma ki naani leni ma mo tie mine: Ŋan bua a lielo nani ŋan bua a yuli maama yeni. #Lev 19.18. 40Li bali maama leni bi saawalipuaba maama kuli, maa laa maliedima po yo.»
Kilisiti n tie yua
(Mrk 12.35-37; Luk 20.41-44)
41Farisieninba n den taani, Jesu den buali ba: 42«Yi tama be yo U Tienu n Gandi Yua po? O tie ŋme bijua yo?» Bi den guani ki yedi o: «O tie Davidi bijua.» 43Jesu den yedi ba: «Li yaa tie yeni, li nan gaa lede ke mi Fuoma den teni ke Davidi maadi o maama ki yini o o Diedo, wan den yedi:
44O Diedo den yedi n Diedo:
‹Kali n jienu po,
Hali min baa guli a yibalinba
Ŋan ŋmaa ba.› #Ps 110.1.
45Davidi oba yaa yini o o Diedo, li nan go gaa lede ke o tie wani Davidi bijua?» 46Oba kuli ki den fidi ki guani Jesu ba mayenma. Hali landaali mo, oba kuli ki go den baa papaali ki buali o bualiba kuli.
Currently Selected:
Matie 22: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 22
22
Mi puocaajiema yaa kpanjama
(Luk 14.15-24)
1Jesu go den pua ba mi kpanjama ki yedi: 2«Tanpoli diema baa yaa tie nani yaa bado n den ŋanbi o bijua puocaajiema. 3O den soani o naacenba ban yini wan den yini yaaba laa puocaajiema po, ama bi den yie baa cua. 4O go den soani naacentoaba ki yedi: ‹Yin waani min yini yaaba ke n ŋanbi mi jiema ki gbeni. N kodi n ne leni n yanwubiditi ki ŋanbi ki gbeni. Ban ji cua mi puocaajiema po na.› 5Ama wan den yini yaaba yeni den fali o yiinu, ki fii ki gedi bi kaani, one n gedi o kuanu po, one mo o kpendu, 6yaaba n sieni mo den cuo o naacenba ki fiagi ba ki kpa ba. 7O bado pali den beni boncianla, ke o soani o toatieba ke bi kpa laa nikpaba kuli, ki juu bi dogu. 8Lanwani, o den yedi naacentoaba: ‹Mi puocaajiema ŋanbi ki gbeni, ama min den yini yaaba naa pundi ki je ma. 9Gedi mani yaa sani n pia bi niba boncianla nni, ki yini yin laa yaaba kuli ban cua mi puocaajiema po.› 10Bi naacenba yeni den kua i sani nni, ki taani ban laa yaaba, bi nibiadiba leni bi niŋanba kuli, yeni mi puocaajiema dieli den gbie bi niba.
11O bado n den kua ke o baa le yaaba n cua o yiinu, o den laa niyendo ke waa la mi puocaajiema tiadi. 12O den yedi o: ‹N danli, a tieni lede ki kua ne kaa la mi puocaajiema yaa tiadi?› O joa yeni naa den baa ki guani puu. 13O bado den yedi o naacenba: ‹Loli mani o taana leni o buadi, ki lu o niinpo li biigili nni, a bubula leni mi ñincegima n baa yaa ye naankani.› » #Mat 8.12; 25.30; Luk 13.28.
14Jesu den juodi ki yedi: «Ban yini yaaba yabi, ama ban gandi yaaba wa.»
Loma badiciamo Sesari lubili
(Mrk 12.13-17; Luk 20.20-26)
15Lanwani, Farisieninba den fii ki foagidi ki ban juogi ban baa tieni maama ki dia Jesu ku madiagu, ki cuo o.
16Bi den soani o kani bi ŋoadikaaba leni o bado Herodi buakaaba, ke bi yedi o: «Canbaa, ti bani ke a tie moamoandaano, ki bangi bi niba U Tienu sanŋoadima leni i moamoani, ŋaa jie oba kuli, ŋaa gagidi oba kelima bi niba n nua ke o tie maama po. 17Lani yaa po, waani ti amo n sua yaala. Naani li pia u sanu tin pa Loma badiciamo Sesari li lubili, bi laa pia?» 18Jesu den bani bi nunfanbiadibu, ki guani ki buali ba: «Yinba palalie danba ne, be n teni ke yi dia nni ku madiagu yeni? 19Min le yin baa pa yaa ligi li lubili yeni?» Bi den teni o li kujapienli. 20O den buali ba: «Ŋme yaa nannanli leni ŋme yaa diani yo?» 21Bi den guani ki yedi o: «Sesari yaali yo.» Lane o den yedi ba: «Lanwani, pa mani Sesari, yaala n tie Sesari yaala, ki pa U Tienu mo, yaala n tie U Tienu yaala.» 22Ban den gbadi o maguankaama, li pakili den cuo ba ke bi den fii ki ñani o kani, ki ban caa. #JTT 23.8.
Sadusieninba buali bi tinkpiba fiima po
(Mrk 12.18-27; Luk 20.27-40)
23Landaali goga, Sadusieninba, yaaba n tua ke bi tinkpiba fiima ki ye, bi tianba den cua Jesu kani ki buali o i naa buali: 24«Canbaa, Musa den yedi: ‹O nilo yaa kpe kaa pia biga, o waalo n taa o kpepuoli ki baa o kpelo po u buolu.› #Tia 25.5. 25To, ti siiga nni jabilele den ye ki taa baayendo. O bonkpelo den taa o pua ki kpe. Wan ki den baa buolu yeni, o waalo den taa o kpepuoli. 26Wani o bonlielo yeni moko den kpe kaa baa buolu, ke o bontaalo moko taa laa pua, ke li tieni tieni yeni, ki yaa caa hali o bonleleelo. 27Bikuli n den kpe kpe, o pua moko den yuandi ki kpe. 28Lanwani, bi tinkpiba fiima yogunu, bani bonbilele yeni siiga, o pua yeni nan baa yaa tie ŋme yaa yua yo? Bi niinni yendo yendo kuli den taa o ke o tua o pua.» 29Jesu den guani ki yedi ba: «Yi tudi, kelima yii bani i Diani, yii bani U Tienu paalu mo. 30Bi tinkpiba fiima yogunu, bi jaba kan go taa puoba, bi puoba mo kan go kuni jaba. Ama bi baa yaa tie nani malekinba yeni tanpoli po. 31Yaala n tie bi tinkpiba fiima yaa maama fuuli po mo, naani yii cogi U Tienu n yedi yi yaala na: 32‹N tie Abalahama, Isaaka leni Jakob Tienu?› U Tienu mo naa tie tinkpila Tienu ka, o tie yaaba n fo Tienu yo.» #Ñam 3.6. 33Ku niligu den gbadi Jesu bangima ke li paki ba.
Li bali maama majali
(Mrk 12.28-34; Luk 10.25-37)
34Farisieninba n den gbadi ke Jesu mubini Sadusieninba ñoana, bi den taani o kani. 35Bi siiga nni yendo yua n tie li bali maama bangikaciamo den buali o, ki bua ki dia o ku madiagu ki yedi o: #Luk 10.25-28. 36«Canbaa, li bali maama nni, mile n cie?» 37Jesu den guani ki yedi o: «Ŋan bua o Diedo a Tienu leni a pali kuli leni a miali kuli leni a yantiali kuli. #Tia 6.5. 38Li bali maama nni, mine n cie ki tie li mayuli. 39Yaama n ŋua ma ki naani leni ma mo tie mine: Ŋan bua a lielo nani ŋan bua a yuli maama yeni. #Lev 19.18. 40Li bali maama leni bi saawalipuaba maama kuli, maa laa maliedima po yo.»
Kilisiti n tie yua
(Mrk 12.35-37; Luk 20.41-44)
41Farisieninba n den taani, Jesu den buali ba: 42«Yi tama be yo U Tienu n Gandi Yua po? O tie ŋme bijua yo?» Bi den guani ki yedi o: «O tie Davidi bijua.» 43Jesu den yedi ba: «Li yaa tie yeni, li nan gaa lede ke mi Fuoma den teni ke Davidi maadi o maama ki yini o o Diedo, wan den yedi:
44O Diedo den yedi n Diedo:
‹Kali n jienu po,
Hali min baa guli a yibalinba
Ŋan ŋmaa ba.› #Ps 110.1.
45Davidi oba yaa yini o o Diedo, li nan go gaa lede ke o tie wani Davidi bijua?» 46Oba kuli ki den fidi ki guani Jesu ba mayenma. Hali landaali mo, oba kuli ki go den baa papaali ki buali o bualiba kuli.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.