Matie 20
20
Duven tiidi kuanu tuonsoanba
1Jesu den yedi: «Tanpoli diema tie nani yaa koadaano n den ñani ku tiŋaapanpangu, ki baa taa bi tuonsoanba o duventiidi kuanu tuonli po. 2Wani leni bani den maadi ki kadi, ke o baa pa ba kujapienyenli#20.2 Kujapienyenli: den tie tuonsoanlo kuli n baa gaa yaala dayenli tuonli po. yenli daali kuli. Li yaa puoli, o den cedi ke bi gedi o kuanu po. 3U yienu n den paagi ke o go ñani, o den laa nitoaba ke bi ye ki daaga nni kaa tuuni liba. 4O den yedi ba: ‹Yimo n gedi mani n kuanu po, n baa pa yi lan dagidi.› 5Bi den gedi. O go den ñani u yensiinu leni li yenlebidili kuli ki tieni yeni. 6U yienu n bua ki kua yaa yogunu, o go den ñani ki laa nitoaba ke bi se ki daaga nni. O den buali ba: ‹Be yaa po ke yi tundi ki se ne kaa tuuni liba?› 7Bi den guani ki yedi: ‹Oba naa taa ti tuonli.› O den yedi ba: ‹Yimo n gedi n kuanu po.›
8Ku joaboandigu n den pundi, o koadaano den yedi o tuonsoanjiido: ‹Yini bi tuonsoanba na ki pa ba bi pani, ki cili leni yaaba n yuandi ki kua, ki ban juodi leni yaaba n kpa kua.› #Lev 19.13; Tia 24.15. 9Yaaba n den kua ke u yienu bua ki baa yeni, den cua ki gaa kujapienyenli yenli. 10Yaaba n den kpa kua mo den cua ki tama ke bi baa gaa ki cie yeni, ama bimoko den gaa kujapienyenli yenli. 11Ban den gaa, bi den yenbidi o koadaano po, 12ki tua: ‹Yaaba n yuandi ki kua, soani u yogunu waamu bebe, ke a nan taani ki pani bani leni tinba kuli yenma, tinba yaaba n tundi ki tuuni ki yenbiadiga nni ki laadi fala.› 13O koadaano den guani ki yedi bi siiga nni yendo: ‹N danli, mii tudi a po. Tii bi maadi ki kadi ke n baa pa ŋa kujapienyenli ka? 14Gaa ŋan die yaala ki fuadi likani. N pia u sanu ki teni yua n yuandi na nani min pani a maama. 15Mii pia sanu ki tieni min die yaala min bua maama bi? Li nunponli cuo ŋa, kelima min ŋani yeni po yo?› »
16Jesu den juodi ki yedi: «Yene ke puoli yaaba baa ti tua liiga yaaba, liiga yaaba mo baa ti tua puoli yaaba.» #Mat 19.30; Mrk 10.31; Luk 13.30.
Jesu waani mi taataama ke o baa kpe ki go fii
(Mrk 10.32-34; Luk 18.31-34)
17Jesu n den do ki caa Jerusalemi leni bi piiga n niliediba, o den piadi leni ba. Li cenli siiga, o den yedi ba: 18«Cengi mani, ti do ki caa Jerusalemi. Bi baa cuo o Joa Bijua ki teni bi kopadicianba yudanba leni li bali maama banda. Bi baa jia o buudi ki bili ke ban kpa o. 19Bi baa teni o bi nilanba ban ñuadi o, ki pua o i baliji, ki kpaa ki tabini o li dapoanpoanli po. Ama li dataali daali, o baa fii bi tinkpiba siiga.»
Jaki leni Jan naa miabu
(Mrk 10.35-45)
20Li yaa puoli, Sebede bijaba naa den nagini Jesu kani leni o bila, ki gbaani o nintuali ki baa mia o bu miabu. 21Jesu den buali o: «A bua be?» O den guani ki yedi o: «N bua ŋan bili ke a yaa ti kaa ti gbandi po yaa yogunu, n bilieda na n yaa kaa yendo a jienu, yendo mo a ganu.» 22Jesu den guani ki yedi: «Yii bani yin miadi yaala. Yi baa fidi ki ño min baa ño yaa tadiñokaaga bi?» Bi den yedi o: «Ti baa fidi.» 23O den guani ki yedi ba: «Moamoane ke yi baa ño min baa ño yaa tadiñokaaga, ama ki kaani o nilo n jienu yaa ka n ganu, laa ŋua mini, li tie n Baa n bili la yaaba yaa po yo.»
24Ŋoadikaaba piiga yaaba n sieni n den gbadi lani, bi pala den beni bi naataanliediba yeni po. 25Jesu den yini ba ki yedi: «Yi bani ke i nilanbuoli badiba mabindi ba, bi paatieba mo die ba leni u paalu. #Luk 22.25-26. 26Lan da tie yeni yi siiga. Yi siiga yua n bua ki tua niciamo kuli, wan tua yi naacemo. #Mat 23.11; Mrk 9.35; Luk 22.26. 27Yua mo n bua ki tua liiga yua kuli, wan tua yi yonbo. 28Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»
Jesu noadi juamalie
(Mrk 10.46-52; Luk 18.35-43)
29Jesu leni o ŋoadikaaba n den ña Jeriko dogu nni, yaa niligu n yabi den ŋua o. 30Juamalie den kaa u sankunu. Ban den gbadi ke Jesu tagini ki baa pendi, bi den tangi: «Ti Daano, Davidi Bijua, gbadi ti po mi ninñima.» 31Ku niligu den funi leni ba ki yedi ke ban suo, ama bi go den tangi ki pugidi: «Ti Daano, Davidi Bijua, gbadi ti po mi ninñima.» 32Jesu den sedi ki yini ba ki buali: «Yi bua min tieni yi po be?» 33Bi den guani ki yedi: «Ti Daano, ti bua ŋan pa ti ti nuni n yaa nua.» 34Mi ninñima den cuo Jesu ke o sii bi nuni. Lanyogunu bi nuni go den nua, ke bi ŋoadi o.
Currently Selected:
Matie 20: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 20
20
Duven tiidi kuanu tuonsoanba
1Jesu den yedi: «Tanpoli diema tie nani yaa koadaano n den ñani ku tiŋaapanpangu, ki baa taa bi tuonsoanba o duventiidi kuanu tuonli po. 2Wani leni bani den maadi ki kadi, ke o baa pa ba kujapienyenli#20.2 Kujapienyenli: den tie tuonsoanlo kuli n baa gaa yaala dayenli tuonli po. yenli daali kuli. Li yaa puoli, o den cedi ke bi gedi o kuanu po. 3U yienu n den paagi ke o go ñani, o den laa nitoaba ke bi ye ki daaga nni kaa tuuni liba. 4O den yedi ba: ‹Yimo n gedi mani n kuanu po, n baa pa yi lan dagidi.› 5Bi den gedi. O go den ñani u yensiinu leni li yenlebidili kuli ki tieni yeni. 6U yienu n bua ki kua yaa yogunu, o go den ñani ki laa nitoaba ke bi se ki daaga nni. O den buali ba: ‹Be yaa po ke yi tundi ki se ne kaa tuuni liba?› 7Bi den guani ki yedi: ‹Oba naa taa ti tuonli.› O den yedi ba: ‹Yimo n gedi n kuanu po.›
8Ku joaboandigu n den pundi, o koadaano den yedi o tuonsoanjiido: ‹Yini bi tuonsoanba na ki pa ba bi pani, ki cili leni yaaba n yuandi ki kua, ki ban juodi leni yaaba n kpa kua.› #Lev 19.13; Tia 24.15. 9Yaaba n den kua ke u yienu bua ki baa yeni, den cua ki gaa kujapienyenli yenli. 10Yaaba n den kpa kua mo den cua ki tama ke bi baa gaa ki cie yeni, ama bimoko den gaa kujapienyenli yenli. 11Ban den gaa, bi den yenbidi o koadaano po, 12ki tua: ‹Yaaba n yuandi ki kua, soani u yogunu waamu bebe, ke a nan taani ki pani bani leni tinba kuli yenma, tinba yaaba n tundi ki tuuni ki yenbiadiga nni ki laadi fala.› 13O koadaano den guani ki yedi bi siiga nni yendo: ‹N danli, mii tudi a po. Tii bi maadi ki kadi ke n baa pa ŋa kujapienyenli ka? 14Gaa ŋan die yaala ki fuadi likani. N pia u sanu ki teni yua n yuandi na nani min pani a maama. 15Mii pia sanu ki tieni min die yaala min bua maama bi? Li nunponli cuo ŋa, kelima min ŋani yeni po yo?› »
16Jesu den juodi ki yedi: «Yene ke puoli yaaba baa ti tua liiga yaaba, liiga yaaba mo baa ti tua puoli yaaba.» #Mat 19.30; Mrk 10.31; Luk 13.30.
Jesu waani mi taataama ke o baa kpe ki go fii
(Mrk 10.32-34; Luk 18.31-34)
17Jesu n den do ki caa Jerusalemi leni bi piiga n niliediba, o den piadi leni ba. Li cenli siiga, o den yedi ba: 18«Cengi mani, ti do ki caa Jerusalemi. Bi baa cuo o Joa Bijua ki teni bi kopadicianba yudanba leni li bali maama banda. Bi baa jia o buudi ki bili ke ban kpa o. 19Bi baa teni o bi nilanba ban ñuadi o, ki pua o i baliji, ki kpaa ki tabini o li dapoanpoanli po. Ama li dataali daali, o baa fii bi tinkpiba siiga.»
Jaki leni Jan naa miabu
(Mrk 10.35-45)
20Li yaa puoli, Sebede bijaba naa den nagini Jesu kani leni o bila, ki gbaani o nintuali ki baa mia o bu miabu. 21Jesu den buali o: «A bua be?» O den guani ki yedi o: «N bua ŋan bili ke a yaa ti kaa ti gbandi po yaa yogunu, n bilieda na n yaa kaa yendo a jienu, yendo mo a ganu.» 22Jesu den guani ki yedi: «Yii bani yin miadi yaala. Yi baa fidi ki ño min baa ño yaa tadiñokaaga bi?» Bi den yedi o: «Ti baa fidi.» 23O den guani ki yedi ba: «Moamoane ke yi baa ño min baa ño yaa tadiñokaaga, ama ki kaani o nilo n jienu yaa ka n ganu, laa ŋua mini, li tie n Baa n bili la yaaba yaa po yo.»
24Ŋoadikaaba piiga yaaba n sieni n den gbadi lani, bi pala den beni bi naataanliediba yeni po. 25Jesu den yini ba ki yedi: «Yi bani ke i nilanbuoli badiba mabindi ba, bi paatieba mo die ba leni u paalu. #Luk 22.25-26. 26Lan da tie yeni yi siiga. Yi siiga yua n bua ki tua niciamo kuli, wan tua yi naacemo. #Mat 23.11; Mrk 9.35; Luk 22.26. 27Yua mo n bua ki tua liiga yua kuli, wan tua yi yonbo. 28Lani n cedi ke o Joa Bijua ki cua ke bi niba n yaa tuuni o po ka, ama o cua ki baa yaa tuuni bi niba po, ki pa o miali, ki daa ki faabi bi niba boncianla.»
Jesu noadi juamalie
(Mrk 10.46-52; Luk 18.35-43)
29Jesu leni o ŋoadikaaba n den ña Jeriko dogu nni, yaa niligu n yabi den ŋua o. 30Juamalie den kaa u sankunu. Ban den gbadi ke Jesu tagini ki baa pendi, bi den tangi: «Ti Daano, Davidi Bijua, gbadi ti po mi ninñima.» 31Ku niligu den funi leni ba ki yedi ke ban suo, ama bi go den tangi ki pugidi: «Ti Daano, Davidi Bijua, gbadi ti po mi ninñima.» 32Jesu den sedi ki yini ba ki buali: «Yi bua min tieni yi po be?» 33Bi den guani ki yedi: «Ti Daano, ti bua ŋan pa ti ti nuni n yaa nua.» 34Mi ninñima den cuo Jesu ke o sii bi nuni. Lanyogunu bi nuni go den nua, ke bi ŋoadi o.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.