Matie 11
11
Jan Batisi soani o tondiba Jesu kani
(Luk 7.18-35)
1Jesu n den tundi o piiga n ŋoadikaliediba laa tundi ki gbeni, o den fii lankani ki suagi liiga, ki baa n yaa bangi U Tienu maama ki wangi o Laabaaliŋamo yaa dogi n ye laa gaanilindima nni.
2Jan n den lo li kpaadidieli nni ki gbadi Kilisiti n tiendi yaala, o den soani o ŋoadikaaba Jesu kani, ke ban buali o: 3«Naani a tie yua n den baa cua, bi ti da go baa yaa guu nitoa yo?» 4Jesu den guani ki yedi ba: «Guani mani ki ban togidi Jan yin gba ki go nua yaala: 5A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo. #Esa 35.5-6; 61.1. 6Li pamanli ye leni min kaa tie yua yaa po li tingbali bonla.»
Jan tondiba n den ñani Jesu kani ki ban caa yaa yogunu, 7Jesu den maadi ku niligu Jan maama ki yedi: «Yi den gedi mi fanpienma po ki baa n le be? Yua n tie nani u faalu n liebi yaa ñinmuagu bi? 8Yi den gedi ki baa n le be? Yua n bobi ti tiaŋandi bi? Yaaba n yie ti tiaŋandi wani ye bi badiba diedi nne. 9Yi nan den li gedi ki baa n le be? O saawalipualo bi? Yeni de! Ama n waani yi, ke yin ban laa yua cie baa saawalipualo. 10Li tie wani yaa po ke li diani ki yedi:
‹Diidi, n soani n tondo a liiga,
Ke wan ŋanbi a sanu.› #Mal 3.1.
11N waani yi i moamoani, pua n mali yua kuli, yua n cie Jan Batisi daa mali, ama yua mo n wa ki cie tanpoli diema nni, wani n yabi ki cie o. 12Ki cili Jan Batisi yogunu ki pundi hali moala, bi niba koa tanpoli diema nni leni u paalu. U paalu danba mo diedi ma.#11.12 Likani gbadima pa. Bi go fidi ki soagini: hali moala u paalu danba koani leni tanpoli diema, ki moandi ban guli ma. #Luk 16.16. 13Bi saawalipuaba leni li bali maama kuli den pua saawali ki maadi U Tienu diema maama, ki ban pundi hali Jan yogunu. 14Yi yaa bua ki tuo, wani n tie Eli yua n den baa cua yeni. #Mal 3.23; Mat 17.10-13; Mrk 9.11-13. 15Yua n pia a tuba ki baa gbadi, wan gbadi.
16N baa nandi moala ne niba leni be? Bi tie nani yaa bila n kaa ki daaga nni ki maadi leni biyaba ki tua:
17‹Ti piebi yi po mu yelimu,
Ke yii jeli ciaga.
Ti yiini yi po i kuyani,
Ke yi naa mua.›
18Jan den cua, waa den di, waa den ñu mo, ke bi tua: ‹O pia ki cicibiadiga.› 19O Joa Bijua mo cua ki di ki go ñu, ke bi tua: ‹Diidi, o tie jiejiedo leni dañolo, ki go tie bi lubigaaba leni i tagibiadi danba kuli danli.› Ama mi yanfuoma doagidi mi teginma mi tuona nni.»
Yaa dogi n yie Jesu maama
(Luk 10.13-15)
20Lani, Jesu den funi leni wan tieni mi bancianma boncianla yaa dogi nni, kelima laa dogi niba naa den lebidi bi pala. O den yedi: 21«Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne, yaa den tieni Tiiri leni Sidon dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi pala hali yogu. #Esa 23.1-18; Esk 26.1—28.26; Jl 4.4-8; Amo 1.9-10; Sak 9.2-4. 22Lani yaa po, n yedi yi, ti buudi daali, Tiiri leni Sidon dogi yaa fala kan yaa bia ki pundi yi yaa fala. 23Fini, Kafarnawum dogu moko, a tama ke a baa fiini a yuli hali tanpoli bi? Kalam, bi baa jiini a hali bi tinkpiba diema nni, kelima yaa bancianma n den tieni a niinni, yaa den tieni Sodomi dogu nni, u bi baa yaa ye hali dinla. #Esa 14.13-15; Cil 19.24-28. 24Li tie lani yaa po ke n yedi a, ti buudi daali Sodomi yaa fala kan yaa bia ki pundi a yaa fala.» #Mat 10.15; Luk 10.12.
Jesu bangima dingi
(Luk 10.21-22)
25Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfuodanba leni bi nunfandanba kuli po, ki doagidi la yaaba n tie a biwaala po. 26Yeni de! N Baa, n pagi a kelima a yanjagiŋanli po yo ke a tieni yeni.
27N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka. #Jan 3.35; 1.18; 10.15.
28Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima. 29La mani n naakpakpaadi-daagu,#11.29 Jufinba den nua Musa n soagini yaa bali maama nani ku naakpakpaadi-daagu yeni, Jesu moko nandi o Laabaaliŋamo leni lani. ki gaa n bangima, kelima n dingi ki pia li yumiinli, yeni yi baa baa mi fuodima yi naani po. #Jer 6.16. 30N naakpakpaadi-daagu faali, n tugili mo yua.»
Currently Selected:
Matie 11: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Matie 11
11
Jan Batisi soani o tondiba Jesu kani
(Luk 7.18-35)
1Jesu n den tundi o piiga n ŋoadikaliediba laa tundi ki gbeni, o den fii lankani ki suagi liiga, ki baa n yaa bangi U Tienu maama ki wangi o Laabaaliŋamo yaa dogi n ye laa gaanilindima nni.
2Jan n den lo li kpaadidieli nni ki gbadi Kilisiti n tiendi yaala, o den soani o ŋoadikaaba Jesu kani, ke ban buali o: 3«Naani a tie yua n den baa cua, bi ti da go baa yaa guu nitoa yo?» 4Jesu den guani ki yedi ba: «Guani mani ki ban togidi Jan yin gba ki go nua yaala: 5A juama noadi, a waba cuoni, a gbaada ŋanbidi, a woma gba, bi tinkpiba fiidi, a luoda mo gba o Laabaaliŋamo. #Esa 35.5-6; 61.1. 6Li pamanli ye leni min kaa tie yua yaa po li tingbali bonla.»
Jan tondiba n den ñani Jesu kani ki ban caa yaa yogunu, 7Jesu den maadi ku niligu Jan maama ki yedi: «Yi den gedi mi fanpienma po ki baa n le be? Yua n tie nani u faalu n liebi yaa ñinmuagu bi? 8Yi den gedi ki baa n le be? Yua n bobi ti tiaŋandi bi? Yaaba n yie ti tiaŋandi wani ye bi badiba diedi nne. 9Yi nan den li gedi ki baa n le be? O saawalipualo bi? Yeni de! Ama n waani yi, ke yin ban laa yua cie baa saawalipualo. 10Li tie wani yaa po ke li diani ki yedi:
‹Diidi, n soani n tondo a liiga,
Ke wan ŋanbi a sanu.› #Mal 3.1.
11N waani yi i moamoani, pua n mali yua kuli, yua n cie Jan Batisi daa mali, ama yua mo n wa ki cie tanpoli diema nni, wani n yabi ki cie o. 12Ki cili Jan Batisi yogunu ki pundi hali moala, bi niba koa tanpoli diema nni leni u paalu. U paalu danba mo diedi ma.#11.12 Likani gbadima pa. Bi go fidi ki soagini: hali moala u paalu danba koani leni tanpoli diema, ki moandi ban guli ma. #Luk 16.16. 13Bi saawalipuaba leni li bali maama kuli den pua saawali ki maadi U Tienu diema maama, ki ban pundi hali Jan yogunu. 14Yi yaa bua ki tuo, wani n tie Eli yua n den baa cua yeni. #Mal 3.23; Mat 17.10-13; Mrk 9.11-13. 15Yua n pia a tuba ki baa gbadi, wan gbadi.
16N baa nandi moala ne niba leni be? Bi tie nani yaa bila n kaa ki daaga nni ki maadi leni biyaba ki tua:
17‹Ti piebi yi po mu yelimu,
Ke yii jeli ciaga.
Ti yiini yi po i kuyani,
Ke yi naa mua.›
18Jan den cua, waa den di, waa den ñu mo, ke bi tua: ‹O pia ki cicibiadiga.› 19O Joa Bijua mo cua ki di ki go ñu, ke bi tua: ‹Diidi, o tie jiejiedo leni dañolo, ki go tie bi lubigaaba leni i tagibiadi danba kuli danli.› Ama mi yanfuoma doagidi mi teginma mi tuona nni.»
Yaa dogi n yie Jesu maama
(Luk 10.13-15)
20Lani, Jesu den funi leni wan tieni mi bancianma boncianla yaa dogi nni, kelima laa dogi niba naa den lebidi bi pala. O den yedi: 21«Fala baa yaa ye leni fini Korasini dogu. Fala baa yaa ye leni fini Betisayida dogu, kelima yaa bancianma n tieni a niinni ne, yaa den tieni Tiiri leni Sidon dogi nni, bi den baa laa li paboanli tiadi, ki wuli mi fantanpienma bi yula po, ki doagidi ke bi lebidi bi pala hali yogu. #Esa 23.1-18; Esk 26.1—28.26; Jl 4.4-8; Amo 1.9-10; Sak 9.2-4. 22Lani yaa po, n yedi yi, ti buudi daali, Tiiri leni Sidon dogi yaa fala kan yaa bia ki pundi yi yaa fala. 23Fini, Kafarnawum dogu moko, a tama ke a baa fiini a yuli hali tanpoli bi? Kalam, bi baa jiini a hali bi tinkpiba diema nni, kelima yaa bancianma n den tieni a niinni, yaa den tieni Sodomi dogu nni, u bi baa yaa ye hali dinla. #Esa 14.13-15; Cil 19.24-28. 24Li tie lani yaa po ke n yedi a, ti buudi daali Sodomi yaa fala kan yaa bia ki pundi a yaa fala.» #Mat 10.15; Luk 10.12.
Jesu bangima dingi
(Luk 10.21-22)
25Lanyogunu Jesu den jaandi ki yedi: «N Baa, fini yua n tie tanpoli leni ki tinga kuli Diedo, n pagi a kelima a doagini li naa bonla bi yanfuodanba leni bi nunfandanba kuli po, ki doagidi la yaaba n tie a biwaala po. 26Yeni de! N Baa, n pagi a kelima a yanjagiŋanli po yo ke a tieni yeni.
27N Baa puni nni li bonla kuli bali. Oba kuli ki bani Bijua, li yàá tie Baa yaa ka, oba kuli mo ki bani Baa, li yàá tie Bijua leni wani Bijua n bua ki doagidi o yua yaa po yaa ka. #Jan 3.35; 1.18; 10.15.
28Cua mani n kani, yinba yaaba n tugi a tugikpiaga ki coagi kuli, n baa pa yi mi fuodima. 29La mani n naakpakpaadi-daagu,#11.29 Jufinba den nua Musa n soagini yaa bali maama nani ku naakpakpaadi-daagu yeni, Jesu moko nandi o Laabaaliŋamo leni lani. ki gaa n bangima, kelima n dingi ki pia li yumiinli, yeni yi baa baa mi fuodima yi naani po. #Jer 6.16. 30N naakpakpaadi-daagu faali, n tugili mo yua.»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.