Matie 12
12
O Joa Bijua n die mi fuodima daali
(Mrk 2.23-28; Luk 6.1-5)
1Lanyogunu Jesu den tagi ki poandi ŋalikama kuani nni U Tienu fuodima daali. Mi koma den pia o ŋoadikaaba ke bi jobidi ŋalikama siandi ki ŋmani. #Tia 23.26. 2Farisieninba n den laa lani, bi den yedi Jesu: «Diidi ki le, a ŋoadikaaba tiendi yaala n kua mi fuodima daali.» 3Jesu den guani ki yedi ba: «Naani yii cogi Davidi n den tieni yaala mi koma n den cuo o, wani leni yaaba n den ye leni o kuli yo? #1Sam 21.1-7. 4O den kua U Tienu diegu nni ki ŋmani o dupengagidika, ba ke li den kua wani leni yaaba n ye leni o kuli n ŋmani, kelima bi kopadicianba bebe n den pia u sanu ki ŋmani o. #Lev 24.9. 5Bi, naani yii cogi li bali maama nni, ke bi kopadicianba tuuni U Tienu diegu nni mi fuodima daali, ki miidi li daali yeni kuali, ki naa pia lipo tagili? #Coa 28.9-10. 6N yedi yi, yua n cie#12.6 Jesu n den maadi yeni, o den maadi o yuceli maama yo. U Tienu diegu boncianla ye ne. 7Yi yaa bi bani yaa maama n tie ne yaa bundima: Mi ninñingbadima n mani n po, laa tie a pada ka, yi kan bi jaligi yaa niba n ki pia tagili na. #Mat 9.13; Ose 6.6. 8O Joa Bijua n die mi fuodima daali.»
Jesu paagi yaa joa yaa nuu n faani
(Mrk 3.1-6; Luk 6.6-11)
9Jesu den ñani lankani ki gedi ki ban kua bi bali maama bangima dieli nni. 10O joa den ye likani ke o nuu faani. Bi den buali Jesu: «Naani li pia u sanu ki paagi o nilo mi fuodima daali?» Li den tie kelima bi bua ki kuli o yo. 11O den guani ki yedi ba: «Yi niinni ŋme n baa yaa pia peyendo bebe wan baa ku buogu nni mi fuodima daali, ke o kan mubini o ki ñani o lienni? #Luk 14.5. 12Ama o nisaalo cie o pia. Lanwani, li pia u sanu ki tieni yaala n ŋani mi fuodima daali.» 13Lani, o den yedi o joa yeni: «Tandi a nuu.» O den tandi u ke u paagi cain nani u lielu yeni.
14Farisieninba den ñani ki ban juogi ban baa tieni maama ki teni ban kpa Jesu.
U Tienu n gandi yaa naacemo
15Ama Jesu den bandi la ki ñani likani.
Bi niba boncianla den ŋua o. O den paagi a yiama kuli, 16ki teni ba li ñoamabonli, ke ban da ban waani wan tie yua. 17O den tieni yeni ke o saawalipualo Esayi n den pua yaa saawalo n tieni:
18«Diidi min gandi n naacemo yua,
Wani n buado, n pali n mani yua yaa po boncianla.
N baa kuani n Fuoma o niinni,
Wan yaa wangi i nibuoli kuli mi teginma. #Esa 42.1-3.
19O kan koani leni oba,
O kan tiani ba waamu,
Bi kan gbadi o nialu i sani nni.
20O kan degidi ki dudi yaa ñinmuagu n diegi,
O kan gbindi yaa fidisancabigu n ŋubidi,
Hali wan baa n teni mi teginma n paadi.
21I nibuoli kuli baa bili bi dugidi o kani.»
Jesu n deli mu cicibiadimu yaa paalu po
(Mrk 3.22-30; Luk 11.14-23; 12.10)
22Lani n pendi, bi niba den cuani Jesu kani yaa cicibiadiga daano n tie juamo ki go tie muulo. Jesu den paagi o, ke o muulo yeni maadi ki go nua. 23Li den lidini ku niligu kuli ke bi yedi: «One ki tie Davidi Bijua ka?» 24Farisieninba n den gbadi lani, bi den yedi: «O naa joa deli mu cicibiadimu kelima Belisebuli yua n tie mu cicibiadimu bado paalu po.» #Mat 9.34; 10.25. 25Jesu n den bandi ban maliti yaala yeni, o den yedi ba: «Yaa diema n boagidi ki tuogi leni mi yuli kuli baa bodi. Yaa dogu bi yaa diegu yaa niba n paadi, ki tuogi leni biyaba kuli kan yaa ye. 26Sutaani yaa deli Sutaani, o tuogi leni o yuli. O diema baa tieni lede ki yaa ye? 27Li yaa tie ke Belisebuli n puni nni u paalu ke n deli mu cicibiadimu, yi yaa ŋoadikaaba mo deli mu ŋme yaa yeli po yo? Lani yaa po, bi baa jia yi buudi. 28Ama li yaa tie U Tienu Fuoma Yua yaa paalu po yo ke n deli mu cicibiadimu, lani U Tienu diema pundi hali yi kani. 29O nilo baa fidi ki kua o gbanmandaano diegu nni lede ki fagi o piama, kaa kpa paadi o ki loli o? Li yaa puole ke o baa fidi ki kua o diegu nni ki fagi o piama.
30Yua n ki taa n po kuli tie n yieka. Yua n ki todi nni ke n taandi nan yadi wani. #Mrk 9.40. 31Li tie lani yaa po ke n yedi yi, bi nisaaliba baa baa sugili bi tuonbiadi leni bi sugidi kuli po, ama yua n sugi U Tienu Fuoma Yua kan baa sugili. 32Yua n maadi mini o Joa Bijua po yaala n bia baa baa sugili, ama yua n maadi U Tienu Fuoma Yua po yaala n bia, kan baa sugili moala leni yaa yogunu n kpendi kuli. #Luk 12.10.
Bu tibu leni bu bonluonkaala
(Mat 7.15-20; Luk 6.43-45)
33Tuo mani ke yaa tibu n ŋani, bu bonluonkaala moko baa yaa ŋani. Yaa tibu n kaa ŋani, bu bonluonkaala moko kan yaa ŋani. Bi bandi tibu kuli bu bonluonkaala po yo. #Mat 7.20; Luk 6.44. 34Yinba, u waalabi-buolu na, yin bia maama na, yi baa gaa lede ki fidi ki maadi yaa maama n ŋani? O nilo maadi yaala n gbie o pali nne. #Mat 3.7; 23.33; 15.18; Luk 3.7; 6.45. 35O niŋamo ñandi yaala n ŋani, o paŋanli nne. O nibiado mo ñandi yaala n bia, o pabiadili nne. 36N waani yi ke ti buudi daali bi niba baa togidi ban den maadi yaa mafanma kuli. 37Ŋan maadi yaa maama po, baa teni ban saa a po i moamoani, bi ki cuo ŋa.»
Bi mia Jesu wan tieni mi bancianma
(Mrk 8.11-12; Luk 11.29-32)
38Li bali maama banda leni Farisieninba tianba den yedi Jesu: «Canbaa, ti bua ŋan tieni ti po yaa bancianma n tie sinankeene.» #Mat 16.1; Mrk 8.11; Luk 11.16. 39O den guani ki yedi ba: «Moala na niba yaaba n bia, ki go ŋaa U Tienu sanŋoadima yeni, miadi sinankeene. Bi kan tieni bi po sinankeentoa, li yàá tie o saawalipualo Jonasi yua yaa ka. #Mat 16.4; Mrk 8.12. 40Nani Jonasi n den tieni danataa leni ñiaditaa o janciamo tugu nni maama, o Joa Bijua moko baa tieni danataa leni ñiaditaa ki tinga nni yene. #Jan 1.17. 41Ninivi dogu yaaba moko baa taani ki fii ki sedi leni moala ne niba ti buudi daali ki bu ki cuo ba, kelima Jonasi n den waani ba U Tienu maama, bi den lebidi bi pala. Ama moamoani, yua n cie Jonasi ye ne. #Jon 3.5. 42Yaa diema n ye nuganu po yaa puobado moko baa taani ki sedi leni moala ne niba ti buudi daali, ki bu ki cuo ba, kelima o den ñani hali hali foagima, ki cua ki cengi Salomon yanfuoma maama, ama yua n cie Salomon ye ne. #1Bad 10.1-10; 2Baj 9.1-12.
Ki cicibiadiga guanma
(Luk 11.24-26)
43Ki cicibiadiga yaa ñani o nilo niinni, ki yen gedi ki ban yaa gaandi yaa fuali n ki pia ñima nni, ki lingi mi fuodima, ki nan kan baa. 44Lanwani, ki baa yedi: ‹N baa lebidi ki guani n dieli po, min den ñani naani.› Ki yaa pundi, ki baa sua ke li tie dieyaanli ki pidi ki ŋanbi. 45Lanwani, ki baa gedi ki ban taa cicibiadimulele, yaamu n bia ki cie kani kiba, mun yegi ki ban kua li niinni ki yaa ye. Laa nilo yeyuankaama baa yaa bia ki cie mi kpiama. Li baa tua yeni moala ne niba yaaba n bia po.»
Jesu naa leni o waamu
(Mrk 3.31-35; Luk 8.19-21)
46Jesu n den maadi leni ku niligu, o naa leni o waamu den cua ki se niinpo ki bua ki maadi leni o. 47Niyendo den yedi o: «A naa leni a waamu se niinpo ki bua ki maadi leni a.» 48Jesu den guani ki yedi yua n waani o yeni: «Ŋme tie n naa, ŋmenba mo n tie n waamu?» 49O den tandi ki waani o ŋoadikaaba ki yedi: «Diidi, n naa leni n waamu. 50Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»
Currently Selected:
Matie 12: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 12
12
O Joa Bijua n die mi fuodima daali
(Mrk 2.23-28; Luk 6.1-5)
1Lanyogunu Jesu den tagi ki poandi ŋalikama kuani nni U Tienu fuodima daali. Mi koma den pia o ŋoadikaaba ke bi jobidi ŋalikama siandi ki ŋmani. #Tia 23.26. 2Farisieninba n den laa lani, bi den yedi Jesu: «Diidi ki le, a ŋoadikaaba tiendi yaala n kua mi fuodima daali.» 3Jesu den guani ki yedi ba: «Naani yii cogi Davidi n den tieni yaala mi koma n den cuo o, wani leni yaaba n den ye leni o kuli yo? #1Sam 21.1-7. 4O den kua U Tienu diegu nni ki ŋmani o dupengagidika, ba ke li den kua wani leni yaaba n ye leni o kuli n ŋmani, kelima bi kopadicianba bebe n den pia u sanu ki ŋmani o. #Lev 24.9. 5Bi, naani yii cogi li bali maama nni, ke bi kopadicianba tuuni U Tienu diegu nni mi fuodima daali, ki miidi li daali yeni kuali, ki naa pia lipo tagili? #Coa 28.9-10. 6N yedi yi, yua n cie#12.6 Jesu n den maadi yeni, o den maadi o yuceli maama yo. U Tienu diegu boncianla ye ne. 7Yi yaa bi bani yaa maama n tie ne yaa bundima: Mi ninñingbadima n mani n po, laa tie a pada ka, yi kan bi jaligi yaa niba n ki pia tagili na. #Mat 9.13; Ose 6.6. 8O Joa Bijua n die mi fuodima daali.»
Jesu paagi yaa joa yaa nuu n faani
(Mrk 3.1-6; Luk 6.6-11)
9Jesu den ñani lankani ki gedi ki ban kua bi bali maama bangima dieli nni. 10O joa den ye likani ke o nuu faani. Bi den buali Jesu: «Naani li pia u sanu ki paagi o nilo mi fuodima daali?» Li den tie kelima bi bua ki kuli o yo. 11O den guani ki yedi ba: «Yi niinni ŋme n baa yaa pia peyendo bebe wan baa ku buogu nni mi fuodima daali, ke o kan mubini o ki ñani o lienni? #Luk 14.5. 12Ama o nisaalo cie o pia. Lanwani, li pia u sanu ki tieni yaala n ŋani mi fuodima daali.» 13Lani, o den yedi o joa yeni: «Tandi a nuu.» O den tandi u ke u paagi cain nani u lielu yeni.
14Farisieninba den ñani ki ban juogi ban baa tieni maama ki teni ban kpa Jesu.
U Tienu n gandi yaa naacemo
15Ama Jesu den bandi la ki ñani likani.
Bi niba boncianla den ŋua o. O den paagi a yiama kuli, 16ki teni ba li ñoamabonli, ke ban da ban waani wan tie yua. 17O den tieni yeni ke o saawalipualo Esayi n den pua yaa saawalo n tieni:
18«Diidi min gandi n naacemo yua,
Wani n buado, n pali n mani yua yaa po boncianla.
N baa kuani n Fuoma o niinni,
Wan yaa wangi i nibuoli kuli mi teginma. #Esa 42.1-3.
19O kan koani leni oba,
O kan tiani ba waamu,
Bi kan gbadi o nialu i sani nni.
20O kan degidi ki dudi yaa ñinmuagu n diegi,
O kan gbindi yaa fidisancabigu n ŋubidi,
Hali wan baa n teni mi teginma n paadi.
21I nibuoli kuli baa bili bi dugidi o kani.»
Jesu n deli mu cicibiadimu yaa paalu po
(Mrk 3.22-30; Luk 11.14-23; 12.10)
22Lani n pendi, bi niba den cuani Jesu kani yaa cicibiadiga daano n tie juamo ki go tie muulo. Jesu den paagi o, ke o muulo yeni maadi ki go nua. 23Li den lidini ku niligu kuli ke bi yedi: «One ki tie Davidi Bijua ka?» 24Farisieninba n den gbadi lani, bi den yedi: «O naa joa deli mu cicibiadimu kelima Belisebuli yua n tie mu cicibiadimu bado paalu po.» #Mat 9.34; 10.25. 25Jesu n den bandi ban maliti yaala yeni, o den yedi ba: «Yaa diema n boagidi ki tuogi leni mi yuli kuli baa bodi. Yaa dogu bi yaa diegu yaa niba n paadi, ki tuogi leni biyaba kuli kan yaa ye. 26Sutaani yaa deli Sutaani, o tuogi leni o yuli. O diema baa tieni lede ki yaa ye? 27Li yaa tie ke Belisebuli n puni nni u paalu ke n deli mu cicibiadimu, yi yaa ŋoadikaaba mo deli mu ŋme yaa yeli po yo? Lani yaa po, bi baa jia yi buudi. 28Ama li yaa tie U Tienu Fuoma Yua yaa paalu po yo ke n deli mu cicibiadimu, lani U Tienu diema pundi hali yi kani. 29O nilo baa fidi ki kua o gbanmandaano diegu nni lede ki fagi o piama, kaa kpa paadi o ki loli o? Li yaa puole ke o baa fidi ki kua o diegu nni ki fagi o piama.
30Yua n ki taa n po kuli tie n yieka. Yua n ki todi nni ke n taandi nan yadi wani. #Mrk 9.40. 31Li tie lani yaa po ke n yedi yi, bi nisaaliba baa baa sugili bi tuonbiadi leni bi sugidi kuli po, ama yua n sugi U Tienu Fuoma Yua kan baa sugili. 32Yua n maadi mini o Joa Bijua po yaala n bia baa baa sugili, ama yua n maadi U Tienu Fuoma Yua po yaala n bia, kan baa sugili moala leni yaa yogunu n kpendi kuli. #Luk 12.10.
Bu tibu leni bu bonluonkaala
(Mat 7.15-20; Luk 6.43-45)
33Tuo mani ke yaa tibu n ŋani, bu bonluonkaala moko baa yaa ŋani. Yaa tibu n kaa ŋani, bu bonluonkaala moko kan yaa ŋani. Bi bandi tibu kuli bu bonluonkaala po yo. #Mat 7.20; Luk 6.44. 34Yinba, u waalabi-buolu na, yin bia maama na, yi baa gaa lede ki fidi ki maadi yaa maama n ŋani? O nilo maadi yaala n gbie o pali nne. #Mat 3.7; 23.33; 15.18; Luk 3.7; 6.45. 35O niŋamo ñandi yaala n ŋani, o paŋanli nne. O nibiado mo ñandi yaala n bia, o pabiadili nne. 36N waani yi ke ti buudi daali bi niba baa togidi ban den maadi yaa mafanma kuli. 37Ŋan maadi yaa maama po, baa teni ban saa a po i moamoani, bi ki cuo ŋa.»
Bi mia Jesu wan tieni mi bancianma
(Mrk 8.11-12; Luk 11.29-32)
38Li bali maama banda leni Farisieninba tianba den yedi Jesu: «Canbaa, ti bua ŋan tieni ti po yaa bancianma n tie sinankeene.» #Mat 16.1; Mrk 8.11; Luk 11.16. 39O den guani ki yedi ba: «Moala na niba yaaba n bia, ki go ŋaa U Tienu sanŋoadima yeni, miadi sinankeene. Bi kan tieni bi po sinankeentoa, li yàá tie o saawalipualo Jonasi yua yaa ka. #Mat 16.4; Mrk 8.12. 40Nani Jonasi n den tieni danataa leni ñiaditaa o janciamo tugu nni maama, o Joa Bijua moko baa tieni danataa leni ñiaditaa ki tinga nni yene. #Jan 1.17. 41Ninivi dogu yaaba moko baa taani ki fii ki sedi leni moala ne niba ti buudi daali ki bu ki cuo ba, kelima Jonasi n den waani ba U Tienu maama, bi den lebidi bi pala. Ama moamoani, yua n cie Jonasi ye ne. #Jon 3.5. 42Yaa diema n ye nuganu po yaa puobado moko baa taani ki sedi leni moala ne niba ti buudi daali, ki bu ki cuo ba, kelima o den ñani hali hali foagima, ki cua ki cengi Salomon yanfuoma maama, ama yua n cie Salomon ye ne. #1Bad 10.1-10; 2Baj 9.1-12.
Ki cicibiadiga guanma
(Luk 11.24-26)
43Ki cicibiadiga yaa ñani o nilo niinni, ki yen gedi ki ban yaa gaandi yaa fuali n ki pia ñima nni, ki lingi mi fuodima, ki nan kan baa. 44Lanwani, ki baa yedi: ‹N baa lebidi ki guani n dieli po, min den ñani naani.› Ki yaa pundi, ki baa sua ke li tie dieyaanli ki pidi ki ŋanbi. 45Lanwani, ki baa gedi ki ban taa cicibiadimulele, yaamu n bia ki cie kani kiba, mun yegi ki ban kua li niinni ki yaa ye. Laa nilo yeyuankaama baa yaa bia ki cie mi kpiama. Li baa tua yeni moala ne niba yaaba n bia po.»
Jesu naa leni o waamu
(Mrk 3.31-35; Luk 8.19-21)
46Jesu n den maadi leni ku niligu, o naa leni o waamu den cua ki se niinpo ki bua ki maadi leni o. 47Niyendo den yedi o: «A naa leni a waamu se niinpo ki bua ki maadi leni a.» 48Jesu den guani ki yedi yua n waani o yeni: «Ŋme tie n naa, ŋmenba mo n tie n waamu?» 49O den tandi ki waani o ŋoadikaaba ki yedi: «Diidi, n naa leni n waamu. 50Yua n tuo ki tiendi n Baa yua n ye tanpoli yaa yanbuama, wani n tie n naataanjaga, n naataanpuoga leni n naa.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.