Joeli 1
1
O falabiado baa mi diema
1—2
I naaci leni u tayialu baa mi diema
1O Diedo den teni ke Petueli bijua Joeli maadi yaa maama n tie ne:
2«Cengi mani line yinba a nikpela,
Diadi mani yi tuba ki cengi yinba Juda yaaba kuli.
Naani li bonbuolu kpa tieni yi yogunu,
Bi yi yaajanba yogunu?
3Yin togidi la yi bila,
Ke yi bila mo n togidi la bi bila,
Ke bi yaa bila mo n togidi la yaa nifiima n baa ŋoadi.
4A sidibila n ŋmani ki ŋaa yaala,
A dondoba n ŋmani ki dudi.
A dondoba n ŋmani ki ŋaa yaala,
A tobiñaana n ŋmani ki dudi.
A tobiñaana n ŋmani ki ŋaa yaala,
I naaci n ŋmani ki dudi.#1.4 Bi tianba tama ke laa tie buoliyendu, ama bonfuodi buoli buoli, daalinba mo naacibuoli yendu ke bi ŋua o findima wan wa hali o biendi.
5A dañogaada, fundi mani ki mua boncianla.
Yinba yaaba n ñu duven, buudi mani,
Kelima bi babidi yi yi dapanma.
6U nibuolu baa n diema.
U pia u paalu kaa pia coali mo.
U ñina tie nani o yangbanjoa ñina,
Nani o yangbanñua cela yeni. #Doa 9.8.
7U nibuolu yeni bolini ti duventiidi,
Ki jendi jendi ti kankandi,
Ki kpabidi kpabidi yi, ki tudi ki luni yi,
Ki kogidi n duventiidi beni poaga ki ŋaa yi bonkpabipieni.
8Mua ki figindi mani nani yaa puocaano n mua o calo kuuma yeni.
9Mi pienma pada leni a ñincaba pada bodi o Diedo diegu nni.
O Diedo naacenba bi kopadicianba, ye leni li paboanli.
10I kuani jugi,
Ki tinga ye leni li paboanli,
Kelima ŋalikama biidi,
O duvenpaano gbeni,
Mi kpama mo ki go sieni ba kpajualu.
11Bi kpakpaaba gbani wudi,
I duventiidi kpakpaaba buudi ŋalikama leni orje po,
Kelima i kuani bonluonkaala bia cain.
12Bu duventibu kuodi,
Bu kankanbu mali,
Grenadi tilondi, ti kpakpalidi, pomie tiidi
Leni i kuani tiidi kuli mali.
Bi nisaaliba pamanli gbeni.
Mi yanlebidima yiinu
13Yinba bi kopadicianba,
La mani li paboanli tiadi ki biidi yi pala.
Yinba yaaba n tuuni li padibinbinli kani, mua mani.
Cua mani ku ñiagu ki duani ki la li paboanli tiadi,
Kelima mi pienma pada leni a ñincaba bodi ti Tienu diegu nni.
14Bili mani u yogunu ki loli bu ñoabu,
Taani mani taancianli.
Taani mani a nikpela leni mi diema yaaba
O Diedo yi Tienu diegu nni.
Kpaani ki mia mani o Diedo todima!
15Ŋain, yaa dabiadili n kpendi ne te!
O Diedo pabienli daali nagini,
Li kpendi leni U Paaciamu Daano n jagi yaa bolinma. #Esa 13.6.
16Mi jiema bodi ti nunbu nni,
Li pamanli leni li pamankandikaali bodi ti Tienu diegu nni.
17Li bonbulikaala kuodi ti jaabuodi nni,
A senba tua bonkuoma,
A buabuana baa ki mudi mudi, kelima ŋalikama
Poadima po.
18Ti yandi n buudi maama ne te!
I naakuli pua yaayaa ki lindi,
Kelima moaŋmankaadi ki go ye,
Ba ti yanbidi mo ye leni falaciamo.
O saawalipualo jaandi
19O Diedo, n jigidi ki nua fine
Ki kpaani ki miadi a todima!
Kelima u mu dini li yankpaafuali,
U mupienu mo juu i kuani tiidi.
20Ba ti moayandi moko jigidi ki nua fine,
Kelima a ñinbuona kuodi,
U mu mo dini li yankpaafuali.
Currently Selected:
Joeli 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
