Ose 13
13
U Tienu n baa waani Isidayeli yaaba yaa fala
1Efrayimi buolu yaa den maadi,
Bi niba kuli yen jie.
Bi yela den kpedi Isidayeli buoli siiga.
Ama bi den kua mi tudima nni,
Ki padi o bulo Baali po.
Lani n teni ke bi baa kpe.
2Moala, bi tiendi ti tuonbiadi ki pugidi.
Bi taani bi ŋanjilifa ki duadi i buli
Nani ban bili bi yama nni,
Ke laa buli baa yaa tie maama.
Lani kuli tie bi maaba n duadi yaale.
Bi tua bi po:
«Yaaba n padi bi nisaaliba
Baa fidi ki gbaani ki pugi naabiga.»
3Lani n teni ke laa niba baa bodi,
Nani ku tiŋaagu yaa gbangbadigu yeni,
Nani yaa manma n yoagi tonma,
Nani u faalu n tugi yaa fenma,
Ki foagidi leni u jalu,
Nani yaa muñii n ña li diebonli kani yeni.
4U Tienu yedi:
«Mini n tie Li Miali Diedo yi Tienu,
Hali yin den ye Ejipiti.
Yii go bani kuli tientoa ke laa tie mini.
Faabitoa mo ki go ye ke laa tie mini.
5Mini n den kubi yi mi fanpienma nni,
Taaga n ki mi yaa kaanu yeni. #Tia 8.11-17.
6Yin den kua u kaanŋamu nni,
Yi den dini ki guo.
Ama yin den dini ki guo yaa yogunu,
Yi den gbengi yi yula,
Ki sundi n po.
7Lani yaa po, n den tua yi po
Nani o yangbanlo yeni,
Ki tua yi po yaa naamunpieno
N laabi yi sanu nni ki guu.
8N libi yi nani yaa fuayanbiadiga n yi Ursi,
Ban cuo yaaga yaa bila yeni.
N baa luodi yi bena.
N baa ŋmani yi li buoli nni,
Nani o yangbanñua yeni.
Ti fuayandi baa dadi ki toadi toadi yi.
9Isidayeli yaaba, yaala n baa teni yin bodi,
Tie ke yi yie nni,
Mini yua n baa fidi ki gaa yi yeni.
10Yi den mia nni ki yedi:
‹Pa timo o bado leni bi yudanba.›
Yi bado yeni nan ye le,
Ki cua ki faabi yi?
Yi yudanba yaaba n den baa yaa gobidi yi yeni mo te? #1Sam 8.5-6.
11N pabienli nni n den puni yi o bado,
N go baa fie o n pabienli nni. #1Sam 10.17-24; 15.26.
12Efrayimi buolu tagili diani ki bili,
Bi tuonbiadi mo kan bodi hali abada.
13Isidayeli buolu madi pundi,
Nani yaa biga yaa naa n ye
Leni u maditugukoanu yeni,
Ama bi nan tie nani ki biyanpiidanga yene,
Yaaga yaa maayogunu n pundi,
Ke ki nan yie ke ki kan ña ki naa tugu nni.
14Mini o Diedo, n baa faabi
Laa niba bi tinkpiba yekaanu nni?
Naani n baa faabidi laa niba mi kuuma nuu nni?
Fini mi kuuma, a jatiadi ye le?
Fini mi kuuma, waani a paalu yuu n bolindi yeni.
N kan gbadi laa niba po ninñimiba kuli. #1Kor 15.55.
15Efrayimi buolu n baa ki pugini
Bi piama bi kpiiba siiga maama kuli,
Bi yibalinba baa cua nani puoli faalu yeni,
O Diedo n fiini yaa faalu,
Ke u ñani mi fanpienma po.
U baa teni bi ñinsani n tabi,
Bi ñinbuna mo n kuodi.
Bi baa fie yaala n tie bonmoanla kuli bi ŋalimano nni.
Currently Selected:
Ose 13: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
