Matie 13
13
I bonbii pagima kpanjama
(Mrk 4.1-9; Luk 8.4-8)
1Landaali Jesu den ñani deeni ki gedi ki ban kali mi ñincianma kunu. 2Ku niligu den taani o kani boncianla, hali ke o kua ki kali ku ñinbiagu nni. Ku niligu yeni kuli den se li wali po. #Luk 5.1-3. 3O den pua mi kpanjama ki waani ba bonla boncianla. O den cili ki yedi:
4«O kpakpaalo den ñani ki baa pagi o bonbuoli. Wan den pagini, i tiami den baa u sankunu ke ti bonyugiditi cua ki dini yi. 5I tiami mo den baa ku tancaligu po, mi tama n ki yabi naani. Yi den pudi tontoni kelima mi tama ki yabi likani. 6Ama u yienu n den paagi, i den mali ki kuodi, kelima jiinmoani ki den ye. 7I tiami mo den baa ti konkondi nni. Ti konkondi den fii ki dini yi. 8I tiami mo den baa ki tinŋanga nni. I den loni, bonbiyenbu kobiga kobiga, i tiami piiluoba luoba, i tiami mo piitaa taa. 9Yua n pia a tuba ki baa gbadi, wan gbadi.»
Jesu n pua mi kpanjama yaala yaa po
(Mrk 4.10-12; Luk 8.9-10)
10Bi ŋoadikaaba den nagini o kani ki buali o: «Be yaa po ke a pua ba mi kpanjama?» 11O den guani ki yedi ba: «Bi puni yinba yin bandi tanpoli diema bondoaginkaala. Ama bi naa puni bani wani n bandi la. 12Bi baa pa ki pugini yua n pia, wan baa ki pugini, ama yua n ki pia wani, bi baa gaa o kani ba wan pia yaala. #Mat 25.29; Mrk 4.25; Luk 8.18; 19.26. 13Lani yaa po yo, ke n pua ba mi kpanjama, kelima ba ke bi nua, baa laa liba, ba ke bi cengi mo, baa bandi liba, baa gba liba mo. 14Esayi n den pua yaa saawalo maama tieni ki dudi laa niba kani. O den yedi:
‹Yi baa gbadi leni yi tuba ki nan kan gaa liba,
Yi baa nua leni yi nuni ki nan kan le liba, #Esa 6.9-10.
15Kelima bi naa niba pala tua pajuaga.
Bi biini bi tuba ki ŋubini bi nuni,
Ke ban da le leni bi nuni,
Ki da gbadi leni bi tuba,
Ki da gaa leni bi pala,
Ke ban da ti lebidi bi pala min paagi ba.›
16Ama li pamanli ye leni yi, kelima yi yaa nuni wani nua, yi tuba mo gba. #Luk 10.23-24. 17N waani yi i moamoani, bi saawalipuaba leni bi niteginkaaba boncianla den bua ki le yin nua yaala na, ki naa laa la. Bi den bua ki gbadi yin gba yaala na, ki naa gbadi la.
Jesu bundi i bonbii pagima kpanjama
(Mrk 4.13-20; Luk 8.11-15)
18Lanwani, cengi mani o kpakpaalo kpanjama bundima. 19O nilo yaa cengi U Tienu diema maama, ki naa gaa man bua ki yedi yaala, o Biado n cua ki ñani ban pagi yaama o pali nni. Wani n tie yaa bonpagikaala n baa u sankunu. 20Yii n den baa ku tancaligu po, tie yua n gbadi U Tienu maama, ki gaa ma tontoni leni li pamanli. 21Ama waa pia jiinmoani o pali nni. O kan fidi ki juuni ki sedi. Mi yebiadima yaa cua, yaa ka bi niba yaa waani o fala kelima U Tienu maama po, tontoni se wan gbali ki baa. 22Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu. 23Yii n den baa ki tinŋanga nni mo, tie yua n gbadi U Tienu maama ki gaa ma. O luoni li bonluonkaala, bonbiyenbu loni kobiga, bune piiluoba, bune mo piitaa.»
Ti moabiaditi kpanjama
24Jesu go den pua ba kpanjatoama ki yedi: «Tanpoli diema baa yaa tie nani yaa nilo n den buli yaa bonbulikaala n ŋani o kuanu nni. 25Ama bi niba n den goa yaa yogunu, o yibali den cua ki buli o bonbulikaala yeni siiga ti moabiaditi, ki lebidi ki kuni. 26Ŋalikama n den pudi ki kpedi ki luoni, ti moabiaditi moko den kpedi. 27Bi naacenba den cua ki yedi o koadaano: ‹Canbaa, ŋaa den buli yaa bonbuoli n ŋani ka a kuanu nni? Be nan teni ke ti moabiaditi mo ye lienni?› 28O den guani ki yedi ba: ‹Yibaloba n tieni laa bonla.› 29O naacenba den yedi o: ‹A bua tin gedi ki ban ŋabi ti bi?› O den yedi ba: ‹Aa-a, cedi mani, ke yi yaa ŋabi ti moabiaditi, yin da ti taani ki ŋabi leni ŋalikama. 30Cedi mani likuli n yaa taa ki kpedi hali u jetaagu yogunu n pundi. Lanyogunu n baa yedi bi dipeba: Yin kpa ŋabi ti moabiaditi ki taani ki loli ban juu ti, ama yin taani ki kuodi ŋalikama wani n buali nni.› »
Mutardi leni li dabinli kpanjama
(Mrk 4.30-32; Luk 13.18-21)
31Jesu go den pua ba kpanjatoama ki yedi: «Tanpoli diema tie nani yaa nilo den buli yaa kpintiigu n yi mutardi yaa bonbibu o kuanu nni. 32Laa bonbibu n wa ki cie i bonbii kuli, ama bu yaa pudi, bu yen kpedi ki cie ti kpintiidi kuli ki tua tibu, ke ti bonyugiditi kpendi ki tiendi bi tiana bu beni po.»
33O go den pua ba mi naa kpanjama: «Tanpoli diema tie nani li dabinli ke o pua taa ki buuni yonyiemutaa, ki sieni hali likuli n pili.»
34Jesu den waani ku niligu laa bonla kuli leni mi kpanjama. Waa den maadi leni ba kaa pua kpanjama. 35O den tieni yeni ke o saawalipualo n den maadi yaa maama na n tieni:
«N baa yaa maadi leni ba mi kpanjama nni,
Ki doagidi yaa bonla n bi wuo hali ŋanduna tagima yogunu.» #Ps 78.2.
Jesu bundi ti moabiaditi kpanjama
36Li yaa puoli, Jesu den cabi ku niligu ki kua deeni. O ŋoadikaaba den nagini o kani ki yedi o: «Bundi ti po yaa moabiaditi n ye u kuanu nni kpanjama.» 37O den guani ki yedi ba: «Yua n buli yaa bonbuoli n ŋani yeni tie o Joa Bijua. 38U kuanu mo tie ŋanduna. Yaa bonbuoli n ŋani tie U Tienu diema bila. Ti moabiaditi tie o Biado yaa bila. 39Yibali yua n buli ti moabiaditi tie Sutaani. U jetaagu yogunu tie ŋanduna juodima. Bi dipeba mo tie malekinba. 40Nani ban yen ŋabi ti moabiaditi ki juu maama, ŋanduna juodima mo li baa tua yeni. 41O Joa Bijua baa soani o malekinba ban taani ki ñani o diema nni, yaaba n tulini bi niba leni yaaba n tiendi mi biadima kuli, 42ki lu ba ku fantanbuogu mu nni, a bubula leni mi ñincegima n baa ye naankani. 43Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.
Yaa ŋalimano n wuo kpanjama
44Tanpoli diema go tie nani yaa ŋalimano n den wuo u kuanu nni yeni. O nilo den piidi o ki guani ki wuoni. Lanwani o pamanli po, o gedi ki ban kuadi wan pia yaala kuli ki daa laa kuanu.
Yaa laanu n pia dunpaaga kpanjama
45Tanpoli diema go tie nani yaa kpendo n den lingi yaa laanu n ŋani boncianla. 46Wan den laa laa laanu ke u dunga yabi boncianla, o den gedi ki ban kuadi wan pia yaala kuli ki daa u.
U taalu kpanjama
47Tanpoli diema go tie nani ban luni yaa taalu mi ñincianma nni ki co i janbuoli kuli. 48U yaa gbie, bi yen dadi ki ñani u li boanjaali po, ki kali ki gandi yaa jami n ŋani, ki tieni ti baabuodi nni, ki lu yii n ki ŋani. 49Ŋanduna juodima, li baa tua yeni. Malekinba baa cua ki paadi bi nibiadiba ki ñani ba bi niteginkaaba siiga, 50ki lu bi nibiadiba ku fantanbuogu mu nni, a bubula leni mi ñincegima n baa yaa ye naankani.»
Li bonpanla leni li bonkpelila
51O den buali ba: «Naani yi gbadi laa bonla kuli bonŋanla?» Bi den guani ki yedi o: «Mm.»
52O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»
Nasareti dogu yaaba yie Jesu
(Mrk 6.1-6; Luk 4.16-30)
53Jesu n den pua laa kpanjama kuli ki gbeni, o den fii ki ñani lankani 54ki guani o dandogu nni.#13.54 Laa dogu n den tie Nasareti. Diidi 2.23. O den kua ki bangi li bali maama bangima dieli nni. Li den paki yaaba n gbadi o maama kuli ke bi den tua: «One mo baa mi naa yanfuoma leni mi naa bancianma kuli le? 55Waa tie o kpagikpielo bijua ka? Mariyama ka tie o naa? Jaki, Josefi leni Simon, Juda ka tie o waamu? 56O naataanpola mo kuli ki ye ti siiga? O ñani li naa bonla kuli mo le?» 57Lani, o den tie bi po li tingbali bonla. Jesu den yedi ba: «Bi kan fali saawalipualo kaanto, ke laa tie o dandogu nni leni o diegu nni.» #Jan 4.44. 58Waa den tieni mi bancianma boncianla likani, kelima bi dandanluoma po.
Currently Selected:
Matie 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 13
13
I bonbii pagima kpanjama
(Mrk 4.1-9; Luk 8.4-8)
1Landaali Jesu den ñani deeni ki gedi ki ban kali mi ñincianma kunu. 2Ku niligu den taani o kani boncianla, hali ke o kua ki kali ku ñinbiagu nni. Ku niligu yeni kuli den se li wali po. #Luk 5.1-3. 3O den pua mi kpanjama ki waani ba bonla boncianla. O den cili ki yedi:
4«O kpakpaalo den ñani ki baa pagi o bonbuoli. Wan den pagini, i tiami den baa u sankunu ke ti bonyugiditi cua ki dini yi. 5I tiami mo den baa ku tancaligu po, mi tama n ki yabi naani. Yi den pudi tontoni kelima mi tama ki yabi likani. 6Ama u yienu n den paagi, i den mali ki kuodi, kelima jiinmoani ki den ye. 7I tiami mo den baa ti konkondi nni. Ti konkondi den fii ki dini yi. 8I tiami mo den baa ki tinŋanga nni. I den loni, bonbiyenbu kobiga kobiga, i tiami piiluoba luoba, i tiami mo piitaa taa. 9Yua n pia a tuba ki baa gbadi, wan gbadi.»
Jesu n pua mi kpanjama yaala yaa po
(Mrk 4.10-12; Luk 8.9-10)
10Bi ŋoadikaaba den nagini o kani ki buali o: «Be yaa po ke a pua ba mi kpanjama?» 11O den guani ki yedi ba: «Bi puni yinba yin bandi tanpoli diema bondoaginkaala. Ama bi naa puni bani wani n bandi la. 12Bi baa pa ki pugini yua n pia, wan baa ki pugini, ama yua n ki pia wani, bi baa gaa o kani ba wan pia yaala. #Mat 25.29; Mrk 4.25; Luk 8.18; 19.26. 13Lani yaa po yo, ke n pua ba mi kpanjama, kelima ba ke bi nua, baa laa liba, ba ke bi cengi mo, baa bandi liba, baa gba liba mo. 14Esayi n den pua yaa saawalo maama tieni ki dudi laa niba kani. O den yedi:
‹Yi baa gbadi leni yi tuba ki nan kan gaa liba,
Yi baa nua leni yi nuni ki nan kan le liba, #Esa 6.9-10.
15Kelima bi naa niba pala tua pajuaga.
Bi biini bi tuba ki ŋubini bi nuni,
Ke ban da le leni bi nuni,
Ki da gbadi leni bi tuba,
Ki da gaa leni bi pala,
Ke ban da ti lebidi bi pala min paagi ba.›
16Ama li pamanli ye leni yi, kelima yi yaa nuni wani nua, yi tuba mo gba. #Luk 10.23-24. 17N waani yi i moamoani, bi saawalipuaba leni bi niteginkaaba boncianla den bua ki le yin nua yaala na, ki naa laa la. Bi den bua ki gbadi yin gba yaala na, ki naa gbadi la.
Jesu bundi i bonbii pagima kpanjama
(Mrk 4.13-20; Luk 8.11-15)
18Lanwani, cengi mani o kpakpaalo kpanjama bundima. 19O nilo yaa cengi U Tienu diema maama, ki naa gaa man bua ki yedi yaala, o Biado n cua ki ñani ban pagi yaama o pali nni. Wani n tie yaa bonpagikaala n baa u sankunu. 20Yii n den baa ku tancaligu po, tie yua n gbadi U Tienu maama, ki gaa ma tontoni leni li pamanli. 21Ama waa pia jiinmoani o pali nni. O kan fidi ki juuni ki sedi. Mi yebiadima yaa cua, yaa ka bi niba yaa waani o fala kelima U Tienu maama po, tontoni se wan gbali ki baa. 22Yii n den baa ti konkondi nni, tie yua n gbadi U Tienu maama, ama ŋanduna yema yanyagidi leni ŋalimani boandi kuli dini ma, ki teni ke maa luoni puu. 23Yii n den baa ki tinŋanga nni mo, tie yua n gbadi U Tienu maama ki gaa ma. O luoni li bonluonkaala, bonbiyenbu loni kobiga, bune piiluoba, bune mo piitaa.»
Ti moabiaditi kpanjama
24Jesu go den pua ba kpanjatoama ki yedi: «Tanpoli diema baa yaa tie nani yaa nilo n den buli yaa bonbulikaala n ŋani o kuanu nni. 25Ama bi niba n den goa yaa yogunu, o yibali den cua ki buli o bonbulikaala yeni siiga ti moabiaditi, ki lebidi ki kuni. 26Ŋalikama n den pudi ki kpedi ki luoni, ti moabiaditi moko den kpedi. 27Bi naacenba den cua ki yedi o koadaano: ‹Canbaa, ŋaa den buli yaa bonbuoli n ŋani ka a kuanu nni? Be nan teni ke ti moabiaditi mo ye lienni?› 28O den guani ki yedi ba: ‹Yibaloba n tieni laa bonla.› 29O naacenba den yedi o: ‹A bua tin gedi ki ban ŋabi ti bi?› O den yedi ba: ‹Aa-a, cedi mani, ke yi yaa ŋabi ti moabiaditi, yin da ti taani ki ŋabi leni ŋalikama. 30Cedi mani likuli n yaa taa ki kpedi hali u jetaagu yogunu n pundi. Lanyogunu n baa yedi bi dipeba: Yin kpa ŋabi ti moabiaditi ki taani ki loli ban juu ti, ama yin taani ki kuodi ŋalikama wani n buali nni.› »
Mutardi leni li dabinli kpanjama
(Mrk 4.30-32; Luk 13.18-21)
31Jesu go den pua ba kpanjatoama ki yedi: «Tanpoli diema tie nani yaa nilo den buli yaa kpintiigu n yi mutardi yaa bonbibu o kuanu nni. 32Laa bonbibu n wa ki cie i bonbii kuli, ama bu yaa pudi, bu yen kpedi ki cie ti kpintiidi kuli ki tua tibu, ke ti bonyugiditi kpendi ki tiendi bi tiana bu beni po.»
33O go den pua ba mi naa kpanjama: «Tanpoli diema tie nani li dabinli ke o pua taa ki buuni yonyiemutaa, ki sieni hali likuli n pili.»
34Jesu den waani ku niligu laa bonla kuli leni mi kpanjama. Waa den maadi leni ba kaa pua kpanjama. 35O den tieni yeni ke o saawalipualo n den maadi yaa maama na n tieni:
«N baa yaa maadi leni ba mi kpanjama nni,
Ki doagidi yaa bonla n bi wuo hali ŋanduna tagima yogunu.» #Ps 78.2.
Jesu bundi ti moabiaditi kpanjama
36Li yaa puoli, Jesu den cabi ku niligu ki kua deeni. O ŋoadikaaba den nagini o kani ki yedi o: «Bundi ti po yaa moabiaditi n ye u kuanu nni kpanjama.» 37O den guani ki yedi ba: «Yua n buli yaa bonbuoli n ŋani yeni tie o Joa Bijua. 38U kuanu mo tie ŋanduna. Yaa bonbuoli n ŋani tie U Tienu diema bila. Ti moabiaditi tie o Biado yaa bila. 39Yibali yua n buli ti moabiaditi tie Sutaani. U jetaagu yogunu tie ŋanduna juodima. Bi dipeba mo tie malekinba. 40Nani ban yen ŋabi ti moabiaditi ki juu maama, ŋanduna juodima mo li baa tua yeni. 41O Joa Bijua baa soani o malekinba ban taani ki ñani o diema nni, yaaba n tulini bi niba leni yaaba n tiendi mi biadima kuli, 42ki lu ba ku fantanbuogu mu nni, a bubula leni mi ñincegima n baa ye naankani. 43Lanyogunu, bi niteginkaaba baa yendi nani u yienu yeni, bi Baa diema nni. Yua n pia a tuba ki baa gbadi wan gbadi.
Yaa ŋalimano n wuo kpanjama
44Tanpoli diema go tie nani yaa ŋalimano n den wuo u kuanu nni yeni. O nilo den piidi o ki guani ki wuoni. Lanwani o pamanli po, o gedi ki ban kuadi wan pia yaala kuli ki daa laa kuanu.
Yaa laanu n pia dunpaaga kpanjama
45Tanpoli diema go tie nani yaa kpendo n den lingi yaa laanu n ŋani boncianla. 46Wan den laa laa laanu ke u dunga yabi boncianla, o den gedi ki ban kuadi wan pia yaala kuli ki daa u.
U taalu kpanjama
47Tanpoli diema go tie nani ban luni yaa taalu mi ñincianma nni ki co i janbuoli kuli. 48U yaa gbie, bi yen dadi ki ñani u li boanjaali po, ki kali ki gandi yaa jami n ŋani, ki tieni ti baabuodi nni, ki lu yii n ki ŋani. 49Ŋanduna juodima, li baa tua yeni. Malekinba baa cua ki paadi bi nibiadiba ki ñani ba bi niteginkaaba siiga, 50ki lu bi nibiadiba ku fantanbuogu mu nni, a bubula leni mi ñincegima n baa yaa ye naankani.»
Li bonpanla leni li bonkpelila
51O den buali ba: «Naani yi gbadi laa bonla kuli bonŋanla?» Bi den guani ki yedi o: «Mm.»
52O den yedi ba: «Lanwani, li bali maama banda siiga yua n tuo ki gaa yaala n tie tanpoli diema bonla kuli, tie nani yaa diedaano n ñandi o ŋalimano nni li bonpanla leni li bonkpelila kuli.»
Nasareti dogu yaaba yie Jesu
(Mrk 6.1-6; Luk 4.16-30)
53Jesu n den pua laa kpanjama kuli ki gbeni, o den fii ki ñani lankani 54ki guani o dandogu nni.#13.54 Laa dogu n den tie Nasareti. Diidi 2.23. O den kua ki bangi li bali maama bangima dieli nni. Li den paki yaaba n gbadi o maama kuli ke bi den tua: «One mo baa mi naa yanfuoma leni mi naa bancianma kuli le? 55Waa tie o kpagikpielo bijua ka? Mariyama ka tie o naa? Jaki, Josefi leni Simon, Juda ka tie o waamu? 56O naataanpola mo kuli ki ye ti siiga? O ñani li naa bonla kuli mo le?» 57Lani, o den tie bi po li tingbali bonla. Jesu den yedi ba: «Bi kan fali saawalipualo kaanto, ke laa tie o dandogu nni leni o diegu nni.» #Jan 4.44. 58Waa den tieni mi bancianma boncianla likani, kelima bi dandanluoma po.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.