Levi 18

Yaa fangili n baa ye joa leni pua siiga

1O Diedo den yedi Musa: 2«Yedi Isidayeli yaaba: N tie Li Miali Diedo yi Tienu. 3Yin da tieni mani yaala n tiendi Ejipiti diema nni, yin den ye naani. Yin da tieni yaala n tiendi Kanana diema nni, min caani yi naani. Yin da ŋoadi bi tuada. 4Yin yaa tiendi mani n ñoamabonbilikaana, ki yaa ŋua n bali maama, ki faami likuli po. Mini n tie Li Miali Diedo yi Tienu. 5Yin yaa kubi n bali maama leni n ñoamabonbilikaana. Yaa nilo n kubi ki tiendi likuli, baa yaa ye kelima li yaa po. N tie Li Miali Diedo. #Neh 9.29; Esk 18.9; 20.11-13; Luk 10.28; Lom 10.5; Gal 3.12.

6Oba kuli n da taani leni wan kpi leni yaa pua. N tie Li Miali Diedo.

7Ŋan da le a baa mubima bi a naa mubima, kelima o tie a naa. A kan le o mubima.

8A kan le a baa pua mubima. Li tie a baa mubima. #Lev 20.11; 27.20.

9A kan le a naataanpuoga mubima, yua n tie a baa bisalo bi a naa bisalo, bi yaa mali o a diegu nni, bi bi yaa mali o kaanto. #Lev 20.17; Tia 27.22.

10A kan le a bijua bisalo mubima, bi a bisalo yaa bisalo mubima, kelima li tie fini a ba yaa mubime.

11A kan le a baa bisalo mubima, a baa n mali yua kelima yikuli taa baa yo.

12A kan le a baa kpelo bi o waalo yua n tie pua mubima, kelima wani leni a baa kpi bonŋanla. #Lev 20.19-20.

13A kan le a naa kpelo bi o waalo yua n tie joa mubima, kelima wani leni a naa kpi bonŋanla.

14A kan le a baa kpelo pua bi o waalo pua mubima, kelima bi tie a naanba.

15A kan le a biyuaga mubima. Li tie a bijua pua yo. Lani yaa po, a kan le o mubima. #Lev 20.12.

16A kan le a kpelo pua bi a waalo pua mubima. Li tie a kpelo bi a waalo yaa mubime. #Lev 20.21.

17A kan le pua leni o bisalo mubima. A kan taa o bijua bisalo bi o bisalo yaa bisalo ki le bi mubila, kelima bi kpi bonŋanla. Li tie caginde. #Lev 20.14; Tia 27.23.

18A kan taa a pua waalo, ki fiini o kpelo nunponli. A kan le o mubima hali ke a pua da ye.

19Ŋan da nagini yaa pua n ye o ŋmaalo nni, wan joagini yaa yogunu ki le o mubima. #Lev 20.18.

20Ŋan da dua a lielo pua. Ŋan da taani leni o ki joagini. #Lev 20.10.

21Ŋan da pa a bila siiga ba yendo, ban lu o u mu nni ki padi o, o bulo Moleki po. Ŋan da cagini a Tienu yeli. N tie Li Miali Diedo. #Lev 20.1-5.

22Ŋan da duani leni joa nani ban baa duani leni o pua maama, li tie caginde. #Lev 20.13.

23Ŋan da duani leni yanga ki joagini a baa leni o. Pua mo n da nagini yanga, ki teni kan duani leni o. Li tie caginde. #Ñam 22.18; Lev 20.15-16; Tia 27.21. 24Yin da joagini yi baa leni laa bonla kuli ba bonyenla, kelima min baa deli yaa diema ki pa yi ma yeni, den joagini mi baa leni laa bonla buolu. 25Mi niba den joagini bi diema yeni kuli. N baa pa mi diema yeni mi biadima panpaani. Mi baa sii ki ñani ba mi niinni.

26Yin yaa kubi mani n bali maama leni n ñoamabonbilikaana kuli. Yin da tieni laa cagindi buoli ba yenma. Ba u dogu maabiga, ba yaa caano n kaa yi siiga n da tieni la, 27kelima lani n tie yaa niba n den kpa ye laa diema nni, n den kpa tiendi yaa cagindi buolu, hali ke mi diema kuli mo den cagini. 28Yeni, mi diema kan sii yi kelima yi joagindi po, nani man baa sii ki ñani yaa nibuoli n den ye likani ke yi daa cua maama yeni. 29Yaa niba n tieni laa cagindi buoli siiga ba bonyenla, bi baa paadi ki ñani ba bi yaa niba siiga.

30Yin yaa kubi n bali maama. Yin da tieni laa cagindi siiga ba bonyenla, yaala n den tiendi ke yi daa cua. Yin da joagini yi baa leni laa bonla. N tie Li Miali Diedo yi Tienu.»

Currently Selected:

Levi 18: BGP

Highlight

Copy

Compare